Военнослужащие Таджикистана. Архивное фото

Додситони Суғд дар соли гузашта чаҳор парвандаи "облава" боз кардааст

24
(Таҷдидшуда 12:57 08.01.2015)
Суҳроб Салимзода, муовини додситони ҳарбӣ дар нишасти хабарии ин ниҳод рӯзи 8 – уми январ гуфтааст, ки ҳодисаҳои ҷалби ибҷории даъватшавандагон дар ноҳияҳои Панҷакент, Бобоҷон Ғафуров ва Исфара рух додаанд.

ДУШАНБЕ, 8 янв — Sputnik. Бо иттиҳоми "ҷалби иҷборӣ"-и даъватшавандагон ба хидмати ҳарбӣ ва бадрафторӣ бо онҳо алайҳи кормандони комиссариатҳои ҳарбӣ дар соли 2014 дар Суғд аз ҷониби додситонӣ 4 парванда боз шудааст, менависад "Радиои Озодӣ".

Суҳроб Салимзода, муовини додситони ҳарбӣ дар нишасти хабарии ин ниҳод рӯзи 8 — уми январ гуфтааст, ки ҳодисаҳои ҷалби ибҷории даъватшавандагон дар ноҳияҳои Панҷакент, Бобоҷон Ғафуров ва Исфара рух додаанд.

"Алайҳи кормандони комиссариати ҳарбии шаҳри Панҷакент: Икром Нодиров ва Уринбой Тошев барои даъвати иҷбории Саидалӣ Ҳақбердиев ва корманди дигари ҳамин комисариат Далер Мароватов, ки даъватшаванда — Собир Бобоҷоновро ба комиссариати ҳарбӣ бо роҳи иҷборӣ ҳозир кардаанд, мутобиқи банди 391-и Кодекси ҷиноии Тоҷикистон — сӯиистифода ё баромадан аз ҳадди мансаби давлатӣ — парванда боз шудааст", — гуфтааст Салимзода.

Ду ҳодисаи дигари "облава"-и даъватшавандагон дар ноҳияҳои Бобоҷон Ғафуров ва Исфара низ ошкор шуда, вале оғози парванда алайҳи ходимони комиссариатҳои ҳарбии муттаҳам бо татбиқи қонуни афв "бо асосҳои ғайри сафедкунанда" рад карда шудааст.

Ба иттилоъи додситонии ҳарбии вилояти Суғд, дар соли 2014 дар ин минтақа назар ба соли 2013 5 мавридии камтари ҷалби иҷбории ҷавонони даъватшаванда ба қайд гирифта шудааст. 

Вале соли  гузашта бо фарқ аз солҳои пешин "облава" — и ҷавонон ба сафи артиш хеле шадид ва бо лату кӯб сурат мегирифт ва зарбу лати як даъватшавандаву падари вай ва модари як даъватшавандаи дигар аз сӯи кормандони комиссариати ҳарбӣ дар Панҷакент расонаӣ шуда, сару садоҳоеро байни сокинон ба бор овард.

24
Барчаспҳо:
ҷалби маҷбурӣ, "облава", парвандаи ҷиноятӣ, додситонии вилояти Суғд, Суҳроб Салимзода, Бобоҷон Ғафуров, Панҷакент, Суғд
Здание МВД РТ, архивное фото

Ноболиғ ҷавони 23 -соларо лату кӯб карду корд зад: шарҳи ВУД

320
(Таҷдидшуда 14:57 26.01.2021)
Вазорати умури дохилаи Тоҷикистон аз боздошти ноболиғе хабар медиҳанд, ки дар қасдан расонидани зарари ҷисмонӣ айбдор мешавад

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ноболиғи 17 -сола дар паи баргузории чорабиниҳои оперативӣ-ҷустуҷӯии кормандони милитсия боздошт шудааст.

Ӯ сокини ҷамоати деҳоти Симиганҷи шаҳри Ваҳдат буда, дар қасдан расонидани зарари вазнин ба саломатӣ гумонбар дониста мешавад.

Кордкашии ноболиғ дар хобгоҳи "Текстил": марди 34 -соларо дашном доду корд зад

ВУД дар шарҳи ин ҳодиса менавсиад, ки номбурда, рӯзи 24-уми январ, тахминан соати 14:30, ҳангоми дар ҷамоати деҳоти Симиганҷ қарор доштанаш аз ҳиссиёти авбошӣ бо ҷавони 23-солаи сокини ҳамин ҷамоат ҷангу ҷанҷол карда, ҳамдигарро лату кӯб намудаанд.

"Сипас гумонбаршаванда бо корд 1-маротиба ба шиками ҷабрдида задааст", - омадааст дар хабарнома.

Мувофиқи маълумотномаи суддӣ-тиббӣ, ҷабрдида ба саломатиаш ҷароҳати ҷисмонӣ бардошта дар беморхона бистарӣ карда шудааст.

Манбаъ афзуда, ки аз рӯи ин ҳодиса тафтишот идома дорад.

320
Барчаспҳо:
Тоҷикистон, авбошӣ, авбошӣ, захмӣ, кордкашӣ, ВУД ҶТ
Мужчина с ножом в руках, архивное фото

Кордкашии ноболиғ дар хобгоҳи "Текстил": марди 34 -соларо дашном доду корд зад

272
(Таҷдидшуда 12:42 22.01.2021)
Вазорати умури дохилии Тоҷикистон аз боздошти ноболиғе хабар медиҳад, ки дар авбошӣ муттаҳам мешавад

ДУШАНБЕ, 22 янв — Sputnik. Бино ба гузориши дафтари матбуотии ин ниҳод, дар бораи ҳодисаи мазкур ба ШВКД-1 дар ноҳияи Шоҳмансур бо ариза марди 34-солаи сокини ҷамоати деҳоти Рӯдакии ноҳияи Восеъ муроҷиат намудааст.

Ин мард шикоят кардааст, ки 20-уми январи соли 2021, тахминан соати 23:40, дар дохили хобгоҳи "Текстил", воқеъ дар кӯчаи Айнии пойтахт, ноболиғи 17-солаи сокини шаҳри Душанбе аз ҳиссиёти авбошӣ бо ӯ ҷангу ҷанҷол кардааст.

Мусодираи силоҳи оташфишон аз сокини Турсунзода: "барои ҳимояи оилаам харидам"- навор

Тибқи иттилои манбаъ, ноболиғ ӯро дашномҳои қабеҳ гуфта, бо корд 1-маротиба ба китфи росташ задааст.

"Дар натиҷа, ҷабрдида ҷароҳати ҷисмонӣ бардошта, дар беморхона бистарӣ гардидааст", - омадааст дар хабарнома. 

Манбаъ афзуда, ки феълан гумонбаршаванда дар боздоштгоҳ қарор дошта, оид ба ин ҳодиса тафтишот идома дорад.

272
Барчаспҳо:
боздошт, ноболиғ, кордкашӣ, Душанбе, дашном, дашном

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский