Арест. Архивное фото

Дар робита ба қатли Қувватов “чанд нафари дигар” боздошт шудааст

22
(Таҷдидшуда 10:59 12.03.2015)
Дар чаҳорчӯби бозҷӯии парвандаи куштори Умаралӣ Қувватов, раҳбари “Гурӯҳи 24”, пулиси Туркия чанд нафари дигарро низ дастгир кардааст. Исми ин афрод ҳанӯз эълон нашудааст.

ДУШАНБЕ, 12 мар — Sputnik. Пулиси Туркия, ки ба думболи куштори Умаралӣ Қувватов ҳудуди се нафарро ҳамчун гумонбарони таҳия ва татбиқи куштор боздошт карда буд, акнун чанд тани дигарро бо гумони ҳамдастӣ бо ин гурӯҳ боздошт кардааст, навиштааст "Радиои Озодӣ".

Бино бар иттилои ин расона, хабари боздоштҳои тоза аз манбаъҳое дастрас шудаанд, ки дар қазияи куштор ҳамчун шоҳид бозпурсӣ ва бо гумонбарҳо рӯ ба рӯ гардидаанд. Вале пулиси Туркия то кунун ягон боздоштро дар чорчӯби тафтиши парвандаи сӯиқасд ба ҷони Қувватов тасдиқ ё рад накардааст.

Сӯҳроб Тӯраев, ки яке аз шоҳидон унвон мешавад, рӯзи 11 март дар сӯҳбати телефонӣ аз Истамбул ба радио гуфтааст, пулис ифшои шумори дақиқи боздоштшудаҳоро ба онҳо манъ кардааст, вале "сухан дар бораи теъдоди хеле бештар аз он 3 нафари эълоншуда меравад."

Тӯраев афзудааст, вай ва нафарони дигар, ки дар шаби сӯиқасд ба ҷони раҳбари "Гуруҳи 24" дар саҳнаи куштор буданд, 3 рӯз боз барои кӯмак ба ҷараёни тафтиш ба воҳиди зиддитеррори пулиси Истамбул даъват мешаванд ва дар чандин амалиёти рӯбарӯкунӣ бо афроди боздоштшуда ширкат кардаанд.

"Ман шуморашонро дақиқ гуфта наметавонам, вале хеле бештар аз он 3 нафари эълоншудаанд. Моро бо онҳо рӯбарӯ карданд. Бархеашро мешиносем, бархеашро таҳқиқ карда истодаем, ки бо кӣ робита доштанду бо чӣ роҳе ба қатли Ҳоҷӣ (Умаралӣ) ҷалб шудаанд", — гуфтааст Тӯраев.

Ба гуфтаи ин шоҳид ва якеи дигар аз афроди огоҳ аз ҷараёни тафтиши парвандаи қатли Умаралӣ Қувватов, яке аз боздоштшудаҳо ҳамон Сулаймон Қаюмов, нафарест, ки Қувватов шаби 5 март ҳангоми берун рафтан аз манзили иҷораи вай ҳадафи ҳамлаи мусаллаҳона қарор гирифт. Бино ба иддаои наздикони Қувватов, Сулаймон Қаюмов дар ҷараёни тафтишот аллакай нақши худро дар ин сӯиқасд эътироф кардааст.

"Сулаймон ҳам хеле чизҳоро ба тафтишот гуфт, дигар нафарони боздоштшуда ҳам. Фикр мекунам, пулиси Туркия, ки дар ҳақиқат хеле кордон будааст, метавонад то 2 ё 3 рӯзи дигар ин ҷиноятро пурра ошкор ва исми ҳамаи нафарони дар он дастдоштаро маълум кунад", — илова кардааст Тӯраев.

Матбуоти Туркия рӯзи 9 март бо такя ба манобеи худ дар воҳиди вижаи зиддитеррори пулиси Истамбул аз боздошти 3 нафар, аз ҷумла як нафар бо номи Сулаймон дар робита ба қатли Умаралӣ Қувватов хабар дод. Бино ба ин гузоришҳо, ҳарсе боздоштшуда шаҳрвандони Тоҷикистон буда, яке (Сулаймон) нақши ба фиреб ба дом овардани Қувватов, дувумӣ нақши назоратчиро иҷро кардаанд ва сеюмӣ бевосита Қувватовро бо тири туфангча ба қатл расондааст.

Матбуоти Туркия мегӯяд, писари 11-солаи Умаралӣ Қувватов шаби 5 март чеҳраи нафареро, ки ба тарафи падараш тир андохта буд, дидааст ва пулиси Туркия бар асоси шаҳодатҳои ӯ фотороботи қотилро сохтааст. Бархе расонаҳои туркӣ навиштанд, ки ин афрод дар ивази пул даст ба қатли раҳбари "Гурӯҳи 24" задаанд.

Сулаймон Қаюмов, сокини 30-солаи ноҳияи Восеъ аз рӯзи аввали қатли Умаралӣ Қувватов аз тарафи наздикони ӯ мавриди шубҳа қарор гирифт, чунки Қувватов шаби 5 март маҳз ҳангоми берун рафтан аз манзили ӯ кушта шуд. Ба гуфтаи наздикони раҳбари "Гурӯҳи 24", Сулаймон он шаб Қувватов ва зану фарзандони вайро гӯё барои ёдбуди марги падараш ба манзили худ даъват карда буд.

Вале тавре баъдан Қумринисо Ҳафизова, ҳамсари Қувватов ба расонаҳо нақл кард, онҳо ҳанӯз ҳангоми тановули хӯроки шом дар манзили Қаюмов эҳсос кардаанд, ки тамоми ғизоҳои ин зиёдфат, бо шумул ҳатто шарбатҳо таъми фавқулодда талхе доранд ва онҳо зоҳиран заҳролуд шудаанд. Қувватов баъди дарки ин ҳамроҳи муҳофиз ва зану фарзандонаш аз манзил берун рафт, вале дар кӯча ба сӯяш тир андохтанд.

22
Барчаспҳо:
мухолиф, заҳр, силоҳ, гумонбар, қатл, боздошт, "Гуруҳи 24", Сӯҳроб Тӯраев, Умаралӣ Қувватов, Туркия, Тоҷикистон
Мавзуҳо:
Куштори Умаралӣ Қувватов дар Туркия (5)
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2216
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2216
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

0
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

0