Боздоштгоҳ. Акс аз бойгонӣ

Як узви боздоштшудаи “Гуруҳи 24” дар Финландия раҳо шуд

16
(Таҷдидшуда 14:43 24.03.2015)
Сулаймон Давлатов, як шаҳрванди 31-солаи Тоҷикистон, ки ба иттиҳоми узвият дар “Гуруҳи 24” аз сӯи Интерпол боздошт шуда буд, озод гардидааст. Ин хабарро ҷонибдорони гуруҳ тасдиқ кардаанд.

ДУШАНБЕ, 24 мар — Sputnik. Сулаймон Давлатов, як шаҳрванди Тоҷикистон, ки моҳи феврали соли ҷорӣ бо иттиҳоми узвият дар "Гуруҳи 24" дар Финландия боздошт шуда буд, раҳо гардидааст, бо такя ба тарафдорони "Гуруҳи 24" менависад Радиои Озодӣ.

Давлатов аз сӯи Интерпол бо дархости Душанбе боздошт шуда буд. Вай ба ҷуз аз узвият дар "Гуруҳи 24", ҳамчунин дар ҷалби шаҳрвандон ба ҳаракатҳои мусаллаҳонаи террористию экстремистӣ низ гумонбар дониста мешуд, навиштааст Озодӣ.

Ин шаҳрванд 31 сол дошта, зодаи шаҳри Ваҳдат будааст. Ҳаммаслакони вай мегӯянд, Сулаймон дар пайи таъқиби аъзои ин гурӯҳ аз шаҳри Санкт-Петербурги Русия ба Финландия рафта буд, аммо 20 феврали соли ҷорӣ аз сӯи пулиси байналмилалӣ боздошт шуд.

Радио бо такя ба қавли ҷонибдорони "Гуруҳи 24" хабар медиҳад, ки дар дархости ҷониби Тоҷикистон ба Интерпол таъкид шудааст, Сулаймон Давлатов гӯиё барои ҷалби ҷавонон барои иштирок дар ҷангҳои Сурия даст дорад. Иттилое, ки ба қавли тарафдорони "Гуруҳи 24" тасдиқи худро наёфтааст.

То кунун мақомоти Тоҷикистон дар бораи боздошт ва раҳоии Сулаймон Давлатов ҳарфе нагуфта ва шарҳ надодаанд, ки раҳоии ин узви "Гурӯҳи 24" далели чист, навиштааст Озодӣ.

Додгоҳҳои Тоҷикистон дар як ду моҳи охир се узви ин гурӯҳро аз 16.5 то 17.5 соли зиндон маҳкум карданд. Додгоҳи ноҳияи Исмоили Сомонии шаҳри Душанбе рӯзи 13 март Фирдавс Муҳиддинов ва Фарҳод Каримов ва як ҳафта пештар аз он Умедҷон Салиҳовро ба иттиҳоми узвият дар созмони мамнӯи "Гуруҳи 24" ва ҳифзи як акси таҳқиркунандаи раисиҷумҳури Тоҷикистон дар компютер аз озодӣ маҳрум кард.

"Гуруҳи 24", ки раҳбарияшро Умаралӣ Қувватов соҳибкори фирорӣ бар ӯҳда дошт ва шаби 5 ба 6 март дар Истамбул кушта шуд, дар моҳҳои август ва сентябри соли 2014 дар чандин шаҳри Русия, аз ҷумла дар Новосибирск, Екатеринбург, Самара, Саратов ва Маскав силсилаи гирдиҳамоиҳои муҳоҷирони тоҷикро бо талаби истеъфои ҳукумати кунунии Тоҷикистон баргузор карда буд.

"Гуруҳи 24" рӯзи 10 октябри соли 2014 дар маркази Душанбе низ як гирдиҳамоӣ алайҳи сиёсати ҳукумати Тоҷикистонро даъват кард. Аммо мақомоти Тоҷикистон аз чанд рӯзи пеш тадобири амниятиро дар атрофи пойтахт афзоиш дода, худи "Гуруҳи 24"-ро бо қарори Додгоҳи олӣ экстремистӣ ва мамнӯъ эълон карданд. Дар натиҷа, рӯзи 10 октябр дар соате ки "Гуруҳи 24" даъват карда буд, касе ба гирдиҳамоӣ дар майдони марказии Душанбе ҳозир нашуд.

16
Барчаспҳо:
ҷустуҷӯ, аъзо, гумонбар, экстремистӣ, террористӣ, раҳоӣ, боздошт, "Гуруҳи 24", Интерпол, Сулаймон Давлатов, Финландия
Мавзуъ
Дар робита ба қатли Қувватов “чанд нафари дигар” боздошт шудааст
Дар Туркия се гумонбар дар қатли Умаралӣ Қувватов боздошт шуданд
Як шаҳрванди Тоҷикистон дар робита ба куштори Қувватов ҳабс шуд
Вокунишҳо аз Душанбе: қатли Қувватов тарҳрезишуда буд
Подсудимая, архивное фото

Лату кӯб ва ғорати зани 42-сола аз ҷониби ду бону дар хонаи модараш

454
(Таҷдидшуда 15:26 26.09.2020)
Вазорати умури дохилии Тоҷикистон аз лату кӯб ва ғорат шудани зани 42-сола, сокини шаҳри Душанбе хабар медиҳад

ДУШАНБЕ, 26 сен - Sputnik. Тибқи иттилои Вазорати умури дохила, ин занро ду бону лату кӯб кардаву сипас ғорат намудаанд.

Ба иттилои манбаъ, ҳодисаи мазкур санаи 24 сентябр рух додааст.

Ба ШВКД дар шаҳри Ваҳдат бо ариза зани 42-солаи сокини шаҳри Душанбе муроҷиат намуда шикоят кардааст, ки санаи 24-уми сентябри соли 2020, тахминан соати 13:30-дақиқа ӯро дар хонаи модараш, воқеъ дар ҷамоати деҳоти Чуянгарони шаҳри мазкур ду нафар зан лату кӯб намуда бо роҳи зӯроварӣ аз дасташ телефони мобилашро, тасарруф намуда, аз ҷойи ҳодиса ғайб задааст.

"Зарари расонидашуда 810-сомониро ташкил медиҳад", - омадааст дар хабарнома.

Дар ин росто, Вазорат хабар медиҳад, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия занони 38 ва 43-солаи сокинони шаҳри Ваҳдат бо гумони содир намудани ҷинояти ғоратгарӣ дастгир карда шудаанд.

454
Барчаспҳо:
лату кӯб, ғорат, Душанбе, Ваҳдат
Певица Наргиз Закирова

Наргиз дар бораи Ефремов: ӯ бояд паси панҷара равад

628
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

628
Барчаспҳо:
ҳукм, Русия
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

0
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

0
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт