Махмадтоир Зокирзода

Зокирзода: участкаҳои интихоботӣ дар ҳамаи минтақаҳо омодаанд

66
(Таҷдидшуда 15:08 10.10.2020)
Айни замон участкаҳои интихоботӣ дар ҳамаи минтақаҳои ҷумҳурӣ барои баргузории интихоботи Президенти Ҷумҳурии Тоҷикистон омода мебошанд, изҳор дошт раиси Маҷлиси намояндагон

ДУШАНБЕ, 10 окт — Sputnik. Ин нуктаро раиси Маҷлиси намояндагони Тоҷикистон, Маҳмадтоир Зокирзода дар рафти мулоқот бо нозирони байналмилалӣ изҳор дошт.

Тавре дафтари матбуоти Маҷлиси намояндагон гузориш медиҳад, мулоқоти раиси маҷлис Маҳмадтоир Зокирзода бо гурӯҳи нозирони Ассамблеяи байнипарлумонии кишварҳои Иттиҳоди Давлатҳои Мустақил имрӯз, 10 октябр, як рӯз пештар аз баргузории интихоботи президентӣ дар кишвар доир гардид.

Мулоқоти ҷониби нозиронро Олег Мелниченко роҳбарӣ мекард.

Дар мулоқот ҷонибҳо масоили интихоботи Президенти Ҷумҳурии Тоҷикистон, имкониятҳои аҳзоби сиёсӣ, нақшаву барномаҳои пешазинтихоботӣ, баробарии имкониятҳои таблиғотии ҳизбҳо, истифодаи васоити иттилоотии давлатӣ, раванди корҳои омодагӣ ҷиҳати баргузории чорабинии муҳими сиёсиро баррасӣ карданд.

"Маҳмадтоир Зокирзода таъкид намуд, ки айни замон участкаҳои интихоботӣ дар ҳамаи минтақаҳои ҷумҳурӣ барои баргузории интихоботи Президенти Ҷумҳурии Тоҷикистон омода мебошанд", - менависад манбаъ.

Бино ба маълмоти Комиссияи марказии интихобот ва раъӣпурсӣ (КМИР) то имрӯз дар Ҷумҳурии Тоҷикистон 258 нафар намояндагони ВАО ва 122 нафар мушоҳидони баӣналмилалӣ аз Иттиҳоди Давлатҳои Мстақил, Созмони Ҳамкории Шанхаӣ, Созмони амният ва ҳамкорӣ дар Аврупо, кишварҳои Русия, Беларус, Қазоқистон  ва якчанд сафоратхонаҳои муқими Душанбе номнавис (аккредитатсия) шудаанд.

 

 

 

 

 

66
Мавзуҳо:
Интихоботи президентӣ - 2020 (77)
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

244
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

244
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2517
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2517
Продавец в магазине считает сдачу

Кормандони бонк баландтарин маош мегиранд: пасттаринро кӣ?

0
Ожонси омори Тоҷикистон мегӯяд, баландтарин маошро дар кишвар кормандони бахши молия, бонкҳо мегиранд

ДУШАНБЕ, 23 окт - Sputnik. Маоши кормандони бахши хадамоти молиявӣ, бонкҳо 3 ҳазору 362 сомониро ташкил медиҳад, хабар дод “Авеста” бо такя ба Ожонси омори назди раисиҷумҳур.

Манбаъ афзуд, ки музди меҳнат дар бахши истихроҷи маъдан ба 2 ҳазору 414 сомонӣ баробар аст.

Маоши пасттаринро дар Тоҷикистон кормандони хоҷагии қишлоқ, ҷангал ва моҳидорӣ мегиранд, ки 553 сомониро ташкил медиҳад.

Маош дар бахши сохтмон 2 ҳазору 382 сомонӣ, соҳаи таъминоти барқу об беш аз 2 ҳазор сомониро ташкил медиҳад.

Ҳаҷми музди миёнаи меҳнат дар Тоҷикистон ба 1 ҳазору 256 сомонӣ баробар шудааст.

Манбаъ таъкид кардааст, ки музди воқеӣ бо назардошти таваррум дар моҳи август нисбат ба июл 0,5 дарсад коҳиш ёфтааст.

0
Барчаспҳо:
баланд, Бонк, маош, Тоҷикистон