Боздошт. Акс аз бойгонӣ

Дар Туркия се гумонбар дар қатли Умаралӣ Қувватов боздошт шуданд

20
(Таҷдидшуда 10:24 10.03.2015)
Ба навиштаи расонаҳо, дар миёни се нафари дастгиршуда Сулаймон Қаюмов, ки ба ош заҳр омехта буду дар пайи он хонаводаи Қувватов заҳролуд шуд, боздошт шудааст. Ҳамчунин фарде, ки ба Қувватов тир парронд ва шарикаш боздошт шудаанд. Хабар дода шудааст, ки ин қатл фармоишӣ буд.

ДУШАНБЕ, 10 мар — Sputnik. Се фарди муттаҳам дар қатли раҳбари созмони "Гурӯҳи 24" Умаралӣ Қувватов дар Истамбул, ки дар Тоҷикистон мамнӯъ эълом шудааст, дар Туркия боздошт шудаанд, хабар медиҳад РИА Новости.

Қувватов рӯзи ҷумъаи гузашта дар Истамбул дар пайи паррондани тир ба сараш кушта шуд. То замони қатл вай бо ҳамватанаш ғизои шом хӯрд ва баъд аз он Қувватов ва аҳли хонаводааш худро бад эҳсос карданд. Ин мухолиф аз сӯйи афроди ношинос ҳангоме кушта шуд, ки ба хиёбон баромад то хонуму фарзандонашро ба бемористон бубарад. Хонуми Қувватов Қумриниссо Ҳафизова ва ду фарзандаш ба далели масмумият дар бемористон бистарӣ шуданд.

Дар миёни боздоштшудагон ба навиштаи рӯзномаи Cumhuriyet, ки ба Ҳафизова истинод мекунад, Сулаймон Қаюмов, ки ба ош заҳр омехта карда боиси заҳролудшавии хонаводаи Қувватов гардид, низ будааст. Ҳамчунин фарди ҳамлакунанда ба Қувватов ва шарикаш боздошт шудаанд. Хабар дода шудааст, ки ин қатл фармоишӣ буд.

Қувватов — раҳбари созмони мухолифи "Гурӯҳи 24", ки соли 2012 баъд аз фирораш аз Тоҷикистон таъсис шуда буд, мебошад. Дар кишвари худ Қувватов дар ширкати "Фароз" кор мекард, ки аз сӯйи яке аз пайвандони раиси ҷумҳур таъсис шуда ба воридот ва фурӯши маводи сӯзишворӣ машғул буд. Қувватов изҳор медошт, ки дар пайи таҳдидҳо аз сӯйи раҳбарият кишварро тарк кардааст. Дар соли 2012 вай нахуст ба Маскав рафт ва вақте ки Тоҷикистон истирдоди ӯро тақозо кард, вай ба Дубай омад ва соли 2013 бо дархости мақомоти тоҷик дар он ҷо боздошт шуд. Вале ӯро ба ватан истирдод накарданд ва ӯ ба Туркия кӯч баст ва дар моҳи ноябри соли 2014 дар он ҷо ҳамроҳи се нафар ҳамтояш барои нақзи муқаррароти будубош боздошт ва баъд аз як ҳафта озод шуданд.

Қувватов ва ҳамтоёнаш мукарраран ба далели фасодкорӣ ва маҳаллгароӣ аз мақомоти Тоҷикистон интиқод мекарданд. Дар авоили моҳи сентябри соли 2014 онҳо сокинони Душанберо ба гирдиҳамоии эътирозӣ дар назди бинои порлумон дар рӯзи истиқлолияти Тоҷикистон даъват карданд, вале ин ҳамоиш баргузор нашуд. Ҷунбиши "Гурӯҳи 24" дар ҳамон моҳ дар Тоҷикистон мамнӯъ ва тундгаро эълом шуд.

20
Барчаспҳо:
дастгиршуда, гумонбарон, боздошти муттаҳамони қатл, "Гурӯҳи 24", Сулаймон Қаюмов, Қумриниссо Ҳафизова, Умаралӣ Қувватов, Дубай, Маскав, Истамбул, Туркия, Тоҷикистон
Мавзуҳо:
Куштори Умаралӣ Қувватов дар Туркия (5)
Мавзуъ
Як шаҳрванди Тоҷикистон дар робита ба куштори Қувватов ҳабс шуд
Вокунишҳо аз Душанбе: қатли Қувватов тарҳрезишуда буд
ВАО: ҳамсари Қувватов мегӯяд, шавҳараш раҳо шудааст
Қувватов дар гаравгонгирӣ гумонбар мешавад
Ҳамсари Қувватов аз СММ кӯмак мехоҳад
Ҳамсари Қувватов аз Эрдуғон хост, шавҳарашро ба Тоҷикистон надиҳад
Боздошти Умаралӣ Қувватов дар Истамбул
Арест, архивное фото

Миёнарави фиребгар: боркаши "Рено"-ро фурӯхт ва 160 ҳазор сомониро ба соҳибаш надод

126
(Таҷдидшуда 15:09 02.07.2020)
Вазорати корҳои дохилии Тоҷикистон аз боздошти марди 38-солаи шаҳри Хуҷанд ба гумони қаллобӣ хабар медиҳад

ДУШАНБЕ, 2 июл — Sputnik. Вазорати корҳои дохилии Тоҷикистон мегӯяд, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Ёваи шаҳри Хуҷанд ҳамчун гумонбар дар содир намудани кирдори қаллобӣ дастгир карда шуд.

Гуфта мешавад, ки ӯ рӯзи 6-уми сентиябри соли 2019, бо роҳи фиреб ба боварии марди 33-солаи сокини ҷамоати деҳоти Сомониёни ноҳияи Ҷаббор Расулов даромада, аз ӯ 1-адад автомашинаи боркашии тамғаи “Рено”-ро ба маблағи 160 ҳазор сомонӣ барои фурӯш гирифтааст.

Ожонси зидди фасод раиси хоҷагии деҳқониеро барои заминфурӯшӣ боздошт кард

ВКД дар идома ин қазия мегӯяд, марди қаллоб маблағҳои бадастовардаашро ба манфитаи шахсиаш сарф намудааст.

Манбаъ афзуда, кинНисбати гумонбаршаванда парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

126
Барчаспҳо:
ВКД, қаллоб, боздошт, Тоҷикистон
Руки в наручниках, архивное фото

Боздошти марде, ки духтари ҷавонро таҳқир кард - акс

688
(Таҷдидшуда 16:32 14.06.2020)
Раёсати Вазорати корҳои дохилии шаҳри Душанбе аз боздошти марди бадрафтор ва ҳақорачтӣ хабар додааст, ки чанд рӯз боз навори бадгӯияш дар интернет паҳн шудааст

ДУШАНБЕ, 14 июн – Sputnik. Вазорати корҳои дохилӣ мегӯяд, ин мард дар паи шикояти духтари ҷавоне боздошт шудааст.

Бино ба гузориши манбаъ, ҷавонзани сокини ноҳияи Синои пойтахт бо ирсоли навори дағалгуфтории марди тақрибан 45-50 сола аз Раёсати ВКД дар шаҳри Душанбе хоҳиш намудааст, ки нисбати номбурда чораҳои дахлдори қонунӣ андешида шавад. Навори мазкур дар сомонаҳои иҷтимоӣ мавриди вокуниши шадиди шаҳрвандон қарор гирифтааст.

Пеши роҳашро гирифту ишораи таҳқиромез кард: шикояти духтари ҷавон ва муҷозоти ронанда

Муроҷиати мазкур таҳти баррасии фаврии милитсияи пойтахт қарор гирифта, шахсият ва сабаби сар задани ҳодисаи мазкур муайяну ошкор карда шуд.

"Зимни баргузории як қатор чорабиниҳои оперативӣ-санҷишӣ муайян карда шуд, ки ин нафар шаҳрванд Шарипов Абдуғаффор Абдумаҷидович соли таваллудаш 16.10.1975. сокини шаҳри Душанбе кӯчаи Клара Сеткина бинои 12 мебошад", - омадааст дар хабарнома.

Тибқи иттилои РВКД, дар натиҷаи пурсиши гумонбар ва ҷабрдида муайян карда шуд, ки ҷавонзани муроҷиаткунанда зимни партофтани партов воқеъ дар кӯчаи К. Сеткина, партови худро дар ҷойи муқарарнагардида гузоштааст, ки боиси эрод ва дашному ҳақорати ин мард гардидааст.

Шарипов Абдуғаффор Абдумаҷидович
Шарипов Абдуғаффор Абдумаҷидович

 

Ҳамзамон маълум карда шуд, ки марди дастгиршуда, дар ҳолати мастӣ қарор дошта, масъул ва назораткунандаи партовгоҳи кӯчаи мазкур будааст.

Манбаъ афзуда, ки феълан нисбати номбурда барои содир намудани кирдорҳои майдаавбошона протоколи ҳуқуқвайронкунии маъмурӣ бо моддаи 460 Кодекси ҳуқуқвайронкунии маъмурии Ҷумҳурии Тоҷикистон оғоз карда шуда, барои баррасӣ ба Суди ноҳияи Синои шаҳри Душанбе ирсол карда шудааст.

688
Барчаспҳо:
таҳқиромез, таҳқир, боздошт, Душанбе
Кадры разрушенных домов после землетрясения в Раштском районе

Заминҷунбӣ дар Тоҷикобод 100 манзилро хароб кард: хиросор ҳисоб шуду кумак баррасӣ мешавад

0
Хисороти заминҷунбӣ дар Тоҷикобод муайян шуда, феълан масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад

ДУШАНБЕ, 10 июл — Sputnik. Гурӯҳи кории байниидоравӣ хисороти заминҷунбӣ дар деҳоти ноҳияи Тоҷикободро муайян намуд. Дар ин хусус АМИТ "Ховар" бо такя ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттилоъ медиҳад. 

"Ба асари заминҷунбӣ 26 манзили истиқоматӣ қисман зарар дидаанд, 85 хонаи истиқоматӣ ва биноҳои ёрирасони воқеъ дар деҳаҳои Ганишоб, Сафедоб, Дараи Назараки ҷамоати деҳоти Қалъаи Лаби об, Себистон, Ширинчашма, Сари Най ва Полезаки ҷамоати деҳоти Ширинчашма, Нушори ҷамоати деҳоти Нушор, Зарафшон ва Шаҳристони ҷамоати деҳоти ба номи М. Шогадоев каму беш осеб дидаанд", — омадааст дар хабарнома.

Гуфта мешавад, санҷиш нишон дод, ки хонаҳои аз заминҷунбӣ зарардида дар солҳои 70-80-уми асри гузашта бидуни риояи қойидаҳо ва меъёрҳои сохтмонӣ бо истифода аз масолеҳи сохтмонии маҳаллӣ бунёд шудаанд. Заминҷунбӣ талафоти ҷонӣ ба бор наовардааст.

Айни замон масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад.

Барои муайян кардани хисороти заминларза гурӯҳи корӣ ба Тоҷикобод рафт

Хотирнишон менамоем, ки 4 июл дар Ҷумҳурии Тоҷикистон заминдарза ба кайд гирифта шуд. Маркази заминларза 201 километр дуртар аз самти шимолу шарқии Душанбе, дар ҳудуди ноҳияи Тоҷикобод воқеъ буд. Қувваи заминларза дар марказ 5 ва дар шаҳри Душанбе 3 балро ташкил дод.

Заминҷунбӣ дар Тоҷикобод: чанд манзили сокинон хароб шуд

0
Барчаспҳо:
ҳисоб, хисорот, заминҷунбӣ, Тоҷикобод
Мавзуҳо:
Заминларза дар Тоҷикистон