Суд. Архивное фото

Иттиҳоми нав: Зайд Саидов ба буҷа $10 миллион зарар расонидааст

19
(Таҷдидшуда 11:56 20.07.2015)
Ҳамзамон ин сомона менависад, оҷонсӣ тафтиши парвандаи навбатӣ алайҳи соҳибкорро ба анҷом расонида, 16 январ ба Додгоҳи олии Тоҷикистон ироа кардааст.

ДУШАНБЕ, 19 янв — Sputnik. Бино бар асоси як даста иттиҳомоти нави Оҷонсии назорати молиявӣ ва мубориза бо фасоди Тоҷикистон, Зайд Саидов, соҳибкор ва вазири пешини саноат дар расонидани зарар ба буҷаи давлат дар ҳаҷми 10 миллион доллар айбдор мешавад, хабар медиҳад сомонаи оҷонсӣ.

Ҳамзамон ин сомона менависад, оҷонсӣ тафтиши парвандаи навбатӣ алайҳи соҳибкорро ба анҷом расонида, 16 январ ба Додгоҳи олии Тоҷикистон ироа кардааст.

Дар маълумотномае, ки дар сомонаи ин ниҳод нашр шудааст, гуфта мешавад,  ки тафтиши парвандаи Саидов аз тарафи раёсати тафтишотии Оҷонсии зиддифасод анҷом шуда, "парвандаи ҷиноятии №42946 бо айбдории Саидов З.Ш., бо моддаҳои 340 қисми 2 бандҳои "а,б" (сохтакории шиноснома, шаҳодатнома ва дигар ҳуҷҷатҳои расмии ҳуқуқдиҳанда ва аз уҳдадорӣ озодкунанда, ки такроран бо маслиҳати пешакӣ аз ҷониби гуруҳи шахсон содир карда шудааст),

314 қисми 2 (сӯиистифода аз ваколатҳои мансабӣ, аз ҷониби шахсе, ки мансабҳои давлатии Ҷумҳурии Тоҷикистонро ишғол мекунад), 245 қисми 4, банди "б" (бо роҳи азонихудкунӣ ва исрофкорӣ ба миқдори махсусан калон тасарруф намудани маблағҳои давлатӣ),

262 қисми 3 банди "б" (ба миқдори калон қонунӣ гардонидани маблағҳои пулӣ ва дигар молу мулки ғайриқонунӣ бадастовардашуда) ва

292 қисми 2, банди "б" (ба миқдори махсусан калон саркашӣ намудан аз супоридани андозҳо ва пардохтҳо аз шахси ҳуқуқӣ)

… аз ҷониби Прокуратураи Генералии Ҷумҳурии Тоҷикистон, баъди омӯзиш ва тасдиқи фикри айбдоркунӣ, 16.01 соли 2015 барои моҳиятан баррасӣ намудан ба Суди Олии Ҷумҳурии Тоҷикистон ирсол карда шуд."

Оҷонсии зиддифасод "зарари молиявии ба буҷаи давлат расонидашуда" аз тарафи Зайд Саидовро дар чорчӯби иттиҳомоти омада дар ин парванда  ба 52.254.442,25, ё тақрибан 10 миллион доллар баровард кардааст.

"Аз ҷумла, аз ҳисоби хусусигардонии ғайриқонунии саҳмияҳо ва иншоотҳо, 2.262.482 сомонӣ, аз ҳисоби бо роҳи азонихудкунӣ ва исрофкорӣ тасарруф намудани маблағҳои давлатӣ, 34.037.684,25 сомонӣ ва азҳисоби саркашӣ аз супоридани андозҳо, 11.497.053 сомонӣ (бо ҷарима ва фоизҳояш 15.954.276 сомонӣ)", — менависад сомона.

Ин мавридҳои "тасарруф" ва "азонихудкунӣ" бармегарданд ба сохтмони "Душанбе- Плаза" — баландтарин бинои пойтахти Тоҷикистон, ва мактаби рақами 8 дар маркази пойтахт, ки низ ширкатҳои марбут ба Зайд Саидов сохтаанд. Оҷонсӣ мегӯяд, дар рафти тафтиш "барои таъмини даъвои гражданӣ ё эҳтимоли мусодираи молу мулк, бо қарори суд ба молу мулки айбдоршаванда Саидов З.Ш. ба маблағи умумии зиёда аз 30.000.000 сомонӣ ҳабс гузошта шудааст."

Зайд Саидови 55-сола, вазири собиқи саноати Тоҷикистон  ва аз соҳибкорони муваффақи кишвар, рӯзи 19 сентябри соли 2012, баъди бозгашташ аз сафари Фаронса дар фурудгоҳи шаҳри Душанбе дастгир ва 25 декабри ҳамон сол бо иттиҳомоте, чун сӯиистифода аз мақом, бисёрзанӣ, ришвагирӣ ва таҷовуз ба номус ба 26 соли зиндон маҳкум шуд. Дар тӯли соли гузашта мақомот бар асоси ин ҳукм дастикам 8 корхонаву ширкатҳои марбут ба Зайд Саидов ва наздикони ӯ, аз ҷумла фабрикаи дӯзандагии "Гулистон" ва корхонаи "Тоҷикмармар"-ро давлатӣ карданд.

Ба ақидаи Зайд Саидов ва ҷонибдоронаш, ӯ баъди эълони азми худ барои таъсиси ҳизби сиёсии Тоҷикистони нав таҳти таъқиби мақомот қарор гирифтааст.

Зайд Саидов аз ҷумлаи тарафдорони Иттиҳоди нирӯҳои мухолифин буд, ки баъди имзои созишномаи сулҳи соли 1997 аз ҳисоби саҳмияҳои 30-фоизаи мухолифин ба мақоми раиси кумитаи саноат расид. Ӯ дар соли 2001 вазири саноат таъйин шуд ва то поёни соли 2006 дари н мақом кор кард. Зайд Саидов баъди рафтанаш аз ҳукумат ба соҳибкорӣ баргашт ва баъди чанде дар ҷумла соҳибкорони муваффақи Тоҷикистон қарор гирифт. Ширкатҳои ӯ бахусус дар риштаи сохтмон муваффақ буданд ва чанд  бинои бузург дар пойтахт, аз ҷумла бинои 22-қабатаи "Душанбе- Плаза", мактаби рақами 8 ва дафтари марказии "TCell"-ро ширкатҳои марбут ба Саидов сохтаанд.

19
Барчаспҳо:
иттиҳомоти нав, ирсоли парванда, анҷоми тафтиш, Агентии коррупсия, Суди Олӣ, Зайд Саидов, Душанбе
Нож в руке, архивное фото

Марди 59 - сола писарони амакашро корд зад

351
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

351
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД
Пострадавшие от стихии жители Бедак заселились в новые дома

Бунёди деҳаи нав барои зарардидагони сел дар ноҳияи Фархор

20
(Таҷдидшуда 16:44 27.11.2020)
Ахиран дар ноҳияи Фархор барои шаҳрвандоне, ки манзилҳояшон аз сел зарар дида буд, деҳаи нав бунёд гардид

ДУШАНБЕ, 27 ноя — Sputnik. Дар ноҳияи Фархор деҳаи нав бунёд шуд, хабар медиҳад мақомоти ноҳияи Фархор.

Бино ба гузориши манбаъ, моҳи августи соли 2019 дар деҳаи Сурхоби ноҳияи Фархор бар асари фаромадани сел якчанд манзилҳои истиқоматӣ зарар дида буд.

  • Деҳаи нав дар Фархор
    Деҳаи нав дар Фархор
    Правительство Фархорского района
  • Деҳаи нав дар Фархор
    Деҳаи нав дар Фархор
    Правительство Фархорского района
  • Деҳаи нав дар Фархор
    Деҳаи нав дар Фархор
    Правительство Фархорского района
1 / 3
Правительство Фархорского района
Деҳаи нав дар Фархор

Бо ташаббуси Ҳукумати Тоҷикистон ва дастгирии бунёди хайриявии давлати Қатари Аморати Муттаҳидаи Араб дар яке аз минтақаҳои мутобиқ барои зист, барои хонаводаҳои зарардида, деҳаи нав бунёд гардид.

Об омад: Сокинони як деҳаи навбунёд дар Кӯлоб бо оби нӯшокӣ таъмин гардиданд

"Деҳаи навбунёд иборат аз 25 хона буда, ҳар яки он аз 3 ҳуҷра ва ба системаи санузелӣ пайваст мебошад. Ҳамин тавр, якчанд аҳолии ниёзманд тибқи қуракашӣ соҳиби манзилҳои нави истиқомати гардиданд", - омадааст дар хабарнома.

67 тонна семент: кумаки Покистон ба осебдидагони сел дар Хуросон

Дар маросими ифтитоҳи деҳа аҳли фарҳангу маорифи ноҳия ва меҳмонон ширкат доштанд.

20
Барчаспҳо:
бунёд, нав, ноҳияи Фархор, деҳаи нав