Логотип ОБСЕ, архивное фото

Гузориши ниҳоии САҲА: Дар интихоботи Тоҷикистон алтернативаҳои воқеии сиёсӣ пешниҳод нашуд

209
(Таҷдидшуда 13:01 31.01.2021)
Дафтари демократия ва ҳуқуқи башари Созмони амният ва ҳамкорӣ дар Аврупо барои тавсеаи интихобот ва баланд бардоштани шаффофияти раванди интихобот дар Тоҷикистон 23 тавсия пешниҳод кардааст

ДУШАНБЕ, 31 январ - Sputnik. Ин ниҳоди байналмилалӣ ба маҳдуд шудани ҳуқуқ ва озодиҳо дар ҷараёни интихоботи президентии Тоҷикистон ишора мекунад.

"Интихоботи президентии соли 2020 дар Тоҷикистон оромона, вале дар муҳити шадиди назорат бо маҳдудиятҳои деринаи ҳуқуқ ва озодиҳои бунёдӣ баргузор шуд", - гуфта мешавад, дар гузориши ниҳоии САҲА, ки ду рӯз қабл нашр шуд.

САҲА изҳор медорад, ки дар ҷараёни интихобот "барои мубоҳисаи плюралистии сиёсӣ ҷой набуд ва ба интихобкунандагон алтернативаҳои воқеии сиёсӣ пешниҳод карда нашуданд".

Дар гузориши ниҳоӣ инчунин гуфта мешавад, ки "барои мутобиқ кардани раванди интихобот ба ӯҳдадориҳо ва стандартҳои САҲА дар Тоҷикистон оид ба интихоботи демократӣ талошҳои назаррас лозиманд".

Дар ин санад барои беҳтарсозии интихобот ва баланд бардоштани шаффофияти раванди интихоботӣ 23 тавсия пешниҳод шудааст.

Натоиҷи интихоботи президенти Тоҷикистон - 2020 дар як дақиқа - видео

Тавсияҳои асосӣ аз ҷумла, "риояи принсипи баробарии ҳамаи шаҳрвандон дар назди қонун бо роҳи аз нав дида баромадани муқаррароте, ки ба президенти амалкунанда мақоми махсус ва имтиёзҳои интихоботӣ медиҳанд", "бартараф кардани маҳдудиятҳои аз ҳад зиёд ва поймолкунандаи ҳуқуқу озодиҳои асосӣ тавассути ислоҳоти фарогир аз чаҳорчӯбаи ҳуқуқӣ "," таъмини мустақилияти аъзои маъмурияти интихоботӣ тавассути андешидани чораҳои мувофиқи шаффофият ва ҳисоботдиҳӣ дар раванди интихоб".

Дафтари демократия ва ҳуқуқи башари САҲА инчунин тавсия медиҳад, ки "такмил додани рӯйхати интихобкунандагон, аз ҷумла тавассути ҷорӣ намудани феҳристи доимии мутамаркази овоздиҳандагон", "фароҳам овардани имконият барои шаҳрвандон дар интихобот ба ҳайси номзадҳои мустақил", "таъмини ҷудоии байни давлат ва ҳизбҳои сиёсӣ ва номзадҳо" фароҳам шавад.

Ёдовар мешавем, ки интихоботи президентӣ дар Тоҷикистон 11 октябри соли гузашта баргузор шуда буд ва сарвари кунунии кишвар Эмомалӣ Раҳмон бори панҷум пирӯзӣ ба даст овард.

Натиҷаи интихоботи президентии — 2020 дар ҶТ

Вай бар чаҳор номзади дигар, ки аз Ҳизби Коммунист, Ҳизби Сотсиалист, Ҳизби Ислоҳоти Иқтисодӣ ва Ҳизби Аграрӣ намояндагӣ мекарданд, пирӯзии куллӣ ба даст овард ва 90,92% овозҳоро гирифт.

209
Барчаспҳо:
САҲА, Интихоботи президентӣ, Тоҷикистон
Здание Госдепартамента США в Вашингтоне

Амрико гуфт, интихоботи президентӣ дар Тоҷикистон орому осуда ва ботартиб баргузор шуд

271
(Таҷдидшуда 23:43 16.10.2020)
Департаменти давлатии ИМА ахиран эълон доштааст, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт

ДУШАНБЕ, 16 окт — Sputnik. Ба нақл аз сомонаи рӯзномаи “Фараж”, Департаменти давлатии Амрико дар сафҳаи твитерии Бюрои умури Осиёи Ҷанубӣ ва Миёна навишт: “Аз дидани он хушҳолем, ки интихоботи президентии Тоҷикистон дар давраи пандемияи пуразоби ҷаҳонӣ орому осуда ва ботартиб гузашт. Аммо ҳамоно ислоҳоти муҳиме бояд амалӣ карда шавад, ки аз ҷониби САҲА барои кафолати шароити зарурии интихоботи демократӣ тавсия шудааст”.

Манбаъ таъкид доштааст, ки бо эълони пирӯзии Эмомалӣ Раҳмон дар интихоботи президентии 11-уми октябр раҳбарони Русияву Чин ва Белорусу Қазоқистону Ӯзбекистон, Эрон ва давлатҳои араб ӯро табрик карданд.

Ҳамзамон зикр гардид, дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, арзёбии ниҳоии коршиносон бо шумули машваратҳо ҷиҳати ислоҳи раванди интихобот тақрибан пас аз 8 ҳафта нашр хоҳанд шуд.

Зикр шудааст, ки ин коршиносон бештар рӯйи ташкил ва ё мудирияти маъракаи интихобот, сармоягузории маъракаи таблиғотӣ ва шеваи бозтоби интихобот дар расонаҳо тамаркуз хоҳанд кард.

Ёдрас мешавем, ки дар интихоботи президентии гузашта  панҷ номзад ширкат доштанд ва дар он ба Эмомалӣ Раҳмон 90,92 дарсад ( 3 миллиону 837 ҳазор нафар)  раъй додаанд.

271
Барчаспҳо:
баргузор, оромӣ, Интихоботи президентӣ, интихобот, Амрико, Тоҷикистон
Инаугурация Эмомали Рахмона в 2013 году

Бо гузашти низомӣ: замони савгандёдкунии Раҳмон маълум шуд

2664
(Таҷдидшуда 00:05 16.10.2020)
Эмомалӣ Раҳмон, ки ҳамагӣ чанд рӯз қабл барои маротибаи панҷум ба курсии раёсатҷумҳурии Тоҷикистон такя зад, акнун савганд ёд мекунад

ДУШАНБЕ, 15 окт — Sputnik. Маросими савгандёдкунии Эмомалӣ Раҳмон минҳайси кишвардори Тоҷикистон авохири моҳи ҷорӣ, аниқтараш рӯзи 30 - юми октябр баргузор мешавад, хабар медиҳад агентии Авесто.

Тибқи иттилои расмӣ, ҷаласаи сеюми якҷояи палатаҳои болоӣ ва поёнии парлумон 30 октябр баргузор мешавад.

"Тибқи қонунҳои Тоҷикистон, ғолиби интихоботи президентӣ бояд дар ҷаласаи муштараки ҳарду палатаи парлумон барои ба кор шурӯъ кардан савганд ёд кунад".

Ёдрас мешавем, ахиран дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Ҳамин тавр, Эмомалӣ Раҳмон боз барои 7 соли дигар Президент интихоб шуд.

Нозирони ИДМ интихобот дар Тоҷикистонро шаффоф ва рақобатпазир хонданд

Интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

2664
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

308
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

308
Барчаспҳо:
сафар, Тоҷикистон, раисҷумҳур, Қирғизистон