Додгоҳ. Акс аз бойгонӣ

Аввалин мурофиаи Бурҳон Абдуллоев дар додгоҳи вилояти Хатлон

14
(Таҷдидшуда 16:12 07.04.2015)
Додгоҳи Хатлон ба баррасии даъвои Раҳматулло Саъдуллоев, яке аз додарарӯсони раисҷумҳур алайҳи Бурҳон Абдуллоев, яке аз моликони бозори “Ином”-и Шаҳритус мепардозад. Саъдуллоев дар паст задани шаъну шараф ва эътибори кории Саъдуллоев муттаҳам мешавад.

ДУШАНБЕ, 7 апр — Sputnik. Нахустин мурофиаи додгоҳии Бурҳон Абдуллоев, яке аз моликони бозори "Ином" фардо, 8 апрел дар Додгоҳи вилояти Хатлон оғоз мегардад, навиштааст оҷонсии "Озодагон".

Бузургмеҳр Ёров, вакили дифои хонаводаи Абдуллоевҳо дар ин бора ба оҷонсӣ иттилоъ дода, афзуд, мурофиаи додгоҳӣ аз рӯи шикояти Раҳматулло Саъдуллоев, яке аз додарарӯсони раисиҷумҳури Тоҷикистон баргузор хоҳад шуд.

Қаблан, Додгоҳи ноҳияи Шаҳритус парвандаи Абдуллоевро аз рӯи шикояти Саъдуллоев ба Додгоҳи вилояти Хатлон ирсол намуд. Вакили Абдуллоев, он замон ба расонаҳо гуфта буд, зерҳимояаш аз додгоҳи Шаҳритус дархост кард, мурофиаҳои ӯ дар додгоҳи вилоятӣ гузаронида шавад, зеро ба додгоҳи Шаҳритус боварӣ надорад.

"Зерҳимояам гуфт, ба суди Шаҳритус фишор меоранд, ба адолати судии ин ноҳия боварӣ надорад", — афзуда буд Ёров.

Додгоҳи Шаҳритус ин дархости Абдуллоевро қабул намуда, парвандаи ӯро ба додгоҳи Хатлон фиристодааст. Бузургмеҳр Ёров, вакили дифои хонаводаи Абдуллоевҳо қаблан гуфта буд, Раҳматулло Саъдуллоев, ки раҳбарии ширкати Исмоили Сомонии шаҳри Сарбандро ба уҳда дорад, зерҳимояаш — Бурҳон Абдуллоевро дар паст задани шаъну шараф ва эътибори корӣ муттаҳам карда, ҷуброни зарари маънавӣ талаб дорад.

"Саъдуллоев аз додгоҳ талаб кардааст, ки аз Абдуллоевҳо 100 ҳазор сомонӣ ҷуброни зарари маънавӣ рӯёнда шавад", — мегӯяд Ёров.

Ин дар ҳолест, ки қаблан Муҳибулло Саъдуллоев, яке аз бародарон Саъдуллоевҳо бо Бурҳон Абдуллоев барои бозори "Ином"-и Шаҳритус кашмакаши додгоҳӣ доштанд, ки бо боздошти Бурҳон Абдуллоев анҷом ёфт. Ба иттилои мақомот, феълан алайҳи Ҳошимҷон Ризвонов ва Бурҳон Абдуллоев бо моддаи 32 қисми 3 — тайёрӣ ба ҷиноят ва моддаи 255 қисми 2 — қасдан несту нобуд ё вайрон кардани молу мулк парвандаи ҷиноӣ оғоз гардидааст.

Хонаводаи Абдуллоев бо Муҳибулло Саъдуллоев яке аз дигар додарарӯсони президент ҳам сари тақсимоти бозори "Ином" баҳси додгоҳӣ доранд. Моҳи майи соли равон Додгоҳи олии иқтисодӣ қарор кард, бозор байни тарафҳо 50 ба 50 тақсим шавад. Абдуллоевҳо аз ин қарор ба Додгоҳи олии Тоҷикистон шикоят бурда, ахиран эълон карданд, дар сурати расидагӣ нашудан ба шикояти онҳо ба барномаи телевизиони "Пуст говорят"-и Шабакаи аввали телевизиони Русия муроҷиат хоҳанд кард.

14
Барчаспҳо:
100 ҳазор сомонӣ, эътибори корӣ, шаъну шараф, ҷарима, баҳс, даъво, баррасӣ, Додгоҳи Хатлон, бозори Ином, Раҳматулло Саъдуллоев, Бузургмеҳр Ёров, Муҳибулло Саъдуллоев, Бурҳон Абдуллоев, Шаҳритус, Хатлон
Певица Наргиз Закирова

Наргиз дар бораи Ефремов: ӯ бояд паси панҷара равад

627
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

627
Барчаспҳо:
ҳукм, Русия
Сомони и доллары, архивное фото

Мардумфиребӣ: 96 ҳазор сомонӣ гирифту, хоҷагии "Маҳмуд" - ро ҳуҷҷатгузорӣ накард

424
(Таҷдидшуда 18:17 01.09.2020)
Вазорати умури дохилаи Тоҷикистон аз ду ҳолати қаллобӣ яке дар шаҳри Душанбе ва дигаре дар Ваҳдат, хабар медиҳад

ДУШАНБЕ, 1 сен - Sputnik. Тибқи иттилои Вазорати умури дохилӣ, ба ШВКД-1 дар ноҳияи Сино бо ариза марди 36-солаи сокини пойтахт муроҷиат намудааст.

Ӯ шикоят кардааст, ки рӯзи 6-уми августи соли 2020, ҳангоми дар кӯчаи Абдуллобекови ҳамин ноҳия қарор доштанаш, марди 40-солаи сокини ҷамоати деҳоти Хераварзи ноҳияи Ҷ. Балхӣ бо роҳи фиреб ба бовариаш даромада, аз ӯ 30-тонна ордро ҷамъ ба маблағи 55 ҳазору 503 доллари амрикоӣ барои фурӯхтан гирифта, маблағашро ба манфати шахсиаш сарф намудааст. 

Мардумфиреб ба даст афтод: 10 000 гирифту дар озод шудани боздоштшудаҳо мусоидат накард

Инчунин ба ШВКД дар шаҳри Ваҳдат бо ариза марди 66-солаи сокини шаҳри Душанбе, муроҷиат намудааст.

Ин мард гуфтааст, ки соли 2016, ду ҷавони 26-солаи сокинони ҷамоати деҳоти Гулистони шаҳри Ваҳдат бо роҳи фиреб ба бовариаш даромада, аз ӯ 96 ҳазор сомонӣ гирифта, ваъда додаанд, ки хоҷагии деҳқонии фермерии ба номи “Маҳмуд” бо бинои ёрирасон, дар ҷамоати деҳоти Гулистонро ба номаш ҳуҷҷатгузорӣ карда медиҳанд.

Аммо маблағи гирифтаашонро ба манфиати шахсиашон сарф намудаанд.

Вазорати умури дохилаи Тоҷикистон мегӯяд, аз рӯи ин ҳодисаҳо тафтишот идома дорад.

424
Барчаспҳо:
Тоҷикистон, ВКД, қаллобӣ
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон