На скамье подсудимых. Архивное фото

Маҳкумияти бародар ва наздикони “Устод Муродулло” дар Русия

22
(Таҷдидшуда 16:29 02.02.2015)
Ин се маҳкумшуда бародар ва наздикони Алимурод Маханов, маъруф бо лақаби “Устод Муродулло”, ки соли 2013 дар Тоҷикистон бо гумони тарконидани мақомоти интизомӣ боздошт шуда буд, ҳастанд

ДУШАНБЕ, 2 фев — Sputnik. Ҳукми се шаҳрванди Тоҷикистон, ки дар узвияти "Ҳизби исломии Туркистон" гунаҳкор дониста мешаванд, эътибори қонунӣ пайдо кард, мегӯяд додситонии кишвари Хабаровски Федератсияи Русия.

Ин се маҳкумшуда бародар ва наздикони Алимурод Маханов, маъруф бо лақаби "Устод Муродулло", ки соли 2013 дар Тоҷикистон бо гумони тарконидани мақомоти интизомӣ боздошт шуда буд, ҳастанд.

Ба иттилои манбаъ, сар аз имрӯз, 2-юми феврал ҳукми додгоҳ алайҳи се шаҳрванди Тоҷикистон; Абдукарим Сатторов, Маҳмадсолеҳ Маханов ва Алишер Давлатов эътибори қонунӣ пайдо кард.

Бар асоси ҳукми додгоҳи Хабаровск, ки ахиран Додгоҳи Олии Русия низ онро бетағйир гузошт, Абдукарим Сатторов ба 4 солу 2 моҳ, Маҳсмадсолеҳ Маханов ва Алишер Давлатов ба 4 солу се моҳи зиндони низомаш умумӣ маҳкум шуданд.

Собит шудааст, ки маҳкумшудагон узви "Ҳизби исломии Туркистон" буда, дар марказҳои махсуси Покистон таълим гирифтаанд.

"Тафтишот муайян кард, ки онҳо дар Хабаровск ба ҷалби ҷавонони дигар ба созмону ҳаракатҳои террористӣ машғул шуда, онҳоро ба марказҳои махсуси террористӣ равон мекардаанд", — омадааст дар сомона.

Ҳукми додгоҳ дар нисбати ин шаҳрвандон ҳанӯз дар 15 сентябри соли 2014 содиршуда, аммо эътибори қонунӣ пайдо накарда буд, менависад сомонаи русии Губерния онлайн. Он замон яке аз муттаҳмон — Абдукарим Сатторов ба зинаҳои болоии додгоҳ шикоят бурда, хостори кам кардани муҳлати адои ҷазо шуда буд.

Вакили дифои Сатторов Сергей Катков ба расонаҳо гуфта буд, ки зерҳимояш дар Тоҷикистон фарзанди ноболиғ дорад ва ба ин далел аз додгоҳ мехоҳад ӯро ба муҳлати камтар маҳкум кунад. Ин вакили дифоъ ҳамчунин гуфта буд, ки нафари таҳти ҳимояташ қонунан вориди Русия шуда ва иҷозаи расмии кор дар он кишварро доштааст.

Ёдрас мешавем, Маҳмадсолеҳ Маханов, бародари Алимурод Маханов, мулаққаб ба "Устод Муродулло," бо чанд тан аз ҳамроҳонаш дар остонаи интихоботи президентии 6 ноябри соли гузашта боздошт шуданд. Худи Алимурод Маханов дар як намоиши телевизионӣ гуфта буд, ҳадафи онҳо таркондани баъзе аз иншооти Душанбе, аз ҷумла бинои Кумитаи амнияти миллӣ ва "шикастани сохтори давлатии Тоҷикистон" буд. Ба гуфтаи Маханов, ӯ соли 2011 ба узвияти "Ҳаракати исломии Ӯзбакистон" шомил шуда, раҳбарии гуруҳи ҳаштнафараеро, ки муташаккил аз шаҳрвандони Туркия, Қирғизистон ва Ӯзбакистон мебошад, бар зимма доштааст.

Аммо зимни мурофиаи судӣ ин гуфтаҳояшро рад карда, изҳор дошт, ки тамоми айбҳоро таҳти фишор ба дӯш гирифт. Бо вуҷуд Додгоҳи Олии Тоҷикистон Алимурод Махановро ба 21,5 сол маҳкум кард. Наздикони Маханов ин ҳукми додгоҳро ноодилона арзёбӣ карда буданд.

 

22
Барчаспҳо:
террористӣ, ҷалби одамон, 4 солу 2 моҳ, умумӣ, маҳкум ба зиндон, узвият, шаҳрвандони Тоҷикистон, Додситонии кишвари Хабаровск, "Ҳизби исломии Туркистон", Ҳаракати исломии Ӯзбакистон, Алишер Давлатов, Маҳмадсолеҳ Маханов, Абдукарим Сатторов, Алимурод Маханов, "Устод Муродулло", кишвари Хабаровск, Русия
Преступник за решеткой

Боздошти сокини ноҳияи Вахш: занеро фиреб додаву 12 ҳазор долларашро гирифтааст

256
(Таҷдидшуда 16:00 05.05.2020)
Вазорати умури дохилаи Тоҷикистон аз боздошти марде хабар медиҳад, ки дар кирдори қаллобӣ муттаҳам мешавад

ДУШАНБЕ, 5 май — Sputnik. Тибқи иттилои Вазорати корҳои дохилӣ, марди гунаҳкор дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия боздошт шудааст.

Ҳамин тавр, марди 41-солаи сокини ҷамоати деҳоти Ваҳдати ноҳияи Вахш ҳамчун гумонбар дар содир намудани кирдори қаллобӣ дастгир карда шуд. 

Номбурда, моҳи декабри соли 2015, бо роҳи фиреб ба боварии зани 49-солаи сокини ҷамоати деҳоти Россияи ноҳияи Рӯдакӣ даромада, аз ӯ 12 ҳазор доллари амрикоӣ гирифта, то ҳол маблағашро барнагардонидааст.

Манбаъ афзуда, ки нисбати гумонбаршаванда парвандаи ҷиноятӣ бо моддаи 247 қисми 4 оғоз карда шуда, тафтишот идома дорад.

256
Барчаспҳо:
боздошт, қаллобӣ, Тоҷикистон

Истеъмол накунед: олимон доруе, ки коронавирусро бештар афзоиш медиҳад муайян карданд

4976
Бархе озмоишҳо нишон додааст, ки яке аз шарбатҳои зидди сурфа ба зиёдшавии коронавирус дар бадан кумак мекунад

ДУШАНБЕ, 3 мая — Sputnik. Ба нақл аз пойгоҳи хабарии шабакаи Ал-Олам, дар озмоишҳое, ки донишмандон барои баррасии таъсири анвои намуди доруҳо бар коронавирус анҷом додаанд мушаххас шуд, ки шарбати "Декстрометорфан", ки барои дармони сурфа истифода мешавад, метавонад сабаби зиёдшавии ин маризӣдар бадани фарди мубтало шавад.

Ин шарбат ҳамон фарояндеро фаъол мекунад, ки вируси корона барои зиёдшавии худ мавриди истифода қарор медиҳад.

Тасмими раису тобеин: маоши якмоҳа алайҳи коронавирус ва 500 сомонӣ кумакпулӣ ба табибон

Яке аз устодони Донишкадаи дорусозии Сан-Франсиско дар бораи истифода аз ин дору гуфтааст, ки он ҳоли беморони коронавирусро бадтар мекунад.

Донишмандони Донишкадаи дорусозии Сан-Франсиско тавсия кардаанд беҳтар аст ҳама дар замони шуйюи вируси корона ва то замони эъломи натиҷаи ниҳоии таҳқиқот, дар истеъмоли ин дору ва доруҳои дигаре, ки боиси афзоиши зиёдшавии вирус мешаванд эҳтиёт кунанд.

4976
Мавзуҳо:
Пайомадҳои COVID-19 дар Тоҷикистон ва ҷаҳон
Рабочая встреча под председательством Исфаринского района по эпидемиологической ситуации и профилактике заболевания

Ҷаласаи ситоди сайёр дар Суғд: дар Ҷаббор Расулов сироят ба вируси корона коҳиш ёфт

0
(Таҷдидшуда 12:27 01.06.2020)
Дар ҷаласаи ситоди сайёри вилояти Суғд раиси ноҳияи Ҷаббор Расулов, муовинони раиси ноҳия, роҳбарони сохторҳои қудратӣ, раисони ҷамоатҳо, сардухтур ва роҳбарони корхонаҳои саноатии ноҳия иштирок карданд

ДУШАНБЕ, 1 июн – Sputnik. Дар ноҳияи Ҷаббор Расулов ситоди сайёри назди Раиси вилоят оид ба вазъи эпидемологӣ ва пешгирии паҳншавии бемории COVID-19 баргузор шуд, иттилоъ додааст дафтари матбуоти мақомоти вилояти Суғд.

Дар ҷаласаи корӣ раиси ноҳия таъкид карадааст, ки аз ҷониби мақооти кишвар барои солимии ҷомеъа тамоми шароитҳо фароҳам оварда шудааст.

Ҳамзамон, дар машварати корӣ ба Раиси вилоят хабар доданд, ки дар ноҳияи Ҷаббор Расулов вазъи эпидемологӣ таҳти назорати кормандони соҳаи тиб қарор дорад.

Ҳамзамон қайд карда шуд, ки барои фаъолияти табибон дар беморхонаҳо ва табибони оилавӣ барои пешгирии сироятёбӣ тадбирҳои зарурӣ андешида шудааст.

“Дар натиҷа ҳоло сироятёбии сокинон ба бемории COVID - 19 дар ноҳияи Ҷаббор Расулов ру ба пастрави ниҳода дар ҳолати коҳишёбӣ арзёбӣ карда шуд”, - таъкид доштааст раиси ноҳияи Ҷаббор Расулов.

Ҳамзамон аз ҷониби Раиси вилоят дастур дода шуд, ки дорувориҳои зарурӣ, корҷома, ниқоб ва маводҳои антисептикӣ ҳадди ақал барои се моҳ захира карда шавад.

Ҳамчунин ба раисони ҷамаотҳо ва фаъолон супориш дода шуд, ки байни мардум ташвиқоту тарғиботи пешгирии бемориро пурзур намоянд ва гаштугузор, баромадан аз хона, бе ниқоби муҳофизатӣ манъ карда шавад.

“Меъёрҳои нигоҳ доштани фосила риоя гардад, зеро риоя нагардидани қоидаҳои санитари гигенӣ боиси паҳншавии беморӣ мегардад. Барои харидории маводи рӯзгор аз хизматрасониҳои дастарас истифода намоянд. Дар марказҳои саломатӣ барои фавран расонидани машваратҳои тиббӣ тариқи Онлайн чораҷӯи намуда, фаъолияти баландгӯякҳо барои огоҳонидани мардум мунтазам ба роҳ монда шавад”, - таъкид доштааст раиси вилояти Суғд Раҷаббой Аҳмадзода.

Инчунин раиси вилоят барои пурзӯр кардани корҳои безараргардони ва саривақт бартараф кардани манбаъҳои пайдоиш ва паҳншавии беморӣ, ба масъулин дастур дод, ки дар ин самт корҳоро бо ҳам бештар намоянд.

«Аз кохишёбии сироятёби бемори форигболи накрда корхои ташвикоти дар бозору магоза таквият дода шавад. Зеро пастшавии сироятёби холо пурра бартараф ёбии бемори нест. Сокинонро зарур аст пеш аз ҳама аҳли оилаи худ ва ҷомеаро аз сироятёбӣ ва паҳншавии бемории COVID-19 эҳтиёт намоянд. Аз ҳар гуна ҷамъомадҳо ва барпо кардани маракаҳои хонаводагӣ худдори намоянд”, -гуфт Аҳмадзода.

Ҳамзамон дар машварати корӣ масъалаҳои кишоварзӣ, аз ҷумла саривақт гузаронидани кишти картошка, мувофиқи агротехникаи парвариши пахта, ба роҳ мондани нашъу намои пахта ва фаъолияти мунтазами корхонаҳои саноатӣ ва пойгоҳҳи обкашӣ мавриди баррасӣ қарор гирифт.

0
Барчаспҳо:
ноҳия, корхона, ситод, раис, муовин, Ҷаббор Расулов, Тоҷикистон, Суғд