На скамье подсудимых. Архивное фото

Дар нисбати чаҳор "салафӣ" дар Кӯлоб ҳукм эълон шуд

12
(Таҷдидшуда 15:05 15.12.2014)
Додгоҳ дар нисбати чор ҷавон ба мӯҳлатҳои гуногун ҳукм эълон кард, аммо пайвандони онҳо ба бегуноҳии эшон таъкид намуда, ба додгоҳи болоӣ шикоят бурданианд.

ДУШАНБЕ, 11 дек — Sputnik. Рӯзи чоршанбеи 10 октябр, додгоҳи минтақаи Кӯлоб чаҳор  нафареро, ки дар се моҳи пеш бо гумони пайравӣ ба ҷараёни ифротгарои "Салафия" дар ноҳияи Фархор боздошт шуда буданд, мутаносибан ба 5 ва 6 солу 2 моҳ маҳкум ба зиндон кард, иттилоъ медиҳад радиои Озодӣ.

"Додгоҳ нисбати Эраҷ Алиев, Идрис Эсанов ва Баҳром Абдуғафоров ҷазои маҳрумият аз озодӣ ба мӯҳлати  5- солӣ ва барои Абдураҳмон Исмонов 6 солу ду моҳи зиндонро раво донист",-омадааст дар хабар.

Ин ҷавононро, ки аз 30 то 35 сол доранд, мақомоти интизомӣ моҳи июли соли ҷорӣ ба гумони пайравӣ аз ҷараёни тундрав ва мамнӯъи "Салафия" дар бозори марказии ноҳияи Фархор замоне боздошт кардаанд, ки чанде аз онҳо дар дохили фурӯшгоҳ  ақоиди ин равияро тарғиб мекарданд. Масъулони додгоҳи минтақаи Кӯлоб гуфтанд, ки ин афродро мутобиқи моддаи 189, қисми 2, банди "г", яъне, "барангехтани кинаю адовати миллӣ, нажодӣ, маҳалгароӣ ва ё динӣ, ки аз ҷониби гурўҳи шахсон ё гурӯҳи шахсон бо маслиҳати пешакӣ анҷом дода шудааст" муҷрим шинохта шуда ва маҳкум ба зиндон шуданд.

"Ин афрод аз дер боз бо рафторҳои ғайримаъмулии худ зери назари мақомот қарор доштанд ва онҳо замоне боздошт шудаанд, ки дигар шубҳае ба шомил будани онҳо дар ҷараёни "Салафия" боқӣ намонда буд",- мегӯяд  Эмомалӣ Амиров, масъули Кумитаи кор бо дин дар ноҳияи Фархор.  Ба қавли ӯ, мутаассифона, бархе аз ҷавонон ба сафи ҳизбу ҳаракатҳои мамнӯъ шомил гардида, ба амалҳои хилофи шариату қонун давом медиҳанд.

Абдуғаффор Абдураҳмонов, падари Баҳром Абдуғаффоров гуфтаст, фарзандаш ба ҳеҷ равияи ғайриқонуние шомил набуд.  Ӯ мегӯяд, фарзандаш дар бозори марказии Фархор тиҷорат дошт ва ҳеҷ гоҳе мушоҳида накардааст, ки чӣ дар хона ва ё ҷои кор ӯ дар мавзӯи мазҳабӣ сӯҳбату баҳс карда бошад.  

"Бачаи беақл набуд, ки ба чунин роҳ равад. Омаданд, бе ягон асос хонаашро кофтанд. Фақат риш дошт, вале умуман дар бораи ин равияҳо чизе намедонист. Ӯ қонунро хуб медонист ва   ҳеҷ гоҳ коре хилофи қонун намекард. Бовар дорам, ки ӯ бегуноҳ аст. Ҳоло барояш вакили дифоъ мегирам ва бовар дорам, ки озод мешавад",-илова кард падари маҳкумшуда.

Дар ду соли гузашта беш аз 10 нафар дар ин минтақа бо иттиҳоми узвият дар гурӯҳи салафӣ ё ҳамдастӣ бо он ҷазо гирифта,  бархе аз онҳо бар пояи Қонуни афви арафаи 20-солагии Қонуни асосии Тоҷикистон аз маҳбас озод шудаанд.

Ҷараёни "Салафия" тибқи қарори Додгоҳи олии Тоҷикистон сар аз соли 2008 дар ҷумҳурӣ мамнӯъ эълон шуд.  

 

12
Барчаспҳо:
ҳабс, ҷазо, зиндон, ҳукм, додгоҳ, Додгоҳи Фархор, Кумитаи кор бо дин, Салафия, Исмонов, Эсанов, Алиев, Абдуғаффоров, Абдураҳмонов, Амиров, Тоҷикистон
Нож в руке, архивное фото

Марди 59 - сола писарони амакашро корд зад

353
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

353
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД
Мясо на рынке, архивное фото

Ҷӯҷа ба ҷои гов: чӣ тавр манъсозии қирғизҳоро ба фоидаи тоҷикон бояд табдил дод?

56
(Таҷдидшуда 19:56 30.11.2020)
Қарори Бишкек барои манъи содироти чорво метавонад бо афзоиши нарх дар бозори гӯшти Тоҷикистон анҷомад, аммо аз ҷониби дигар барои рушди истеҳсолоти воридотивазкунанда мусоидат мекунад

ДУШАНБЕ, 30 ноя — Sputnik. Қирғизистон содироти чорво ба кишварҳои ҳамсоя, ки узви Иттиҳоди иқтисодии АвруОсиё нестанд – ба Тоҷикистону Ӯзбекистон, мамнӯъ кард.

Аз ҷумла содироти чорвои калони шохдор, бузу гӯсфанд, аспҳо, мурғҳои хонагӣ ва баъзе маҳсулоти дигар манъ гардид.

Ташаббускори ин иқдом, Вазорати кишоварзии Қирғизистон, тавзеҳ дод, ки модоме дар худи кишвар камбуди гӯшт ҷой дорад, содироти чорво мамнӯъ шуд.

“Имсол мо дар муқоиса бо соли гузашта 12 баробар бештар чорво содир кардем. Агар соли гузашта 718 сар чорвои калони шохдор ба хориҷ фурӯхтем, имсол он ба 8415 сар расидааст. Асосан ба хориҷ чорвои модина фурӯхта мешавад. Агар мо фурӯшро идома диҳем, аз оянда мемонем”, - изҳор дошт Тилек Токтогазиев.

Мақомоти зиддиинҳисорӣ мегӯяд, ки баъди ҷорӣ кардани чунин маҳдудият дар Қазоқистон, тоҷирони Тоҷикистону Ӯзбекистон ба хариди чорво аз Қирғизистон оғоз карданд, ки дар натиҷа қочоқ аз ҳарду ҷониб афзоиш ёфт.

“Бисёри миёнаравҳо аз вазъият истифода бурда, сунъӣ нархро боло бурданд”, - таъкид шудааст дар иттилоияи Хадамоти зиддиинҳисории Қирғизистон.

Ин тасмими мақомоти Қирғизистон зарба ба истеъмолкунандагон дар Тоҷикистон арзёбӣ мешавад, чун афзоиши нархи гӯшту маҳсулоти ширӣ дар ин кишвар идома дорад ва оҳиста-оҳиста гӯшти гов қариб ба ғизои нодиру гарон – деликатес табдил ёфта истодааст.

Аммо дар худи Қирғизистон низ на ҳама аз ин маҳдудият хурсанданд. Чорводорон ва содироткунандагон бо як овоз изҳор медоранд, ки ин маҳдудият ҳеч мушкилеро ҳал намесозад ва танҳо бар зарари соҳибкорони маҳаллӣ мебошад.

Ленара Ниёзбекова, роҳбари Ассотсиатсияи содироту воридкунандагони "Кирғизленда", мегӯяд, маҳдудиятҳо камаш ним сол давом хоҳанд кард ва таъсири хубе ба гардиши мол бо ҳамсояҳо нахоҳанд дошт.

“Аз нуқтаи назари мантиқ, на сиёсат, ин албатта тасмими шитобзада буд. Мо кишвари кишоварзием ва фурӯши чорво аз омилҳои асосии иқтисод мебошад. Барои ин миёни чорводорон бархе эродҳо нисбати ин иқдом ҷой доранд, ки имкон намедиҳад Тоҷикистону Ӯзбекистон чорворо аз Қирғизистон харид намоянд ва дар натиҷа аз ҳарду ҷониб қочоқ афзоиш меёбад”, - изҳор дошт Ниёзбекова.

Ба гуфтаи ӯ, маҳдудиятҳо танҳо камбуди мол дар бозорҳои ҳамсояро ба вуҷуд меорад ва дар натиҷа миёнаравҳо бо ҳадафи гирифтани даромади бештар масирҳои қочоқиро аз худ хоҳанд кард. Нақзи қонунҳо онҳоро наметарсонад, чун нафси гирифтани фоида боло мегирад ва аз қудратиҳо дар сарҳад метавонанд осон бо пардохти пора халос шаванд.

Дар баробари истеъмолкунандагони тоҷикистонӣ, аз маҳдудияти содироти чорво инчунин чорводорони наздисарҳадӣ зарар мебинанд, ки тиҷораташон дар заминаи додугирифт бо ҳамсояҳо роҳандозӣ шудаст.

“Агар Қирғизистон ба далели камбуди мол дар бозори худ, содиротро манъ кардааст, бармеояд, далелҳои ҷиддие вуҷуд доранд. Аммо аз нуқтаи назари таҷрибаи ҷаҳонӣ, ин нишонаи хуб нест ва хилофи талошҳои ҷаҳонӣ барои тиҷорати озод мебошад”, - таъкид кард доктори илмҳои иқтисодӣ, собиқ ноиби вазири хоҷагии қишлоқи Русия, Леонид Холод.

Ба гуфтаи ӯ, барои бисёри чорводорон фурӯши молашон ба хориҷи кишвар муфидтар аст, на дар дохил. Агар дар Тоҷикистон мардум аз камбуди гӯшт гила доранд, дар Қирғизистон норозигӣ аз мақомот аст, ки бидуни фароҳам кардани бозори алтернативӣ содироти чорворо мамнӯъ кардаанд.

Дар худи Тоҷикистон баъди маҳдудият дар навоҳии наздимарзӣ маҳсулоти ширию гӯштӣ боз гаронтар хоҳад шуд ва мардум барои гӯшти гов ҷойгузин ҷустуҷӯ хоҳанд кард.

“Ҳозир нархи як кило метавонад то 65-75 сомонӣ расад, ки ҳудуди 7 доллар мебошад. Ин хеле қимат аст ва ба наздикӣ мардум хариди гӯшти говро бас хоҳанд кард. Ҳукумат аз ин огоҳ аст ва мақомот бархе иқдом барои таъмини амнияти озуқавориро пешниҳод карданд. Яке аз стратегияҳо парвариши паранда мебошад, ки навъҳои дигари гӯштро иваз мекунад. Аз бахши соҳибкорӣ бештар даъват карда мешавад, корхонаҳои парандапарварӣ кушоянд, имтиёзҳо ваъда мекунанд”,  - гуфт ба Sputnik Тоҷикистон коршинос, Тилав Расулзода.

Миёни чунин сабукиҳо аз ҷумла лағви боҷи гумрукӣ зимни воридоти хӯрока ва таҷҳизот мебошад.

Дар маҷмуъ азми иваз кардани як навъи гӯшт бо дигар, барои ҳалли масъалаи ғизо дар Тоҷикистон воқеӣ ва самаранок менамояд.

Президент Республики Таджикистан Эмомали Рахмон
Исполнительный орган государственной власти Согдийской области

“Парандапарварӣ воқеан тезтар аз истеҳсолоти дигари гӯштӣ рушд мекунад. Чунин тиҷорат сармоягузории нисбатан бузурги аввалияро талаб мекунад, аммо даври гардиши сармоягузорӣ дар қиёс бо парвариши чорвои калон ба маротиб кам мебошад. Чарогоҳ зарур нест, ин истеҳсолоти шакли саноатӣ мебошад, танҳо бино, ҷой барои ҷӯҷаҳо ва ғизо зарур аст”, - таъкид кард Леонид Холод.

Маврид ба қайд аст, ки солҳои охир дар пасманзари камбуду гаронии гӯшт мушкили сифати гӯшт низ пайдо шуд.

Аз ҷумла Муҳаммадсаид Файзуллозода, раиси Кумитаи бехатарии озуқавории назди Ҳукумати Тоҷикистон, тобистони соли равон гуфт, ки тайи нимсолаи аввал аз гардиш ҳудуди 33,8 тонна гӯшти ғайристандартӣ гирифта ва нобуд карда шуд. Инчунин дар 500 гов бемории буғумдард ё худ брутселёз ошкор карда шудааст.

Дар ҳамин ҳол дар Бишкек иқдоми Вазорати кишоварзӣ барои манъи содироти чорворо сахт интиқод карданд.

Вакили парлумон, Бейшенали Нурдинов мегӯяд, бо маҳдудиятҳо наметавон вазъи нархи гӯштро муътадил сохт. Ӯ бо он далел, ки чорво моли хоҷагидорон аст, на аз давлат, талаб кард, ки маҳдудиятҳо бекор карда шаванд.

“Оё аз чорвои модина метавонад ояндаи Қирғизистон вобаста бошад? Манъ кардан осон аст, аммо худатон як баста алаф намедиҳед. Ё шумо ба чорводорон сабукию имтиёзҳо медиҳед?”, - изҳор дошт ба ҷонибдорӣ аз вакил, ноиби парлумони Қирғизистон, Мирлан Боқиров.

56
Барчаспҳо:
воридоти гӯшт, гӯшти мурғ, гӯшт, нарх, содирот, манъ, қарор, гов, фоида, Қирғизистон, Тоҷикистон