20% боло рафтани мизони ҷинояткорӣ дар Тоҷикистон дар моҳи январ

Обуна шудан
Оҷонсии омори кишвар ҳисоботи моҳонаи содиршавии ҷиноятро барои моҳи январ нашр кард ва бар тибқи он теъдоди аъмоли ҷиноӣ боло рафтааст.

ДУШАНБЕ, 18 фев — Sputnik. Шумори ҷиноёти ба қайд гирифташуда дар моҳи январ дар Тоҷикистон ҳудуди 20,5% зиёд шудааст, иттилоъ медиҳад ОИ Авеста бо такя ба Оҷонсии омор.

Беш аз 2,2 ҳазор ҷиноят дар саросари кишвар дар моҳи январ ба мушоҳида расидааст. Ин нишондиҳанда дар вилояти Суғд — 31,5%, вилояти Хатлон- 21,5%, шаҳри Душанбе- 21,9%, НТМ- 20,2 ва ВМКБ- 10%-ро ташкил медиҳад.

Дар давраи сипаригардида дар ҷумҳурӣ 510 ҷинояти вазнин ба қайд гирифта шуда, он дар қиёс ба ҳамин давраи соли 2014 ҳудуди 1 дарсад бештар аст.

Ҳамзамон, ришваситонӣ ва фасодкорӣ- 4,3%, куштор ва сӯиқасд ба куштор- 30% бештар гардида, дуздӣ- 1,7 маротиба, аз ҷумла дуздӣ аз манзили зист- 1,8 маротиба зиёд гардидааст.

Дар муқоиса ба моҳи январи соли 2014 теъдоди ҷиноёти марбут ба қочоқи нашъа 18,2 дарсад,  кам шуда, фиребгарӣ- 3,2%, ғоратгарӣ- 9,5 фисад ва авбошӣ- 15,8% кам шудааст.

Сатҳи ошкоркунии ҷиноёт дар моҳи январи соли равон ба 58,2 баробар гардид, ин рақам дар як соли пеш 56,2%-ро ташкил медод.  

Лентаи хабарҳо
0