Задержание, архивное фото

Боздошти раиси бозори “Ином”

18
(Таҷдидшуда 16:03 19.12.2014)
Пас аз берун шудан аз бинои Додгоҳи олӣ ӯро ба РКД-и вилояти Хатлон бурда, мавриди бозпурсӣ қарор додаанд. Сабаби боздошти тоҷир ҳанӯз номаълум аст.

ДУШАНБЕ, 19 дек — Sputnik. Бурҳон Абдуллоев, директори бозори "Ином"-и ноҳияи Шаҳритус, ки бо додарарӯси  президент баҳси моликият дошт, рӯзи 19-уми декабр аз ҷониби полис боздошт гардидааст, иттилоъ медиҳад радиои Озодӣ.

Санавбар Абдуллоева, ҳамсари ӯ, ки худро соҳибмулки бозори "Ином"мегӯяд, иброз дошт, ки субҳи рӯзи 19-уми декабр ҳамроҳ бо шавҳараш, раиси ширкати "Ином" — Бурҳон Абдуллоев ва  вакили мудофеъ ба Додгоҳи олии Тоҷикистон, ба шаҳри Душанбе омаданд, аммо вақте ки Бурҳон Абдуллоев ним соат пештар аз онҳо аз бинои Додгоҳ берун шуд, нопадид гашт.

"Мо ҳарчанд ба телефонаш занг задем телефонаш хомуш буд ҳарчанд мунтазир шудем, шояд куҷое даромада бошад, пайдо нашуд,"- мегӯяд Абдуллоева.

Дар айни ин ҷустуҷӯҳо писараш Ином Абдуллоев аз ноҳияи Шаҳритус занг зада, гуфтааст, ки аз шӯъбаи корҳои дохилии ноҳия барояш хабар додаанд, ки падарашро ҷустуҷӯ накунад, вай дар Раёсати корҳои дохилии вилояти Хатлон аст.

Санавбар Абдуллоева қаблан ба расонаҳо гуфта буд, ки бори дигар дар масъалаи ҳаққи моликият ба бозори "Ином" ба Додгоҳи олии Тоҷикистон шикоят кардааст ва дар сурати расидагӣ нашудан, ин баҳсро ба барномаи "Пуст говорят" — и Шабакаи аввали телевизиони Русия — "ОРТ" хоҳад кашонд. Қосим Қосимов , вакили дифоъи Муҳибулло Саъдуллоев, додарарӯси раисиҷумҳури Тоҷикистон рӯзи 13 ноябр дар сӯҳбат ба Радиои Озодӣ гуфтааст, ки "тақсимоти бозор тавассути ҳайати кумиссиюни тақсимоти бозор бо ширкати иҷрочиёни додгоҳи иқтисодии вилояти Хатлон ва дар чаҳорчӯби ҳалномаи Додгоҳии олии иқтисодии Тоҷикистон аз 14 майи соли ҷорӣ байни соҳибкорон Холназар Достиев ва Бурҳон Абдуллоев ҷараён дорад."

Баҳси байни хонаводаи Абдуллоевҳо ва додарарӯси президент Муҳибулло Саъдуллоев ва шарики тиҷории ӯ Холназар Достиев бар сари ҳаққи моликият бар бозори "Ином" дар маркази ноҳияи Шаҳритӯс чанд сол боз идома дорад. Дар моҳи майи соли 2014 Додгоҳи олии иқтисодӣ қарор кард, ки ин бозор байни тарафҳо баробар — 50 ба 50 тақсим карда шавад. Додгоҳ ин нуктаро далел овард, ки гӯё Абдуллоевҳо 4 сол пеш нисфи бозорро ба Саъдуллоев ва Достиев тӯҳфа кардаанд. Абдуллоевҳо бошад, инро рад мекунанд.

 

 

18
Барчаспҳо:
додарарӯси президент, дастгир, боздошт, ОРТ, додгоҳи Шаҳритус, Додгоҳи иқтисодӣ, Додгоҳи олӣ, бозори Ином, Қосим Қосимов, Холназар Достиев, Муҳибулло Саъдуллоев, Бурҳон Абдуллоев, Санавбар Абдуллоев, Шаҳритус, Душанбе, Тоҷикистон
Подсудимая, архивное фото

Лату кӯб ва ғорати зани 42-сола аз ҷониби ду бону дар хонаи модараш

420
(Таҷдидшуда 15:26 26.09.2020)
Вазорати умури дохилии Тоҷикистон аз лату кӯб ва ғорат шудани зани 42-сола, сокини шаҳри Душанбе хабар медиҳад

ДУШАНБЕ, 26 сен - Sputnik. Тибқи иттилои Вазорати умури дохила, ин занро ду бону лату кӯб кардаву сипас ғорат намудаанд.

Ба иттилои манбаъ, ҳодисаи мазкур санаи 24 сентябр рух додааст.

Ба ШВКД дар шаҳри Ваҳдат бо ариза зани 42-солаи сокини шаҳри Душанбе муроҷиат намуда шикоят кардааст, ки санаи 24-уми сентябри соли 2020, тахминан соати 13:30-дақиқа ӯро дар хонаи модараш, воқеъ дар ҷамоати деҳоти Чуянгарони шаҳри мазкур ду нафар зан лату кӯб намуда бо роҳи зӯроварӣ аз дасташ телефони мобилашро, тасарруф намуда, аз ҷойи ҳодиса ғайб задааст.

"Зарари расонидашуда 810-сомониро ташкил медиҳад", - омадааст дар хабарнома.

Дар ин росто, Вазорат хабар медиҳад, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия занони 38 ва 43-солаи сокинони шаҳри Ваҳдат бо гумони содир намудани ҷинояти ғоратгарӣ дастгир карда шудаанд.

420
Барчаспҳо:
лату кӯб, ғорат, Душанбе, Ваҳдат
Певица Наргиз Закирова

Наргиз дар бораи Ефремов: ӯ бояд паси панҷара равад

628
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

628
Барчаспҳо:
ҳукм, Русия
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

66
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

66
Барчаспҳо:
кумак, хона, Тоҷикистон