Боевики

Дар Суғд 11 нафар бо иттиҳоми узвияти ҲИӮ маҳкум шуданд

7
(Таҷдидшуда 09:45 19.12.2014)

ДУШАНБЕ, 19 дек — Sputnik. Ёздаҳ нафар аз сокинони вилояти Суғд бо иттиҳоми узвият дар "Ҳаракати исломии Ӯзбакистон" аз 9 то 19-солӣ равонаи зиндон шуданд, хабар медиҳад Tojnews.

Суди шаҳри Хуҷанд ин ҳукмро дар қиболи муттаҳамон дирӯз, 18 декабр содир кардааст. Шӯҳрат Аҳрорзода, судяи Суди шаҳри Хуҷанд ба сомона гуфтааст, афроди маҳкумшуда аз соли 2010 то 2014 дар Русия фаъолияти пинҳонӣ доштаанд.

Тафтишот муайян кардааст, ки созмондиҳандаи ин гурӯҳ Мансур Бобоёров, сокини ҷамоати деҳоти Саразми шаҳри Панҷакент мебошад.

Дар ин гурӯҳ ӯро 8 нафар сокини ҷамоати деҳоти Саразм: Тӯраев Яҳё, Тӯраев Наврӯз, Қаюмов Ботур, Раҳматов Баҳром, Ҷалилов Хайрулло, Муҳаммади Нуриддин, Розиқов Ғуломиддин ва Ҳотамов Эргаш сокини ноҳияи Спитамен ва Ҷӯраев Умед  сокини шаҳри Хуҷанд ҳамроҳӣ мекардаанд.

Ин афрод дар асоси моддаҳои 187 қисми 2 (Иштирок дар иттиҳоди ҷиноятӣ), 182 қисми 3 (Ғасби бино, иншоот, воситаҳои  иттилоот ва алоқа), моддаи 307 (Даъвати оммавӣ барои бо роҳи зӯроварӣ тағйир додани сохти конститутсионии Ҷумҳурии  Тоҷикистон) ва дигар моддаҳои Кодекси ҷиноятӣ ҳукм гирифтаанд.

Мансур Бобоёров, ташкилкунандаи гурӯҳ ба мӯҳлати 19 сол бо адои ҷазо дар калонияи низомаш сахт, Эргаш Ҳотамов ба мӯҳлати 12 сол ва 8 нафар сокини ҷамоати Саразми шаҳри Панҷакент ва 1 нафар сокини шаҳри Хуҷанд ба мӯҳлати 9 сол бо адои ҷазо дар калонияи низомаш пурзур аз озодӣ маҳрум шуданд.

Мутаҳҳамон охири моҳи сентяри соли ҷорӣ боздошт гардида буданд. Он замон мақомот эълон доштанд, ки боздоштшудаҳо қасди иштирок дар ҷанги Сурия ва ташкили давлати исломиро доштанд.

7
Барчаспҳо:
иттиҳоди ҷиноятӣ, ҳукм, Суди шаҳри Хуҷанд, ҲИӮ, Шӯҳрат Аҳрорзода, Хуҷанд, Суғд, Тоҷикистон
Нож в руке, архивное фото

Марди 59 - сола писарони амакашро корд зад

353
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

353
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД

Вазорати маорифи Русия мегӯяд, ягон донишҷӯйи хориҷӣ хориҷ нашудааст

0
(Таҷдидшуда 17:44 30.11.2020)
То ҳол ба Вазорати маорифи Русия аз ҷониби донишҷӯёни хориҷӣ ягон шикоят дар мавриди хориҷшавии онҳо аз донишгоҳҳои кишвар ворид нашудааст

ДУШАНБЕ, 30 ноя — Sputnik. Вазорати маориф ва илми Русия мегӯяд, дар замони пандемия ягон донишҷӯйи хориҷӣ аз донишгоҳҳои ин кишвар ба далели ҳозир нашудан ба дарсҳо, хориҷ нашудааст, хабар медиҳад котиботи вазорати мазкур.

Ба иттилои манбаъ, то ҳол аз ҷониби донишҷӯёни хориҷӣ низ ягон шикоят дар мавриди хориҷ шудани онҳо, ворид нагардидааст.

"Ҳамаи муассисаҳои олии таълимӣ дар шаҳрҳои Маскаву Санкт-Петербург ва дигар минтақаҳо дар робита ба ҷилавгирӣ намудан аз паҳншавии маризии коронавирус, ба таҳсили фосилавӣ фиристода шуданд", - таъкид мешавад дар хабари манбаъ.

Вазорат инчунин итминон дод, ҳамаи донишҷӯёне, ки бинобар чораҳои маҳдудкунӣ ба Русия омада наметавонанд, ҷойҳои буҷетиӣ онҳо нигоҳ дошта мешавад.

Супоришҳои Исматуллозода барои баргардонидани донишҷӯёни тоҷики дар хориҷ таҳсилкарда

Инчунин хабар дода мешавад, ки Вазорати маориф ва илми Русия барои донишкадаҳои олӣ оид ба ташкили самараноки таълими фосилавӣ тавсияҳо таҳия кардааст.

Бо мақсади мусоидат дар ташкили таълими фосилавӣ, Вазорати маориф якҷоя бо Россотрудничество масъалаи бо ҷойҳои корӣ таъмин намудани донишҷӯёни хориҷиро дар идораҳои Россотрудничество ва филиалҳои донишгоҳҳои Русия дар ҷои истиқоматашон кор карда истодааст.

Инчунин дар Тоҷикистон, Вазорати маорифи ҷумҳурӣ ба донишҷӯён пешниҳод кард, ки то ба эътидол омадани вазъ муваққатан дар донишгоҳҳои маҳаллӣ таҳсил кунанд.

0
Барчаспҳо:
хориҷ, донишҷӯён, вазорати маорифи Русия