Верховный суд РТ. Архивное фото

Додгоҳи олӣ парвандаи як узви "Гурӯҳи 24"-ро баррасӣ мекунад

50
Умедҷон Салиҳов дар “ғасби ҳокимият”, ”даъват ба экстремизм”, “ҷавобгарии ҷиноӣ барои созмони гурӯҳи ҷиноӣ” дар ҳамкорӣ бо “Гурӯҳи 24” айбдор дониста мешавад.

ДУШАНБЕ, 6 янв — Sputnik. Парвандаи Умедҷон Салиҳов, як сокини ҷамоати Ромити ноҳияи Ваҳдатро, ки дар узвият ба "Гурӯҳи 24" мутаҳҳам мешавад, Додгоҳи олии Тоҷикистон ба муҳокима гирифтааст, менависад "Радиои Озодӣ".

Солиҳов дар асоси чанд моддаи Кодекси ҷиноятӣ, аз ҷумла "таҳқири оммавии президент", "ғасби ҳокимияти давлатӣ", "даъват ба экстремизм", айбдор дониста мешавад.

Дафтари матбуоти Додгоҳи олии Тоҷикистон 6 январ гуфтааст, ки парвандаи мазкур барои муҳокима ба Додгоҳи олӣ аз тарафи вазорати корҳои дохилӣ дар таърихи 5 январ ворид шудааст ва дар рӯзҳои наздик баррасӣ мешавад.

Додгоҳ мегӯяд, Умедҷон Салиҳов тибқи моддаи 307 қисми 2 "ғасби ҳокимият", 307 қисми 1 "даъват ба экстремизм", моддаи 307 қисми 3 "ҷавобгарии ҷиноӣ барои созмони гурӯҳи ҷиноӣ" дар ҳамкорӣ бо "Гурӯҳи 24", айбдор дониста мешавад.

Бузургмеҳр Ёров, вакили мудофеи Умедҷон Салиҳов ба "Озодӣ" гуфтааст, ки вазорати корҳои дохилӣ ҳамчунин зерҳимояи ӯро тибқи моддаи 137, қисми 2 — "таҳқири омавии президент" низ гунаҳкор медонад.

"Гӯё Умедҷон дар Новосибирск дар як ҳамоиши "Гурӯҳи 24" ширкат карда, гуфта бошад, ки президент Эмомалӣ Раҳмон заминҳои Тоҷикистонро ба Чин фурӯхтааст ва ба истеъфо равад. Аммо ин воқеият надорад, чунки Умедҷон ҳамчун корманди ФСБ тибқи дастури раёсати ФСБ-и Русия барои назорати ин ҳамоиш омада буд ва аслан суханронӣ накардааст. Фақат чеҳраи вай дар навори видеоӣ омадаасту тамом", — меафзояд Ёров.

Ба гуфтаи вакили мудофеъ, Умедҷон Салиҳов дар охирҳои моҳи октябр ба Тоҷикистон меояд ва пас аз чанд рӯз аз ҷониби Раёсати мубориза бо ҷиноятҳои созмонёфтаи (УБОП)-и вазорати корҳои дохилии Тоҷикистон боздошт ва алайҳаш парвандаи ҷиноӣ боз мешавад.

Додгоҳи олии Тоҷикистон 9 октябри соли 2014 "Гурӯҳи 24"-ро созмони экстремистӣ эълон кард ва фаъолияти онро дар кишвар манъ намуд.

50
Барчаспҳо:
узвият, ҳамкорӣ, парвандаи ҷиноятӣ, баррасӣ, "Гурӯҳи 24", Додгоҳи олӣ, Умедҷон Солиҳов, Ромит, Душанбе, Ваҳдат, Тоҷикистон
Преступник за решеткой

Боздошти сокини ноҳияи Вахш: занеро фиреб додаву 12 ҳазор долларашро гирифтааст

256
(Таҷдидшуда 16:00 05.05.2020)
Вазорати умури дохилаи Тоҷикистон аз боздошти марде хабар медиҳад, ки дар кирдори қаллобӣ муттаҳам мешавад

ДУШАНБЕ, 5 май — Sputnik. Тибқи иттилои Вазорати корҳои дохилӣ, марди гунаҳкор дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия боздошт шудааст.

Ҳамин тавр, марди 41-солаи сокини ҷамоати деҳоти Ваҳдати ноҳияи Вахш ҳамчун гумонбар дар содир намудани кирдори қаллобӣ дастгир карда шуд. 

Номбурда, моҳи декабри соли 2015, бо роҳи фиреб ба боварии зани 49-солаи сокини ҷамоати деҳоти Россияи ноҳияи Рӯдакӣ даромада, аз ӯ 12 ҳазор доллари амрикоӣ гирифта, то ҳол маблағашро барнагардонидааст.

Манбаъ афзуда, ки нисбати гумонбаршаванда парвандаи ҷиноятӣ бо моддаи 247 қисми 4 оғоз карда шуда, тафтишот идома дорад.

256
Барчаспҳо:
боздошт, қаллобӣ, Тоҷикистон

Истеъмол накунед: олимон доруе, ки коронавирусро бештар афзоиш медиҳад муайян карданд

4975
Бархе озмоишҳо нишон додааст, ки яке аз шарбатҳои зидди сурфа ба зиёдшавии коронавирус дар бадан кумак мекунад

ДУШАНБЕ, 3 мая — Sputnik. Ба нақл аз пойгоҳи хабарии шабакаи Ал-Олам, дар озмоишҳое, ки донишмандон барои баррасии таъсири анвои намуди доруҳо бар коронавирус анҷом додаанд мушаххас шуд, ки шарбати "Декстрометорфан", ки барои дармони сурфа истифода мешавад, метавонад сабаби зиёдшавии ин маризӣдар бадани фарди мубтало шавад.

Ин шарбат ҳамон фарояндеро фаъол мекунад, ки вируси корона барои зиёдшавии худ мавриди истифода қарор медиҳад.

Тасмими раису тобеин: маоши якмоҳа алайҳи коронавирус ва 500 сомонӣ кумакпулӣ ба табибон

Яке аз устодони Донишкадаи дорусозии Сан-Франсиско дар бораи истифода аз ин дору гуфтааст, ки он ҳоли беморони коронавирусро бадтар мекунад.

Донишмандони Донишкадаи дорусозии Сан-Франсиско тавсия кардаанд беҳтар аст ҳама дар замони шуйюи вируси корона ва то замони эъломи натиҷаи ниҳоии таҳқиқот, дар истеъмоли ин дору ва доруҳои дигаре, ки боиси афзоиши зиёдшавии вирус мешаванд эҳтиёт кунанд.

4975
Мавзуҳо:
Пайомадҳои COVID-19 дар Тоҷикистон ва ҷаҳон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1057
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1057
Барчаспҳо:
Тоҷикистон