Заведующий отделом Средней Азии и Казахстана Института стран СНГ Андрей Грозин, архивное фото

Грозин дар бораи интихоби Раҳмон: барои интиқоли қудрат вақт фароҳам омад

947
(Таҷдидшуда 19:15 12.10.2020)
Пирӯзии Эмомалӣ Раҳмон дар интихоботи президенти Тоҷикистонро роҳбари шӯъбаи Осиёи Марказии Пажӯҳишгоҳи кишварҳои ИДМ Андрей Грозин шарҳ дод

Дар Тоҷикистон 11 октябр интихоботи президентӣ баргузор шуд. Дар он панҷ номзад, аз онҳо се нафарашон бори нахуст иштирок доштанд.

Грозин о победе Рахмона: это дает время подготовиться к транзиту власти

Бино бар ҳисоботи пешакии КМИР Тоҷикистон, президенти амалкунандаи Тоҷикистон Эмомалӣ Раҳмонро 90,92 дар сади овоздиҳандагон ҷонибдорӣ карданд.

Ба гуфтаи мудири шӯъбаи Осиёи Миёнаи Пажӯҳишгоҳи ИДМ Андрей Грозин, ба пирӯзии Раҳмон пеш аз интихобот ҳам шакке набуд.

"Дар умум интихобкунандагон бо барномаҳои ҳарифони президенти амалкунанда пурра огоҳ набуданд. Ин номзадҳоро бештари мардуми Тоҷикистон умуман намешинохтанд. Президенти амалкунандаро ҳама мешиносанд", - гуфт Грозин дар сӯҳбат бо Sputnik Тоҷикистон.

Афзун бар ин, тақрибан чоряки аҳолии кишвар доим ба ҳукумати амалкунанда овоз доданро авлотар медонанд.
Грозин таъкид кард, ки сокинони Тоҷикистон пеш аз ҳама барои субот овоз доданд.

"Бештари одамон аз тағйирот метарсанд. Аз ҷумла дар Тоҷикистон - кишваре, ҷанги мудҳиштаринро паси сар кардаст. Мардум аз такрор шудани он ҳодисаҳо сахт метарсанд", - тавзеҳ дод коршинос.

Вай афзуд, ки ҳамагуна интихобот дар кори дастгоҳи давлатӣ халале эҷод мекунад, ки мухолифон аз он истифода кардан мехоҳанд.

Раҳмон аз мардуми Тоҷикистон сипосгузорӣ кард

Грозин афзуд, ки аз нав интихоб шудани Раҳмон ба интиқоли қудрат вақт фароҳам меоварад.

"Интиқоли қудрат ногузир аст, ин қонуни табиат аст. Бояд ба ин равонд бо талафоти камтарин барои низоми сиёсӣ ва ҷомеа омода шуд. Мардум аз тарси он ба Раҳмон овоз доданд, ки агар ба дигаре овоз диҳанд, ҳодисаҳои ҷанги шаҳрвандӣ шояд такрор шавад", - хулоса кард коршинос.

 

947
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

234
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

234
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2508
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2508
Жители города Душанбе в защитных масках на улице

Бидуни фавт: афзоиши гирифторони коронавирус дар Тоҷикистон

120
(Таҷдидшуда 20:24 19.10.2020)
Вазорати тандурустии Тоҷикистон омори тозаи сироят, шифоёбӣ ва марг аз коронавирус дар кишварро нашр кард

ДУШАНБЕ, 19 окт – Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ додааст, ки дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар мамлакат ба  10533 нафар баробар гардид.

Пешбинии анҷоми ҳамагирии коронавирус: як соли дигар "сабр"

Ҳамзамон,  дар як шабонарӯзи охир 52 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9563  (90,8%)  баробар гардид. Инчунин, бар асари ин беморӣ  80 нафар фавтидаанд.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Ҳукумати Ҷумҳурии Тоҷикистон ва Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

120
Барчаспҳо:
вируси корона, омор, Вазорати тандурустӣ ва ҳифзи иҷтимоии аҳолии ҶТ, Тоҷикистон