Председатель Партии экономических реформ Рустам Рахматзода (Кудратов)

Номзад ба президентӣ, аз тағйири иқтисод то набуди фишорҳо дар маъракаҳои таблиғотӣ гуфт

304
(Таҷдидшуда 13:51 07.10.2020)
Номзад ба мансаби президенти Тоҷикистон Рустам Раҳматзода гуфт, ки иқтисоди кишварро бо истифода аз усулҳои инноватсионӣ , бояд рушд дод

ДУШАНБЕ, 7 окт — Sputnik. Тоҷикистон бояд барои расидан ба ҳадафҳое, ки дар Стратегияи миллии рушди худ то соли 2030 пешбинӣ кардааст, иқтисоди худро навсозӣ кунад, гуфтааст раҳбари Ҳизби Ислоҳоти Иқтисодии Тоҷикистон (ҲИИТ) Рустам Раҳматзода ба хабаргузории ТАСС.

Ӯ гуфт, ки стратегияи соли 2015 қабулшуда, аз ҷумла, коҳиш додани сатҳи камбизоатӣ, ташаккул ва афзоиши ҳиссаи синфи миёна, индустрикунонии сареъ ва гузариш ба модели саноатӣ-кишоварзиро дар назар дорад.

"Кишвар ба тағирот ниёз дорад, бояд иқтисоди кишварро бо истифода аз усулҳои инноватсионӣ рушд дод, он гоҳ Тоҷикистон метавонад дар қатори 80 кишвари пешрафта, ки дар ин стратегия пешбинӣ шудааст, имконпазир бошад. Ин имконпазир аст. Ҳизби мо ба интихобкунандагон барномаи аз ҷиҳати илмӣ асосёфтаро дар заминаи навоварӣ пешкаш мекунад",- гуф ӯ.

КМИР номзадҳо ба президентиро сабт кард: 5 нафаранд-ном ба ном

Зимни суханронӣ дар бораи ҷараёни маъракаи интихоботӣ, Раҳматзода қайд кард, ки дар давраи таблиғот муносибати ягона барои ҳама ҳизбҳо вуҷуд дорад ва ягон фишор вуҷуд надорад.

"Ба андешаи ман, дар кишвар шароити баробар, муҳити озоди демократӣ, дастрасӣ ба васоити ахбори омма, аз ҷумла ғайридавлатӣ ва хориҷӣ фароҳам оварда шудааст", - гуфт ӯ.

Вай инчунин гуфт, ки дар робита бо пандемияи коронавирус, ҳамаи номзадҳо тасмим гирифтанд, ки дар якҷоягӣ бо интихобкунандагон мулоқотҳо гузаронанд, ки дар он ҳама ба онҳо якбора вақт дода мешавад.

Раҳматзодаи 60-сола дорандаи дипломи Донишгоҳи аграрии Тоҷикистон ва доктори илмҳои иқтисодӣ мебошад. Ӯ дар Академияи кишоварзии Маскав ба номи К.А.Тимирязев рисолаи номзадӣ дифоъ кардааст.

КМИР нигарониҳо аз густариши вируси корона дар рӯзи интихоботро беасос хонд

Номбурда соли 2019 раҳбари ҳизб шуд, ки ҳоло беш аз 31 ҳазор нафар аъзо дошта, бори аввал дар интихоботи президентӣ ширкат меварзад.

ҲИИТ соли 2005 таъсис ёфта, пас аз як сол  дар интихоботи президентии кишвар дар соли 2006, раҳбари вақти он Олимҷон Бобоев 6,2% овозҳоро ба даст оварда буд.

Дар интихоботи президентии соли 2013, Бобоев 3,91% овозҳоро ба даст овард. Ин ҳизб аз соли 2010 дар парлумон намоянда дорад.

Интихоботи президентӣ дар Тоҷикистон охири ҳафтаи равон, 11 октябр баргузор мешавад.

Нухустин мулоқоти КМИР бо мардум: мақомот аз сокинон хоҳони зиракии сиёсӣ шуданд

Барои дарёфти курсии президенти Тоҷикистон панҷ номзад мубориза мебаранд: Мироҷ Абдуллоев аз коммунистон, Абдухалим Ғаффоров аз Ҳизби сотсиалист, Рустам Латифзода аз Ҳизби аграрӣ, Эмомалӣ Раҳмон аз Федератсияи иттифоқҳои касабаи мустақил, Иттифоқи ҷавонон ва Ҳизби халқӣ-демократӣ бо сарварии ӯ ва Рустам Раҳматзода аз Ҳизби Ислоҳоти Иқтисодӣ

304
Барчаспҳо:
интихобот, Рустам Раҳматзода, Тоҷикистон
Мавзуҳо:
Интихоботи президентӣ - 2020 (76)
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

234
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

234
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2508
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2508
Музаффар Ҳусейнзода, муовини вазири корҳои хориҷии Тоҷикистон ва Анжелика Шопп, роҳбари нави НамояндагииКБСС дар Тоҷикистон

Таъйини роҳбари нави намояндагии Кумитаи Салиби Сурх дар Тоҷикистон

0
(Таҷдидшуда 20:59 19.10.2020)
Вазорати умури хориҷии Тоҷикистон аз таъйини роҳбари нави намояндагии Кумитаи байналмилалии Салиби Сурх дар кишвар хабар дод

ДУШАНБЕ, 19 окт – Sputnik. Тибқи иттилои Вазорати умури хориҷӣ, хонум Анжелика Шопп, роҳбари нави намояндагии Кумитаи байналмилалии Салиби Сурх (КБСС) дар Тоҷикистон таъйин шудааст.

Манбаъ афзуд, рӯзи 19 октябри соли ҷорӣ мулоқоти муовини вазири корҳои хориҷии Тоҷикистон Музаффар Ҳусейнзода бо хонум Анжелика Шопп, роҳбари нави Намояндагии Кумитаи байналмилалии Салиби Сурх (КБСС) дар Тоҷикистон баргузор гардид.

“Зимни cуҳбат масоили фаъолияти КБСС ва  барномаҳои расонидани кумакҳои башардӯстона дар ҷумҳурӣ,  афзудани иқтидори сохторҳои давлатии дахлдор, паҳн намудани дониш дар бораи ҳуқуқи башардӯстонаи байналмилалӣ мавриди баррасӣ қарор гирифтанд”, - омадааст дар иттилоия.

Таъкид шудааст, ки таваҷҷуҳи хоса ба кӯмакҳои башардустона ба муассисаҳои тиббӣ, хонаҳои кӯдакон ва ниҳодҳои ҳолатҳои фавқулода дар давраи ҳамагирии COVID-19 равона гардид.

Манбаъ афзуд, Анжелика Шопп миннатдории хешро ба Вазорати корҳои хориҷӣ ва дигар сохторҳои давлатӣ барои дастгирӣ ва мусоидат дар амалӣ гардидани барномаҳои башардӯстона баён намуд.

0
Барчаспҳо:
таъйин, Кумитаи байналмилалии Салиби Сурх, Тоҷикистон