Подготовка к выборам в Таджикистане

Аз Абдуллоев то Эмомалӣ: нозирони ИДМ ба кор шуруъ мекунанд рӯйхати пурра

226
Гуруҳи байнулмилалии нозирони Ассамблеяи байнипарлумонии Иттиҳоди давлатҳои муштаракулманофеъ имрӯз фаъолияти чаҳоррӯзаи худро дар Душанбе шуруъ мекунад

ДУШАНБЕ, 9 окт — Sputnik. Павел Пашнов, сардори Раёсати иттилоотиву нашаротии Ассамблеяи байнипарлумонии ИДМ ба Sputnik Тоҷикистон гуфт, гурӯҳи нозирони ин ниҳод, ки барои мониторинги интихоботи Президенти Ҷумҳурии Тоҷикистон вориди Душанбе шудааст, пас аз зуҳри имрӯз, 9 октябр, ба фаъолияти худ шуруъ хоҳад кард.

"Мулоқоти мо нахуст бо Мироҷ Абдуллоев, раис ва номзади Ҳизби Коммунист ба назар гирифта шудааст. Сипас, аъзои гуруҳ бо Рустам Раҳматзода, раис ва номзади Ҳизби ислоҳоти иқтисодӣ ва Абдуҳалим Ғаффоров, номзад ва раиси Ҳизби сотсиалисти Тоҷикистон мулоқот хоҳад кард", - гуфт Павел Пашнов.

Тибқи нақшаи корӣ, ин гурӯҳ фардо, 10 октябр, бо Рустами Эмомалӣ, раиси Маҷлиси миллӣ, Маҳмадтоир Зокирзода, раиси Маҷлиси намояндагон, Бахтиёр Худоёрзода, раиси Комиссияи марказии интихобот ва раъйгирии Тоҷикистон, Абдуҷаббор Азизӣ, раҳбари ситоди номзад ба президентӣ Эмомалӣ Раҳмон ва муовини раиси Ҳизби халқӣ – демократӣ, Рустам Латифзода, номзад ва раиси Ҳизби аграрии Тоҷикистон дидор хоҳад намуд.

"Ин ҳайат ҳамчунин дар пои Тандиси Ғалаба дар Душанбе гулгузорӣ хоҳад кард", - гуфт Павел Пашнов.

Ба ҳамин минвол, 11 октябр – рӯзи интихоботи президентӣ - ҳайати нозирони Ассамлеяи байнипарлумонии ИДМ боз шудани қитъаҳои интихоботиро назорат ва дар давоми рӯз бо кори онҳо ошно хоҳад шуд ва 12 октябр, соати 11, мушоҳидоти худро бо расонаҳои Тоҷикистон дар толори бузурги Маркази таҳқиқоти стратегии назди президенти Тоҷикистон зимни як нишасти матбуотӣ ба миён хоҳад гузошт.

Киҳо? Аз куҷо?

Ба гуруҳи байнулмилалии 10 – нафараи нозирони Ассамблеяи байнипарлумонӣ (АБ) - и ИДМ Олег Мелниченко, ҳамоҳангсози гуруҳ, раиси Кумитаи сохтори федеративӣ, сиёсати минтақавӣ, худидоракунии маҳаллӣ ва умури Шимоли Шӯрои федератсияи Маҷлиси федераалии Федератсияи Русия ва Дмитрий Кобитский, котиби генералии Шӯрои Ассамблеяи байнипарлумонии ИДМ раҳбарӣ мекунанд.

Кӣ пирӯз мешавад? пешгӯии интихоботи президентии Тоҷикистон дар Думаи давлатии Русия

Дар ин гуруҳ Талгат Мусабаев, узви Кумитаи равобити байнулмилалӣ, дифоъ ва амнияти Сенати парлумони Қазоқистон, Тарас Хитуов, узви Кумитаи ислоҳоти иқтисодӣ ва рушди минтақавии Маҷлиси парлумони Қазоқистон, Казбек Тайсаев, муовини раиси Кумитаи умури ИДМ, ҳамгироии авруосиёӣ ва робита бо ҳамватанони Думаи давлатии Маҷлиси федералии Федератсияи Русия, Фармон Тошев, узви Кумитаи масоили судиву ҳуқуқӣ ва мубориза бо коррупсияи Сенати Олий Маҷлиси Ӯзбекистон, Хайрилло Гаппоров, узви Кумитаи мубориза бо коррупсия ва масоили судиву ҳуқуқии Палатаи қонунгузории Олий Маҷлиси Ӯзбекистон, Айдин Ҷафаров Мамед оглу, намояндаи соҳибихтиёри Милли Маҷлиси Озарбойҷон дар АБ ИДМ, Виктор Когут, намояндаи соҳибихтиёри Маҷлиси миллии Белорус дар АБ ИДМ ва Иван Мушкет, директори Институти байнулмилалии мониторинги рушди демократияи АБ ИДМ низ шомил мебошанд.

Ассамблеяи байнипарлумонии ИДМ 27 марти соли 1992 дар шаҳри Алмаатои Қазоқистон аз сӯи раҳбарони парлумони Арменистон, Белорус, Қазоқистон, Қирғизистон, Русия, Тоҷикистон ва Ӯзбекистон таъсис ёфтааст.

226
Барчаспҳо:
рӯйхат, ИДМ, нозирон, Интихоботи президентӣ, Тоҷикистон
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

234
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

234
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2508
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2508
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон