Президент Республики Таджикистан Эмомали Рахмон

"Ба хонааш файз дарояду набарояд" вокуниши рақибон ба пирӯзии Эмомалӣ Раҳмон

1290
(Таҷдидшуда 16:33 12.10.2020)
Натиҷаҳои аввалияи раъйгирӣ дар интихоботи президентӣ маълум ва Эмомалӣ Раҳмон президенти қонунан интихобшудаи Тоҷикистон эълон шуд. Ҳарифони ӯ ба ин натиҷаҳо чӣ назар доранд?

ДУШАНБЕ, 12 окт — Sputnik. Рустам Латифзода, раис ва номзади Ҳизби аграрии Тоҷикистон, ки 127 ҳазору 72 ҳазор ё 3,3 % - и раъйи мардумро ба даст овард, ба Sputnik Тоҷикистон гуфт, ба натиҷаҳои интихобот ҳеҷ шакке надорад.

"Ин интихоби мардум аст. Ҳар киро хоҳад интихоб мекунад. Мо рӯҳафтода нестем. Баръакс, интихобот моро дар муборизаҳои сиёсӣ пухтатар кард. Бо мардум бештар ошно шудем. Чӣ мехоҳад, медонем. Дар парлумон фраксия дорем ва аз дигар роҳҳои қонунӣ бо ҳукумат барномаҳои худро ба миён мегузорему кор мекунем. Ҳадафи мо ободии Тоҷикистон аст. Мехоҳем дар ин кори таърихӣ саҳм бигирем”, - гуфт Рустам Латифзода.

Абдуҳалим Ғаффоров, раис ва номзади Ҳизби сотсиалист дар сабқати интихоботӣ 62 ҳазору 835 ё 1, 49% - и раъйҳоро соҳиб шуд. Вай мегӯяд, интихоботи президентии Тоҷикистон намунаи баланди демократия дар ҷаҳон ва натиҷаҳои он одилона ва мантиқӣ мебошад.

"Мо садҳо сол ба ин сӯ барои як давлати мустақил мубориза бурда, қурбонӣ додем. Истиқлолият туҳфаи яздонӣ барои миллати тоҷик аст ва онро бояд ба чашмони худ молида, ҳифз кунем. Мо рӯзгори талхро як бор аз сар гузарондем. Ҳизби сотсиалисти Тоҷикистон президенти тозаинтихобшуда Эмомалӣ Раҳмонро бо ин пирӯзӣ табрик мекунад. Ба он кас муваффақият ва барои кор орзу мекунем. Бигзор ба хонаашон файз дарояду берун нашавад. Боварӣ дорем, ки он кас ба рушди ояндаи кишвар камарро сахттар мебанданд ва умедворем, ки барномаҳои ҳизби мо низ мавриди таваҷҷӯҳашон қарор мегиранд", - гуфт Абдуҳалим Ғаффоров.

Рустам Раҳматзода, раис ва номзади Ҳизби ислоҳоти иқтисодӣ, 90 ҳазору 587 ё 2,19% - и раъйҳои интихоботиро аз худ кард. Вай гуфт, муҳимтар аз ҳама ин аст, ки интихобот дар як фазои бозу демократӣ ва мунсифонаву амн баргузор шуд.

"Ин раъйгирӣ нишонаи эътирофи Пешвои миллат аз сӯи мардуми Тоҷикистон аст. Мардум хизмати зиёдеро, ки он кас кардааст, қадр кард. 30 ҳазор иншооти ҷашнӣ, ки имрӯзҳо сохта мешаванд, далели он аст, ки он кас кишварро ба роҳи дуруст мебаранд ва мардум инро қабул дорад. Мо дар оянда сиёсати созандаву рӯ ба пешрафти президентро дастгирӣ мекунем. Ҳизби мо бо пешниҳодҳои худ дар ин равандҳо ширкат хоҳад кард", - гуфт Рустам Раҳматзода.

Мироҷ Абдуллоев, раис ва номзади Ҳизби коммунист, 49 ҳазору 212 ё 1, 17% - и овозҳоро соҳиб шуд. Вай гуфт, натиҷаҳои интихобот ва пирӯзии Эмомалӣ Раҳмонро эътироф мекунад.

"Интихобот интихобот аст. Ҳатман касе, ки арзанда аст, раъйи бештарро мегирад ва пирӯз меояд. Ҳизби коммунист дар оянда аз рӯи барномаҳои худ кор карда, талош мекунад, ки сафашро зиёд намояд ва ба муборизаҳои оянда дар интихоботҳо омодагӣ гирад", - гуфт Мироҷ Абдуллоев.

Аброр Мирсаидов, муовини директори Пажӯҳишгоҳи иқтисод ва демографияи Академияи миллии илмҳои Тоҷикистон ва шахси мавриди эътимоди Эмомалӣ Раҳмон, раис ва номзади Ҳизби халқӣ – демократӣ, ки 3 миллиону 837 ҳазору 227 ё 90,92, аксари раъйҳоро ба даст овардааст, мегӯяд, ин натиҷаҳо баёни воқеиятанд.

"Мардум хуб мефаҳманд, ки дар чунин мақтаъи таърихӣ фақат ва фақат Эмомалӣ Раҳмон метавонад кишварро аз муборизаҳои шадиди геополитикӣ, буҳронҳои иқтисодӣ ва беҳдоштии ҷаҳонӣ сиҳату саломат берун оварда, амнияту суботро таъмин кунад. Интихоботҳо дар кишварҳои ҳамсоя собит намуданд, ки барои рушди як кишвар мавҷуд будани як раҳбари ҳамагонӣ ва мардумӣ хеле муҳим аст. Мардуми Тоҷикистон интихоби дуруст кард", - гуфт Аброр Мирсаидов.

Комиссияи марказии интихобот ва раъйгирии Тоҷикистон имрӯз эълон кард, ки дар интихоботи президентии ин кишвар аз 4 миллиону 943 ҳазору 989 шаҳрванди соҳиби раъй 4 миллиону 221 ҳазору 76 нафар ё 85,39% ширкат карданд.

Ҳарчанд ин натиҷаҳо аввалия маҳсуб мешаванд, Эмомалӣ Раҳмон бо ҳамин раъйе, ки ба даст овардааст, пирӯзи ин маърака хоҳад буд.

1290
Барчаспҳо:
вокуниш, интихобот, Эмомалӣ Раҳмон, Тоҷикистон
Мавзуҳо:
Интихоботи президентӣ - 2020 (77)
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

247
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

247
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2520
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2520
Хабиб Нурмагомедов

Хабиб зидди Гетҷи: навори пурраи муҳориба

0
(Таҷдидшуда 03:27 25.10.2020)
Ҳабиб Нурмуҳаммадов бори дигар дар майдон пирӯзӣ ба даст овард ва ба Ҷастин Гетҷи имкон надод, ки бар ӯ дастболо шавад

ДУШАНБЕ, 25 окт — Sputnik. Мубориза миёни ду варзишгар хеле шадид оғоз шуд ва Нурмуҳаммадо бошад аз усулҳои маъмулаш кор мегирифт. Гетҷи низ аз худ маҳорат нишон дода, ба ҳамлаҳои Ҳабиб ҷавоб медода ва ҳатто як-ду лаҳзаи хатарнокро низ ба вуҷуд овард.

Дар даври аввал Ҳабиб аз рақибаш бартарӣ дош.

Марҳилаи дувуми панҷ дақиқагӣ низ ба ҳамин монанд оғоз ёфт - Нурмагомедов рақиби худро фишор дод, аммо табодули шадиди муштзанӣ ба вуқӯъ наомад

Паҳлавони Доғистон кӯшиш кард, ки рақиби худро бо услуби ғайриоддӣ зарба зада, аммо дар охир аз усули анъанавияш кор гирифт.

Пас аз 1,5 дақиқаи даври дуюм, Хабиб Гетҷиро ба кунҷи майдон афтонид ва ҳангоми талоши раҳоӣ кардани ҳарифаш ӯро буғӣ кард. Дар натиҷа Гетҷи мағлубиятро пазируфт ва ғолибият насиби Ҳабиб гашт.

Пас аз анҷоми муҳориба ӯ гуфт ғалабаашро ба падари марҳумаш мебахшад ва аз внҷоми корномаи варзишияш хабар дод.

Уқоб боз болои қулла аст: Ҳабиб Гетҷиро бо усули "буғӣ" шикаст дод-видео

Ӯ гуфт, ба модараш ваъда додааст, ки ин охирин муҳорибааш хоҳад буд.

0