Боздошт. Акс аз бойгонӣ

ВАО: даъвои паёмбарии “Шайх Темур”

19
(Таҷдидшуда 17:40 05.02.2015)
Парванда дар ҳоли ҳозир алайҳи “Шайх Темур” ба баҳонаи бисёрзанӣ таъсис шуда, вале муттаҳам ба шарти берун нарафтан аз маҳалли зист дар озодӣ қарор дорад.

ДУШАНБЕ, 5 фев — Sputnik. Мақомоти интизомии Тоҷикистон алайҳи як нафар, ки бо исми "Шайх Темур" маъруф аст ва ба қавли мақомот, даъвои "паёмбарӣ" кардааст, парванда таъсис додааст, менависад "Радиои Озодӣ".

Парванда дар ҳоли ҳозир алайҳи "Шайх Темур" ба баҳонаи бисёрзанӣ таъсис шуда, вале муттаҳам ба шарти берун нарафтан аз маҳалли зист дар озодӣ қарор дорад.

Телевизиони Тоҷикистон ҳам эълон дод, ки шоми ҷумъа аз зиндагии "Шайх Темур" филме пахш хоҳад кард. Дар ин эълони кӯтоҳ гуфта шуд, ки "Шайх Темур" бо истифода аз боварии сокинон ба дин, онҳоро дар ҳолати гумроҳӣ нигоҳ медоштааст. Ин нафар ҳатто духтарони ҷавони сокинонро бо тарсе, ки дуо бад мекунад, ба занӣ мегирифтааст.

"Шайх Темур"" 55 сол дошта, дар ҷамоати Работи ноҳияи Турсунзода ба сар мебарад. Аммо ӯ дар навоҳии дигари водии Ҳисор пайравони зиёд пайдо карда, дар маҷмӯъ 8 зан доштааст. Аз ҷумла ӯ дар ду деҳаи ҷамоати Сабои ноҳияи Шаҳринав ду зан дар манзилҳои алоҳида доштааст, менависад "Озодӣ".

Дар навори телевизиони, ки шоми 4 феврал пахш шуд,  сӯҳбати волидайни ҳамсарони "Шайх Темур" нишон дода шуд, ки мегуфтанд, аз тарси "дуои бад" розӣ шудаанд, то духтарашонро ба ин "Шайх" бидиҳанд. Ҳамчунин, лаҳзаҳое нишон дода мешуд, ки ин "Шайх" бо мошини қимматбаҳо аз миёни сокинон мегузарад ва сокинон мошини ӯро мебӯсиданд. Лаҳзаҳои дигар ҳам нишон медод, ки сокинон дасти ӯро мебусанд ва пуштнокӣ аз хона берун мешаванд.

Мақомоти Тоҷикистон шуруъ аз 3 сол ба ин сӯ даҳҳо рӯҳониро бо иттиҳомоти гуногун, асосан бо ҷурми бадрафториҳои ҷинсӣ ва ё таълими ғайриқонунии улуми динӣ, боздошт мекунанд, аммо ин бори аввал аст, ки алайҳи як рӯҳонӣ дар пайи "даъвои паёмбарӣ" карданаш парванда боз мешавад.

19
Барчаспҳо:
даъвои паёмбарӣ, бисёрзанӣ, парванда, ВКД, "Шайх Темур", Ҳисор, Турсунзода, Тоҷикистон
Подсудимая, архивное фото

Лату кӯб ва ғорати зани 42-сола аз ҷониби ду бону дар хонаи модараш

454
(Таҷдидшуда 15:26 26.09.2020)
Вазорати умури дохилии Тоҷикистон аз лату кӯб ва ғорат шудани зани 42-сола, сокини шаҳри Душанбе хабар медиҳад

ДУШАНБЕ, 26 сен - Sputnik. Тибқи иттилои Вазорати умури дохила, ин занро ду бону лату кӯб кардаву сипас ғорат намудаанд.

Ба иттилои манбаъ, ҳодисаи мазкур санаи 24 сентябр рух додааст.

Ба ШВКД дар шаҳри Ваҳдат бо ариза зани 42-солаи сокини шаҳри Душанбе муроҷиат намуда шикоят кардааст, ки санаи 24-уми сентябри соли 2020, тахминан соати 13:30-дақиқа ӯро дар хонаи модараш, воқеъ дар ҷамоати деҳоти Чуянгарони шаҳри мазкур ду нафар зан лату кӯб намуда бо роҳи зӯроварӣ аз дасташ телефони мобилашро, тасарруф намуда, аз ҷойи ҳодиса ғайб задааст.

"Зарари расонидашуда 810-сомониро ташкил медиҳад", - омадааст дар хабарнома.

Дар ин росто, Вазорат хабар медиҳад, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия занони 38 ва 43-солаи сокинони шаҳри Ваҳдат бо гумони содир намудани ҷинояти ғоратгарӣ дастгир карда шудаанд.

454
Барчаспҳо:
лату кӯб, ғорат, Душанбе, Ваҳдат
Певица Наргиз Закирова

Наргиз дар бораи Ефремов: ӯ бояд паси панҷара равад

628
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

628
Барчаспҳо:
ҳукм, Русия
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

0
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

0
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт