Дафтари ҲНИТ дар Душанбе. Акс аз бойгонӣ

Ёров: "Ҷалолиддин Маҳмудов айбро қисман ба дӯш гирифт”

15
(Таҷдидшуда 13:57 13.02.2015)
Вакилони мудофеи Ҷамолиддин Маҳмудов бо ӯ дар бинои Кумитаи амнияти миллӣ сӯҳбат кардаанд. Ба қавли онҳо, нафари таҳти ҳимояташон гуфтааст, худро қисман айбдор мешуморад.

ДУШАНБЕ, 13 фев — Sputnik. Вакилони Ҷамолиддин Маҳмудов мегӯянд, нафари таҳти ҳимояташон "қисман" худро гунаҳкор медонад, хабар медиҳад "Радиои Озодӣ".

Бузургмеҳр Ёров, яке аз ду нафар вакилони Маҳмудов ба "Озодӣ" гуфтааст, ки рӯзи ҷумъаи 13 феврал бо нафари таҳти ҳимояташон дар бинои Кумитаи давлатии амнияти миллии Тоҷикистон (КДАМТ) суҳбат кардаанд.

"Ҳамроҳ бо Барот Беков ба дидорбинии зерҳимояамон ба КДАМТ рафтем. Ҳангоми сӯҳбат Ҷалолиддини Маҳмуд гуфт, худро дар иртикоби ҷинояте, ки гумонбараш донистаанд, қисман айбдор мешуморад", — гуфтааст Ёров.

Ҷалолиддин Маҳмудов, узви Раёсати олии ҲНИТ ва ҳамзамон аъзои Комиссияи марказии интихобот ва раъйпурсӣ 10 феврали соли ҷорӣ аз сӯи маъмурони амниятӣ ба иттиҳоми нигоҳ доштани ғайриқонунии силоҳ боздошт шуд.

Ба қавли Ёров, Маҳмудов ба ӯ тааллуқ доштани яке аз туфангчаҳои ёфтшударо тасдиқ карда ва аммо гуфтааст, "ҳеч дар ёд надорад, ки он солҳо туфангчаи дигаре дошта будааст." Ба ин далел, ба таъкиди Бузургмеҳр Ёров, зерҳимояашон танҳо мутааллиқ ба вай будани яке аз туфангчаҳоро бар дӯш гирифтааст.

Ҷаноби Маҳмуд гуфтааст, дар воқеъ, соли 1996, ҳангоми фаъолияташ дар Комиссияи оташбас барои муҳофизати ӯ як туфангча дода будаанд, аммо баъдан барои нобуд кардан онро ба дӯсташ Латиф Сардоров супурда буд. Ҷалолиддини Маҳмуд афзудааст, "бепарвоӣ аз сӯи вай сурат гирифт, ки имрӯз ин қазия пеш омадааст."

Аммо ба гуфтаи Ёров зерҳимояаш аз муносибати кормандони боздоштгоҳ розӣ аст ва ҳеч гуна шиканҷа ва бадрафторӣ дар нисбаташро мушоҳида накардааст.

Мақомоти Кумитаи давлатии амнияти миллӣ ӯро барои нигоҳдории силоҳ дар хонаи яке аз дӯстонаш дар деҳаи Ҷуқураки Болои ноҳияи Ҳисор айбдор карданд.

Ин ниҳоди қудратӣ рӯзи 11 феврали соли ҷорӣ бо нашри изҳороте дар ин бора хабар дод ва гуфт, дар пайи кофтукоби манзили Латиф Сардоров, сокини деҳаи Чуқураки Боло, ки 22 сол боз узви ҲНИТ будааст, 2 таппончаи тамғаи Макаров, 4 тирдон, 51 тир ва 1 запали таркандаи норинҷаки дастӣ пайдо кардаанд.

Вакилони мудофеи Ҷалолиддини Маҳмуд мегӯянд, ҳоло бар асоси моддаи 195, қисми 2-и Кодекси ҷиноӣ алайҳи нафари таҳти ҳимояташон парванда боз шудааст. Аммо Ҳизби наҳзати исломии Тоҷикистон боздошти узви раёсати олии ин ҳизб дар остонаи интихоботи парлумонии якуми мартро "аз қабл тарҳзрезишуда" ва "сиёсӣ" номида, хостори раҳоии ӯ шуд.

15
Барчаспҳо:
туфангча, нигаҳдорӣ, силоҳ, иттиҳом, айбдор, боздошт, КДАМ, ҲНИТ, КМИРТ, Барот Беков, Ҷалолиддини Маҳмуд, Бузургмеҳр Ёров, Душанбе
Мавзуъ
Кабирӣ: аслиҳа воқеъан ба узви ҲНИТ Маҳмудов таъаллуқ дорад
ДТП, архивное фото

Садамаи маргбор: ронандаи "Опел-Зафира" марди 59 -соларо пахш кард

419
(Таҷдидшуда 13:44 04.03.2021)
Вазорати умури дохилаи Тоҷикистон аз садамаи маргборе дар ноҳияи Данғара хабар медиҳад, ки дар паи он марди 59 - сола ба ҳалокат расид

ДУШАНБЕ, 4 мар — Sputnik. Тибқи иттилои Вазортаи корҳои дохилӣ ин садамаи маргбор рӯзи 2-юми март, шабонгоҳ тахминан соати 23:00 ба вуқӯъ пайвастааст.

Гуфта мешавад, ки ронандаи худрави тамғаи "Опел-Зафира", Зарифов Сафармад Самадович, сокини 38 - солаи шаҳри Кӯлоб, ҳангоми ҳаракат аз шаҳри Душанбе ба самти шаҳри Кӯлоб, дар ҳудуди ҷамоати деҳоти И.Шарифи ноҳияи Данғара, аз уҳдаи идораи воситаи нақлиёт набаромадааст.

Садамаи маргбор: ҳалокати пирамарди 76-сола зери чархи мошини Камолиддин

Ӯ дар ҳамин ҳол, пиёдагард Шукуров Файзалӣ Эмомович, сокини 59 - солаи ҷамоати деҳоти Корези ноҳияи мазкурро пахш намудааст.

"Дар натиҷа, Шукуров Ф.Э. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзудааст, ки аз рӯи ин ҳодиса таҳқиқот идома дорад.

419
Барчаспҳо:
садамаи маргбор, маргбор, Тоҷикистон, садама
Арест, архивное фото

Боздошти марди 35 -сола: сокини Восеъро фиреб дода 25 ҳазор сомониашро гирифт

839
(Таҷдидшуда 12:14 06.02.2021)
Вазорати умури дохилаи Тоҷикистон аз боздошти марди 35 -сола бо ҷурми қаллобӣ хабар медиҳад, ки 25 ҳазор сомонии ҷавони 24 - соларо аз худ кардааст

ДУШАНБЕ, 6 феврал - Sputnik. Марде аз ноҳияи Файзобод ба боварии ҷавони 24 -сола даромада маблағи ӯро аз худ кардааст.

Бино ба гузориши Вазорати корҳои дохилӣ, ин мард дар паи баргузорииимни чорабиниҳои оперативӣ-ҷустуҷӯӣ дастгир шудааст.

Тибқи иттилои манбаъ, марди 35-солаи сокини ҷамоати деҳоти Мискинободи ноҳияи Файзобод бо гумони содир намудани кирдори қаллобӣ дастгир карда шуд.

Зани рус 11 шавҳарашро "зери хок" кард

Гуфта мешавад, ки ӯ, моҳи январи соли 2021, дар ҳудуди шаҳри Ваҳдат бо роҳи фиреб ба боварии ҷавони 24-солаи сокини ҷамоати деҳоти М.Вайсови ноҳияи Восеъ даромада, аз ӯ 25 ҳазор сомонӣ гирифта, то ҳол маблағашро барнагардонидааст.

Душанбе: ду ҷавон худро маъюб вонамуд карда, талбандагӣ мекарданд - акс

Манбаъ афзуда, ки аз рӯи ин ҳодиса тафтишот идома дорад.

839
Барчаспҳо:
ВКДҶТ, қаллобӣ, Файзобод, боздошт
Граждане Таджикистана на рынке труда в городе Худжанде

Қарори раиси шаҳр: кӯчаеро дар Хуҷанд ба номи "генпланист"-и аввалаш мегузоранд

19
(Таҷдидшуда 12:53 06.03.2021)
Ҳукумати шаҳри Хуҷанд қарор баровардааст, ки яке аз кӯчаҳои шаҳрро ба номи муаллифи аввалин Нақшаи генералӣ (Генпллан) - и ин шаҳр гузоранд

ДУШАНБЕ, 6 мар – Sputnik. Яке аз кӯчаҳои шаҳри Хуҷанд ба номи Всеволод Веселовский, муаллифи аввалин Нақшаи генералии шаҳри Хуҷанд гузошта хоҳад шуд.

Дар ин бора Баҳром Юсупов, раиси Иттиҳоди меъморони Тоҷикистон, ба Sputnik Тоҷикистон гуфт хабар дод.

"Қарори раиси шаҳри Хуҷанд ба қарибӣ имзо шудааст. Аммо ҳанӯз дақиқ нашудааст, ки маҳз кадом кӯчаро ба номи ин кас номгузорӣ мекунанд", - гуфт Баҳром Юсупов.

Всеволод Веселовский соли 1914 дар шаҳри Кронштадти Русияи подшоҳӣ таваллуд шуда, соли 1937 Институти муҳандисии сохтмонҳои коммуналии шащри Ленинград (имрӯза Санкт – Петербург) – ро бо баҳои аъло хатм намудааст.

Ӯ ҳамон сол ба Тоҷикистони шӯравӣ фиристода шуд ва ба ҳайси меъмор дар идораи Лоиҳаҳои давлатии Тоҷикистон (“Тоҷикгоспроект”) ба кор даромад.

Мавсуф дар таҳияи аввалин нақшаҳои кулли шаҳраку деҳот дар собиқ вилояти Кӯлоб ва нақшасозии шаҳрҳои Кӯлобу Қурғонтеппа (ҳоло Бохтар), Норак ва Турсунзода ширкат кардааст.

Аввалин нақшаи кулли шаҳри бостонии Хуҷанд, ки тайи солҳои 1937 – 1939 таҳия шуд, яке аз корҳои мондагори зиндагии Всеволод Веселовский ба шумор меояд. Дар пайи ин нақшаи кулл шаҳри Хуҷанд тайи 60 сол бо ширкати мустақими ӯ навсозиву бозсозӣ шудааст.

Соли 1963 нақшаи кулли шаҳри Хуҷанд барои то соли 2005 низ бо роҳбарии ӯ таҳия гардидааст.

Яке аз нақши дастони Всеволод Веселовский дар шаҳри Душанбе тарҳи маҷмааи биноҳои Донишгоҳи миллии Тоҷикистон дар Буни Ҳисорак, маъруф ба "Ҷазира" аст, ки солҳои 1970 таҳия шудааст.

Маҳз бо ибтикори ӯ дар Донишгоҳи политехникии Тоҷикистон факултаи меъморӣ таъсис ёфт, ки аввалин меъморон онро соли 1967 хатм карданд.

Ин меъмори моҳир раиси Иттиҳоди меъморони Тоҷикистон (1962-1979), муовини Кумитаи давлатии сохтмони Тоҷикистон, сармеъмори шаҳри Норак ва замоне ҳам котиби Раёсати Иттиҳоди меъморони Иттиҳоди Шӯравӣ буд.

19
Барчаспҳо:
кӯча, номгузорӣ, Хуҷанд