Дар Тошканд фарзандони бемори фавтида пизишконро шадидан кӯфтанд

597
(Таҷдидшуда 18:42 21.02.2021)
Ин маротибаи нахуст набуда, қаблан низ Вазорати тандурустӣ ба зарурати таҳкими қонунгузорӣ дар соҳаи ҳифзи кормандони соҳаи тиб даъват намуда буд

ДУШАНБЕ, 21 фев — Sputnik. Табибон, ки барои наҷот додани бемор ҷиддан талош менамуданд, ахиран бар асари лату кӯби шадид худ бистарии беморхона гардиданд.

Бар хабари Вазорати тандурустӣ, ҳодисаи мазкур рӯзи 19 феврал дар ноҳияи Яшнобод рух дод.

Пизишкони ёрии таъҷилӣ пас аз дастрас кардани муроҷиат аз як сокини ноҳияи мазкур, зуд ба кӯмаки бемори 52 - сола шитофтанд.

Чун вазъи бемор вазнин буд, ӯро фавран ба беморхонаи шаҳрии клиникии рақами 4 интиқол доданд.

Пизишкони ташхиси ӯро гипертония, кризиси гипертония, омоси шуш ва ҳолати агоналӣ арзёбӣ карданд.

Зимнан, беморро фавран ба шӯъбаи эҳёгарӣ интиқол доданд, аммо ӯ аллакай дар ҳолати марги клиникӣ қарор дошт, чун набз ва нафаскашӣ дар бемор дида намешуд.

Табибон ҳарчанд кӯшиданд, ки то лаҳзаи охирин мардро наҷот диҳанд, вале бемор фавтид.

Вазорати беҳдошт мегӯяд, пас аз марги бемор, фарзандони ӯ табибонро ба ҳадде латукӯб намуданд, ки онҳо ба кӯмаки ҳамкорони худ ниёзманд шуданд.

Ҳоло ду табиб бо ҷароҳатҳо гуногун бистарии беморхона ҳастанд.

Дар робита ба ин ҳодиса, вазорат ба мақомоти ҳифзи ҳуқуқ аз болои фарзандони бемори марҳум шикоят бурд.

597
Барчаспҳо:
латукӯб, пизишкон, Тошканд
Молоток судьи, архивное фото

Зодаи Тоҷикистонро дар Петербург барои кумак ба террористон равонаи зиндон карданд

154
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардааст

ДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.

Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.

Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.

Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.

Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.

Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.

Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.

Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.

Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.

Тафсилоти нав дар қазияи муҳоҷире, ки зани ҳомила ва хусурашро кушт: қарздор буд

Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.

154
Барчаспҳо:
айбдорӣ, зода, Русия, Тоҷикистон
Задержанный преступник, архивное фото

Марде, ки ба гардану шиками занаш қайчӣ зад, боздошт шуд

2331
(Таҷдидшуда 12:50 03.03.2021)
Вазорати умури дохилии Тоҷикистон аз боздошти марде хабар медиҳад, ки ҳамсарашро бо қайчӣ захмӣ кардааст

ДУШАНБЕ, 3 март - Sputnik. кормандони милиса марди 31 - соларо боздошт намуданд, ки бо гумони расонидани зарари ҷисмонӣ ба саломатӣ муттаҳам дониста мешавад.

Ба иттилои манбаъ, боздоштшуда сокини ҷамоати деҳоти Мирсаид Миршакари ноҳияи Роштқалъа мебошад.

Гуфта мешавад, номбурда, 2-юми марти соли 2021, тахминан соати 03:30-дақиқа, аз сабаби рашки зиёд ҳамсари 29-солаи сокини ҷамоати деҳоти К.Гадоалиеви ноҳияи мазкурро бо қайчӣ ба тарафи рости гардан ва шикамаш 1-маротибагӣ задааст.

“Дар натиҷа, ҷабрдида ҷароҳати ҷисмонии сабук ба саломатиаш бардошта, дар беморхона бистарӣ шуд”, - афзудаст манбаъ.

ВУД мегӯяд, аз рӯи ҳодисаи мазкур тафтишот идома дорад.

Муноқишаи оилавӣ: марди 64 - сола ҳамсар ва духтарашро корд зад

Ёдовар мешавем, қаблан ин ниҳод аз боздошти як сокини ноҳияи Рӯдакӣ хабар дод, ки дар ҳолати мастӣ бо корд як маротиба ба шиками ҳамсари 33 - солаи худ зада буд.

2331
Барчаспҳо:
боздошт, захмӣ, ҳамсар, мард, Бадахшон
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

0
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

0
Барчаспҳо:
Ҷаҳон, Тоҷикистон, ҷашн