Ваъдаҳои коммунисти президентшав: колхозҳоро эҳё, таълиму табобатро бепул мекунам ва...

339
(Таҷдидшуда 14:37 09.10.2020)
Мироҷ Абдуллоев, довталаби курсии президентии Тоҷикистон гуфтааст, дар амал ҷорӣ намудани таълими бепул  ва хизматрасонии ройгони тандурустӣ ба аҳолӣ аз масъалаҳои меҳварии барномаи пешазинтихоботияш мебошад.

ДУШАНБЕ, 9 окт — Sputnik. Номзад ба президентӣ аз Ҳизби коммунистии Тоҷикистон гуфтааст, дар ҳолати  нишастан ба курсии президентӣ ба ҷавонон тариқи қарзҳои ипотекӣ имтиёз медиҳад, то соҳиби хонаи шахсӣ гарданд, хабар медиҳад “Ховар”.

“Мо дар нақша гирифтаем, ки қарзҳоро бе фоиз ва ё бо фоизи паст пешниҳод кунем, то ҷавонон соҳиби хона гарданд. Ба оилаҳо қарзҳои дарозмуддат дода мешаванд, то ҳар кадоме то соли 2030 хонаи шахсӣ дошта бошанд”,-афзудааст коммунисти рақами як.

Дар барномаи Абдуллоев ҳамзамон барқарорсозии сохтори колхозӣ низ ҳаст, ки дар шарҳи он гуфтааст, замин бояд самаранок ва дастаҷаъмона истифода шавад.

“Имрӯз қитъаҳое вомехӯранд, ки аз тарафи шаҳрвандон пурра истифода намешаванд. Истифода самараноки замин ба манфиати давлат ва ҷамъият аст”,-гуфтааст даъвогари курсии президентӣ.

Ҳамзамон Мироҷ Абдуллоев, ваъда додааст, ки дар сурати президент интихоб шуданаш,  таълими бепул, хизматрасонии ройгони тандурустӣ ба аҳолиро роҳандозӣ мекунад.

Кӣ пирӯз мешавад? пешгӯии интихоботи президентии Тоҷикистон дар Думаи давлатии Русия

Ӯ ҳамзамон гуфтааст, ки зан дар сиёсат бояд синни муайян надошта бошад ва ба ин хотир нақша дорад дар сурати президент шудан синни нафақаро барои занон боло барад.

“Занҳои сиёсатмадор ва сарвар дорои таҷрибаю дониши бой буда, мо синни нафақаи онҳоро то 65 боло мебарем”,- шарҳ додааст номзади коммунистҳои Тоҷикистон.

Инчунин таҷдиди сохтори кишоварзӣ, назорати фаъолияти бонкҳо ва ташкилотҳои молиявӣ, баргардонии имтиёзҳо барои истифодаи барқ ​​ва газ барои собиқадорони ҷангу меҳнат, давлатикунонии сарватҳои табиӣ ва замин, ислоҳоти ҳифзи ҳуқуқ ва ғайра аз ваъдаҳои ҷаноби Абдуллоев аст.

Интихоботи президенти Тоҷикистон – 2020 дар як дақиқа-видео

Ёдовар мешавем интихоботи президентӣ дар Тоҷикистон ду рӯз пас доир мегардад ва Мироҷ Абдуллоев, аз куҳансолтарин довталабони курсии президентӣ аст, ки нахустин бор дар ин корзор ширкат мекунад.

339
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

244
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

244
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2517
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2517
Монумент Независимости Туркменистана в Ашхабаде, архивное фото

Мулоқоти сарони кишварҳои Осиёи Марказӣ бо сабаби COVID-19 ба соли 2021 мавқуф гузошта шуд

0
(Таҷдидшуда 12:16 23.10.2020)
Қаблан дар назар буд, ки сеюмин дидори машваратии сарони давлатҳои Осиёи Марказӣ, ки қаблан моҳи август дар Бишкек ба нақша гирифта шуда буд, бинобар пандемияи коронавируси COVID-19 ба тирамоҳ мавқуф гузошта шуд

ДУШАНБЕ, 23 окт - Sputnik. Ҷаласаи сеюми машваратии сарони давлатҳои Осиёи Марказӣ, ки қаблан дар Қирғизистон ба нақша гирифта шуда буд, бинобар пандемияи коронавирус ба соли 2021 мавқуф гузошта шуд, гуфт вазири корҳои хориҷии Узбакистон Абдулазиз Комилов.

Ба гуфтаи ӯ, ин мулоқот эҳтимолан дар Туркманистон баргузор хоҳад шуд.

"Мутаассифона, бинобар ҳолатҳои марбут ба коронавирус ва номуайянии давомдор дар бораи замони рафъи ин пандемия, дар гумон аст, ки то охири соли равон ҷаласаи сеюми машваратӣ баргузор карда шавад",- гуфт Комилов.

Комилов гуфт, ки Туркманистон пешниҳод кардааст, ки мулоқоти сеюм дар соли 2021 дар ин кишвар  баргузор шавад.

"Мо, ки ҳамраиси шӯрои машваратӣ ҳастем, ин пешниҳоди Туркманистонро комилан дастгирӣ мекунем ва умедворем, ки нишасти навбатии машваратии Осиёи Марказиро бо як барномаи васеъ ва пурмазмун баргузор мекунем" гуфт ӯ.

Ӯ гуфтааст, ки пас аз нишаст дар Туркманистон, бозгаштан ба пешниҳоди Қирғизистон дар бораи ташкили нишасти машваратӣ дар Бишкек имконпазир хоҳад буд.

"Ин маънои онро надорад, ки кишварҳои минтақа дар роҳи банақшагирифташудаи ҳамкориҳои минтақавӣ " суст шудаанд", - илова кард Комилов.

Ба гуфтаи ӯ, ҳамкориҳои бисёрҷониба барои ҳамаи панҷ давлати Осиёи Марказӣ афзалиятнок аст.

0
Барчаспҳо:
Осиёи Марказӣ, вохӯрии сарони кишварҳо, мулоқот, дидор