Ҳафтаномаи Нигоҳ

Як соҳибкор нашрияи “Нигоҳ”-ро ба додгоҳ кашид

58
(Таҷдидшуда 16:17 11.02.2015)
Музафарова аз додгоҳ хостааст, аз ин нашрия ба фоидаи ӯ 32 ҳазор сомонӣ ҷуброни зарари маънавӣ рӯёнад.

ДУШАНБЕ, 11 фев — Sputnik. Наргис Музафарова, соҳибкор ва молики мағозаи "Элита" ҳафтаномаи "Нигоҳ"-ро дар паст задани шаъну шарафаш муттаҳам карда, ба додгоҳи ноҳияи Исмоили Сомонӣ шикоят бурдааст, менависад оҷонсии "Озодагон".

Музафарова аз додгоҳ хостааст, аз ин нашрия ба фоидаи ӯ 32 ҳазор сомонӣ ҷуброни зарари маънавӣ рӯёнад.

Ин соҳибкор дар аризаи даъвогияш ба додгоҳ иддао кардааст, ки "Нигоҳ" 5 ноябри соли 2014 бо нашри мақолаи "Музаффарова кист ва чаро силсилаи авбошиҳои ӯ беҷавоб мемонанд?" дар ҳаққи вай "суханҳои туҳматомезро чоп кардааст". Музаффарова мегӯяд, на силсилаи авбошиҳо, балки дар як ҳолати авбошӣ муттаҳам шудааст, ки он ҳам бо татбиқи қонуни афв аз ҷавобгарӣ озод гардидааст.

"Дар мақола сурати ман ба таври хира чоп шудааст, ки дар он шинохтани шахс номумкин аст. Илова ба ин насаби ман нодуруст, яъне "Музафарова" нею "Музаффарова" чоп карда шудааст. Чунин вайронкориҳои муаллиф ва худи ҳафтанома низ ба обрӯи ман зарари худро расонданд, зеро дар натиҷа ман мисли шахси бадкор ва кирдорҳои ман бадвоҳима пешкаши мардум шудаанд", — зикр шудааст дар ариза.

Ин соҳибкор инчунин илова намудааст, барои шишаҳои сиёҳи ғайриқонунии мошинаш, на маблағи ночиз, балки 8800 сомонӣ ҷарима супоридааст ва дар мақомот низ ҳеч "пуштибоне" надора, зеро муддати 6 шабонарӯз дар боздоштгоҳои муваққатӣ нигоҳдорӣ шудааст.

"Ин ҳолат худ шаҳодати он аст, ки маро ягон кас пуштибонӣ накардааст ва баръакс маҳз бе пуштибон будани ман боиси боздоштам дар муддати дурудароз шуд", — гуфтааст Музафарова.

Вай бо зикри он, ки "Нигоҳ" мактуби ҷавобияшро нашр накард, аз додгоҳ талаб намудааст, арзиши якмоҳаи "Нигоҳ", ки ба ҳисоби худаш 32 ҳазор сомониро ташкил медиҳад, ҳамчун ҷуброни зарари маънавӣ ба фоидаи ӯ рӯёнда шавад.

Ин дар ҳолест, ки қаблан дар пайи нашри мақолаи "Нигоҳ" Вазорати умури дохилии Тоҷикистон (ВУД) бо пахши як иттилоия гуфт, Наргис Музафарова, як соҳибкорзани Душанбе дар ин ниҳод, аз ҷумла Воҳиди махсуси он пуштибоне надорад ва ҳамаи қонуншиканиҳояш тибқи қонун тафтиш шудаанд.

Ба иттилои нашрия, Музафарова, молики фурӯшгоҳи "Элита" дар маркази Душанбе, савори мошин "БМВ Х6" дар бисёри ҳолатҳо худсарию қонуншиканӣ карда, бемуҷозот мондааст. Дар матлаб аз қавли ҷабрдидаю шоҳидон оварда шудааст, ки Музафарова писари ноболиғи Шуҳрат Абдуҳомидов, корманди мағозаи "For Men"-и маркази Душанберо барои он ки падараш мошини худро дар назди мағозаи Элита мондааст, латту кӯб намуда, ба рӯи Абдуҳомидов, ки ба кӯмаки писараш шитофтааст, туф ва баъдан чандин дашноми қабеҳ додааст. Инчунин нақзи қоидаҳои ҳаракати роҳ, зӯроварӣ нисбат ба пулис зикр шуда, таъкид гардидааст, эҳтимол ба далели пуштибон дар мақомот беҷазо мемонад.

58
Барчаспҳо:
туҳмат, талаб, 32 ҳазор сомонӣ, ҷуброн, соҳибкор, мағоза, даъво, бадрафторӣ, нашрия, зарари маънавӣ, "Элита", "Нигоҳ", Наргис Музафарова, Душанбе
Арест, архивное фото

Кордкашӣ дар бозори Исфара: ҷавони 27 -сола падару писарро захмӣ кард

321
(Таҷдидшуда 19:29 17.01.2021)
Вазорати корҳои дохилӣ аз боздошти сокини 27 - солаи шаҳри Исфара хабар медиҳад, ки дар ҷинояти авбошӣ гумонбар мешавад

ДУШАНБЕ, 17 янв — Sputnik. Вазорати корҳои дохилии Тоҷикисон дар паибаргузории чорабиниҳои оперативӣ-ҷустуҷӯӣ аз боздошти марди 27-солаи сокини шаҳри Исфара, хабар медиҳад.

Бино ба гузориши ин ниҳод, ин мард, ки соли 2012 бо моддаи 104 ва 252 Кодекси ҷиноятии Ҷумҳурии Тоҷикистон суд шудааст, бо гумони содир намудани ҷинояти авбошӣ дастгир карда шуд.

"Номбурда, санаи 14-уми январи соли 2021, тахминан соати 14:00, дар бозори марказии шаҳри Исфара аз сабаби муноқишаи ба миён омада бо ҷавони 21-солаи сокини шаҳри мазкур ва падараш марди 44-сола, ҷангу ҷанҷол намуда, бо корд 2-маротиба ба дасту пои ҷавони 21-сола ва 1-маротиба ба пои падари ӯ задааст", - омадаатс дар хабарнома.

Дар натиҷа ҳардуи онҳо ҷароҳати ҷисмонӣ бардоштаанд.

Бистарӣ шудани ҷавони 20-сола аз зарби корд дар Душанбе

Манбаъ афзуда, ки аз рӯи ин ҳодиса тафтишот идома дорад.

321
Барчаспҳо:
ВКД ҶТ, Исфара, боздошт
Арест. Архивное фото

Пули "Бонки Эсхата" -ро зада, терминалҳоро шикастанд: боздошти ду бародар ва рафиқашон

560
(Таҷдидшуда 13:13 13.01.2021)
Бародарон Сайҳун ва Абдумаҷид Абдуманоновҳо ва ҳамаслаки онҳо Суҳроб Ҷӯраев баъди дуздии пайдарпайи терминалҳои пулгузаронӣ дар маҳаллаҳои Хуҷанд, оқибат ба дасти милитсия афтоданд

ДУШАНБЕ, 13 янв – Sputnik. Идораи Раёсати вазорати корҳои дохилӣ дар вилояти Суғд бо ироаи ин иттилоъ гуфт, нафарони боздоштшуда, ҳама сокинони шаҳри Хуҷанд буда, аз моҳи декабри соли гузашта то аввалҳои моҳи январи соли ҷорӣ ба ғорати терминалҳои пулгузаронӣ машғул шудаанд, ки дар ҳафт ҳолат аз 2760 то 12 000 сомониро дуздидаанд.

Акбар Шарифӣ, сухангӯи РВКД дар Суғд дар суҳбат ба Sputnik Тоҷикистон гуфт, ҷавонон ин ҷиноятро шабона содир намудаанд.

"Гумонбарон дар ҳайати гурӯҳ бо маслиҳати пешакӣ ва бо асбоби оҳании мехкашӣ сарпуши теминалҳоро кушода, дастгоҳи пулқабулкунӣ ё кешкодро тасарруф намуда, баъди ба дасти овардани маблағи ҷамъшуда, таҷҳизоти пулқабулкунакро ҳамчун ашёи нолозим партофтаанд", - гуфт Шарифӣ.

Ба иттилои манбаъ, ин гурӯҳи ҷавонон ба ҷуз дуздии маблағи терминалҳои мавҷудбуда дар маҳаллаҳои 13, 18, 20 ва 28 - уми Хуҷанд ба соҳибмулкон "Бонки Эсхата" ва "Душанбе Ситӣ" зарари молумулкӣ расонидаанд.

Гумонбарон аз ҷумла санаи 14 декабри соли гузашта аз терминали назди мағозаи "Доро" воқеъ дар маҳаллаи 20 - уми Хуҷанд 7518 сомониро тасарруф намуда, дастгоҳи ҳисоб ва қабули пул, ки маҷмӯан 4950 сомонӣ арзиш дошт, шикаста корношоям кардаанд.

Боздошти келини 21-солаи хона, ки хусурро ғорат карду ду “Лексус” ва як “Киа” харид-видео

Мақомоти милитсияи шаҳри Хуҷанд ҳоло нисбати "иттифоқи сегона" бародарон Сайҳуни 28 - сола, бародараш Абдумаҷид Абдуманнонови 22 - сола ва шарики онҳо Сӯҳроб Ҷӯраеви19 - сола, бар асоси моддаи 244 (дуздӣ ) - и Кодекси ҷиноятӣ парванда оғоз намудааст.

560
Барчаспҳо:
Суғд, боздошти гумонбарон, боздошт, ғорат, Бонк
Рустами Эмомалӣ, раиси Маҷлиси миллии Тоҷикистон

Қарори нави Рустами Эмомалӣ дар бораи ярмаркаҳои кишоварзӣ дар соли 2021

0
(Таҷдидшуда 10:33 22.01.2021)
Шаҳрдори Душанбе Рустами Эмомалӣ дар бораи ташкили ярмаркаҳои фурӯши маҳсулоти кишоварзию агросаноатӣ дар соли 2021 қарор баровард

ДУШАНБЕ, 22 янв — Sputnik. Бино бар қарори раиси шаҳри Душанбе ин ярмаркаҳо бо мақсади бо мақсади таъмини сокинону меҳмонони шаҳр бо маҳсулоти хушсифати кишоварзӣ баргузор хоҳанд шуд.

Дар ин росто, Раёсати рушди иқтисод ва савдои шаҳри Душанбе, Корхонаи воҳиди давлатии "Оид ба истеҳсол, харид, захира ва фурӯши маҳсулоти ниёзи аввалияи шаҳри Душанбе" дар ҳамкорӣ бо Вазорати кишоварзӣ, Агентии захираҳои моддии давлатӣ ва Иттифоқи "Тоҷикматлубот" вазифадор шудаанд, ҷиҳати ташкил ва гузаронидани ярмаркаҳо ва ширкати корхонаю хоҷагиҳои кишоварзии ҷумҳурӣ тадбирҳо андешанд.

Раисони ноҳияҳои Исмоили Сомонӣ, Шоҳмансур, Сино ва Фирдавсӣ муваззаф шуданд, барои дар сатҳи баланди ташкилию фарҳангӣ гузаронидани чорабиниҳои мазкур, ҷойгир кардани ғурфа ва растаҳои савдо, ки ба талаботи муосир ҷавобгӯй мебошанд, тадбирҳои зарурӣ андешанд.

Қоидаҳои савдо, тартиботи ҷамъиятӣ ва зиддисӯхторӣ, сифат, нархи маҳсулотҳо ва талаботи санитарию гигиениро бояд Раёсати рушди иқтисод ва савдои шаҳри Душанбе якҷо бо Вазорати корҳои дохилӣ дар шаҳри Душанбе, Хадамоти давлатии оташнишонӣ, Маркази назорати давлатии санитарию ва раёсати Кумитаи бехатарии озуқаворӣ назорат кунанд.

Ҳамчунин тибқи қарори мазкур, Раёсати Кумитаи бехатарии озуқаворӣ дар шаҳри Душанбе ва шаҳру ноҳияҳои тобеи ҷумҳурӣ хизматрасонии ташхиси маҳсулотҳои гӯштию шириро ҳангоми баргузории ярмаркаҳо бояд тариқи ройгон амалӣ намоянд.

0
Барчаспҳо:
нарх, баргузор, назорат, кишоварзӣ, Душанбе