На скамье подсудимых

Молики бозори “Ином" дар бадномкунии додарарӯси президент муттаҳам шуд

12
(Таҷдидшуда 09:37 08.01.2015)
Вазорати корҳои дохилӣ мегӯяд, Абдуллоев қарори додгоҳро дар мавриди ба Саъдуллоев додани як қисми бозори “Ином” беасос хонда, тариқи расонаҳо Саъдуллоевро бадном мекардааст.

ДУШАНБЕ, 8 янв — Sputnik. Бурҳон Абдуллоев, молики бозори "Ином"-и Шаҳритус дар бадномкунии Муҳибулло Саъдуллоев, саҳмдори дигари ин бозор ва додарарӯси раисиҷумҳур муттаҳам шуд, менависад оҷонсии "Озодагон".

Дар ин бора вазорати умури дохилии Тоҷикистон бо пахши як гузориш хабар додааст.

Ин ниҳод мегӯяд, Абдуллоев қарори додгоҳро дар мавриди ба Саъдуллоев додани як қисми бозори "Ином" беасос хонда, тариқи расонаҳо Саъдуллоевро бадном мекардааст. ВКД мегӯяд тафтишот собит намудааст, ки Саъдуллоев расман яке аз соҳибмулкони бозори "Ином" мебошад, аммо Абдуллоев инро рад карда, ба баҳси тиҷории худ тобиши сиёсӣ медод.

Ба иттилои мақомоти умури дохилӣ дар пайи содир шудани қарори додгоҳ Абдуллоев аз ҳисоби кинаю адоват 18-уми декабр ба ивази маблағи муайян ба Ризвонов Ҳошимҷон супориш додааст, ки қисмати ба Саъдуллоев тааллуқдоштаи бозорро оташ занад.

Мақомот мегӯянд, оташсӯзӣ бояд шаби 19-уми декабри соли 2014 амалӣ мешуд, аммо маъмурини милиса аз он ҷилавгирӣ намуданд.

Ҳошимҷон Ризвонов, ки шарики Абдуллоев арзёбӣ мешавад, дар гузориши ВКД шоҳидӣ додааст, ки "аз мағоза дастпӯшак, зажигалка ва аз нуқтаи сӯзишворӣ дар 8 зарф 12 литр бензин гирифтем. Симкартаҳоро иваз намудем, то дар вақти суҳбатҳо ба даст нағалтем. Тариқи ҷӯйбори обпарто омадем, ки мақомоти милиса моро дастгир намуданд."

ВКД мегӯяд, боздошт соати 24:00-и шаб ҳангоми ба назди бозор ҳозир шудани Ризвонов сурат гирифтааст.

Ба иттилои мақмомот феълан нисбати Ризвонов Ҳошимҷон ва Бурҳон Абдуллоев бо моддаи 32 қисми 3 — тайёрӣ ба ҷиноят ва моддаи 255 қисми 2 — қасдан несту нобуд ё вайрон кардани молу мулк парвандаи ҷиноӣ оғоз гардидааст.

Аммо Санавбар Абдуллоева, ҳамсари Бурҳон Абдуллоев дар суҳбат бо оҷонсии "Озодагон" гузориши ВКД-ро дур аз ҳақиқат ва беасос хондааст. Ба гуфтаи ӯ, дар ин барнома назари Бурҳон Абдуллоев, ки ӯро дар оташ задани бозори худ гунаҳкор мекунанд, шунида намешавад.

"Чаро дар ин гузориш Абдуллоевро намоиш намедиҳанд ва аз ӯ боре ҳам намепурсанд, ки ин ҳарфҳои Ҳошим то куҷо ҳақиқат доранд? Дигар ин, ки вақти боздошт, Ҳошим дар ҳолати мастӣ қарор дошта, ӯро берун аз бозор дар рӯбарӯи пости БДА дастгир мекунанд. Одаме, ки қасди оташ задани бозорро дорад, дар назди пост чӣ кор мекунад?",- гуфтааст Абдуллоева.

Хонум Абдуллоев инчунин илова намуд, дар ин қазия Ҳошими як шарики дигар низ дорад, ки маҳз ӯ ин ҳама маводи сузишвориро омода ва ба дасти Ҳошим медиҳад, аммо дар гузориши ВКД аз ӯ зикре нашудааст.

Бурҳон Абдуллоев, соҳибкори тоҷик, ки барои бозори "Ином"-и Шаҳритус бо Муҳибулло Саъдуллоев, додарарӯси президент кашмакаши додгоҳӣ дорад, ба муҳлати ду моҳ ба ҳабси пешакӣ маҳкум шуд ва таҳқиқи парвандааш идома дорад.

 

12
Барчаспҳо:
бадномкунӣ, айбнома, додарарӯси президент, бозори Ином, ВКД, Муҳибулло Саъдуллоев, Бурҳон Абдуллоев, Шаҳритус
Мавзуъ
Боздошти раиси бозори “Ином”
Подсудимая, архивное фото

Лату кӯб ва ғорати зани 42-сола аз ҷониби ду бону дар хонаи модараш

449
(Таҷдидшуда 15:26 26.09.2020)
Вазорати умури дохилии Тоҷикистон аз лату кӯб ва ғорат шудани зани 42-сола, сокини шаҳри Душанбе хабар медиҳад

ДУШАНБЕ, 26 сен - Sputnik. Тибқи иттилои Вазорати умури дохила, ин занро ду бону лату кӯб кардаву сипас ғорат намудаанд.

Ба иттилои манбаъ, ҳодисаи мазкур санаи 24 сентябр рух додааст.

Ба ШВКД дар шаҳри Ваҳдат бо ариза зани 42-солаи сокини шаҳри Душанбе муроҷиат намуда шикоят кардааст, ки санаи 24-уми сентябри соли 2020, тахминан соати 13:30-дақиқа ӯро дар хонаи модараш, воқеъ дар ҷамоати деҳоти Чуянгарони шаҳри мазкур ду нафар зан лату кӯб намуда бо роҳи зӯроварӣ аз дасташ телефони мобилашро, тасарруф намуда, аз ҷойи ҳодиса ғайб задааст.

"Зарари расонидашуда 810-сомониро ташкил медиҳад", - омадааст дар хабарнома.

Дар ин росто, Вазорат хабар медиҳад, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия занони 38 ва 43-солаи сокинони шаҳри Ваҳдат бо гумони содир намудани ҷинояти ғоратгарӣ дастгир карда шудаанд.

449
Барчаспҳо:
лату кӯб, ғорат, Душанбе, Ваҳдат
Певица Наргиз Закирова

Наргиз дар бораи Ефремов: ӯ бояд паси панҷара равад

628
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

628
Барчаспҳо:
ҳукм, Русия
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1760
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1760