Акси Ҷалолиддин Маҳмудов дар сомонаи расмии ҲНИТ

Ҳабси пешакии Ҷалолиддин Маҳмудов тамдид шуд

50
Аъзои боздоштшудаи ҲНИТ то 2 моҳи дигар дар ҳабси пешакӣ нигаҳ дошта мешавад. Тафтишот гуфтааст, аз раиси ҲНИТ дар бораи Маҳмудов бояд тавсифнома дастрас кунад.

ДУШАНБЕ, 8 апр — Sputnik. Муҳлати ҳабси пешакии Ҷалолиддин Маҳмудов, аъзои боздоштшудаи ҲНИТ бо сабаби камбуди маълумот барои ду моҳи дигар тамдид шуд, менависад оҷонсии TojNews.

Бино ба иттилои Зарафо Раҳмонӣ, яке аз вакилони дифоъи Маҳмудов, 7-уми апрел бо қарори Суди ноҳияи Исмоили Сомонии шаҳри Душанбе муҳлати боздошти вай тамдид шуд.

Зарафо Раҳмонӣ мегӯяд, бино ба сабаби он, ки дар рафти тафтишоти пешакӣ баъзе маъмулотҳоро дастрас накардаанд, замони ҳабси пешакиро дароз карданд.

Ба гуфтаи ин вакили дифоъ, аз ҷумла набудани маълумотҳо дар бораи фаъолияти Маҳмудов дар Комиссияи оташбас, инчунин маълумотнома аз Муҳиддин Кабирӣ, раиси ҲНИТ боис шуд, ки Маҳмудовро боз барои ду моҳ дар ҳабси пешакӣ нигоҳ доранд. Муҳиддин Кабирӣ бино ба сабабе, ки дар хориҷ қарор дорад, тавсифнома пешниҳод накардааст.

11-уми феврали соли равон Ҷалолиддин Маҳмудов, узви Шӯрои сиёсии ҲНИТ ва намояндаи ин ҳизб дар КМИР аз ҷониби мақомоти амниятии Тоҷикистон бо иттиҳоми нигоҳ доштани ғайриқонунии аслиҳа боздошт шуда буд.

50
Барчаспҳо:
2 моҳ, силоҳ, тафтишот, муттаҳам, ҳабс, боздошт, муҳлат, тамдид, суди Исмоили Сомонӣ, ҲНИТ, Ҷалолиддин Маҳмудов, Зарафо Раҳмонӣ, Душанбе
Мавзуъ
Вакилон: Ҷамолиддин Маҳмудов то анҷоми тафтишот дар озодӣ бошад
Ёров: "Ҷалолиддин Маҳмудов айбро қисман ба дӯш гирифт”
Кабирӣ: аслиҳа воқеъан ба узви ҲНИТ Маҳмудов таъаллуқ дорад
Мужчина с ножом в руках, архивное фото

Кордкашии ноболиғ дар хобгоҳи "Текстил": марди 34 -соларо дашном доду корд зад

261
(Таҷдидшуда 12:42 22.01.2021)
Вазорати умури дохилии Тоҷикистон аз боздошти ноболиғе хабар медиҳад, ки дар авбошӣ муттаҳам мешавад

ДУШАНБЕ, 22 янв — Sputnik. Бино ба гузориши дафтари матбуотии ин ниҳод, дар бораи ҳодисаи мазкур ба ШВКД-1 дар ноҳияи Шоҳмансур бо ариза марди 34-солаи сокини ҷамоати деҳоти Рӯдакии ноҳияи Восеъ муроҷиат намудааст.

Ин мард шикоят кардааст, ки 20-уми январи соли 2021, тахминан соати 23:40, дар дохили хобгоҳи "Текстил", воқеъ дар кӯчаи Айнии пойтахт, ноболиғи 17-солаи сокини шаҳри Душанбе аз ҳиссиёти авбошӣ бо ӯ ҷангу ҷанҷол кардааст.

Мусодираи силоҳи оташфишон аз сокини Турсунзода: "барои ҳимояи оилаам харидам"- навор

Тибқи иттилои манбаъ, ноболиғ ӯро дашномҳои қабеҳ гуфта, бо корд 1-маротиба ба китфи росташ задааст.

"Дар натиҷа, ҷабрдида ҷароҳати ҷисмонӣ бардошта, дар беморхона бистарӣ гардидааст", - омадааст дар хабарнома. 

Манбаъ афзуда, ки феълан гумонбаршаванда дар боздоштгоҳ қарор дошта, оид ба ин ҳодиса тафтишот идома дорад.

261
Барчаспҳо:
боздошт, ноболиғ, кордкашӣ, Душанбе, дашном, дашном
Арест, архивное фото

Кордкашӣ дар бозори Исфара: ҷавони 27 -сола падару писарро захмӣ кард

321
(Таҷдидшуда 19:29 17.01.2021)
Вазорати корҳои дохилӣ аз боздошти сокини 27 - солаи шаҳри Исфара хабар медиҳад, ки дар ҷинояти авбошӣ гумонбар мешавад

ДУШАНБЕ, 17 янв — Sputnik. Вазорати корҳои дохилии Тоҷикисон дар паибаргузории чорабиниҳои оперативӣ-ҷустуҷӯӣ аз боздошти марди 27-солаи сокини шаҳри Исфара, хабар медиҳад.

Бино ба гузориши ин ниҳод, ин мард, ки соли 2012 бо моддаи 104 ва 252 Кодекси ҷиноятии Ҷумҳурии Тоҷикистон суд шудааст, бо гумони содир намудани ҷинояти авбошӣ дастгир карда шуд.

"Номбурда, санаи 14-уми январи соли 2021, тахминан соати 14:00, дар бозори марказии шаҳри Исфара аз сабаби муноқишаи ба миён омада бо ҷавони 21-солаи сокини шаҳри мазкур ва падараш марди 44-сола, ҷангу ҷанҷол намуда, бо корд 2-маротиба ба дасту пои ҷавони 21-сола ва 1-маротиба ба пои падари ӯ задааст", - омадаатс дар хабарнома.

Дар натиҷа ҳардуи онҳо ҷароҳати ҷисмонӣ бардоштаанд.

Бистарӣ шудани ҷавони 20-сола аз зарби корд дар Душанбе

Манбаъ афзуда, ки аз рӯи ин ҳодиса тафтишот идома дорад.

321
Барчаспҳо:
ВКД ҶТ, Исфара, боздошт
Граждане Таджикистана на рынке труда в городе Худжанде

Тасвиби грант барои таъмини тоҷикистониён бо кор

0
(Таҷдидшуда 21:21 24.01.2021)
Маҷлиси намояндагони Тоҷикистон созишномаи грантӣ бо Бонки Осиёии Рушдро тасвиб кардааст, ки ба татбиқи лоиҳаи “Беҳтарсозии малакаҳои касбӣ ва имкониятҳои бокортаъминшавӣ” равона мешавад

ДУШАНБЕ, 24 янв— Sputnik. Юсуф Маҷидӣ, муовини вазири молияи Тоҷикистон, зимни муаррифии лоиҳа гуфт, ки маблағи умумии лоиҳа 34,65 миллион доллари амрикоӣ мебошад.

“Аз он 30,0 млн. доллар аз ҳисоби гранти Бонки Осиёии Рушд, 1,5 млн. доллар аз ҳисоби гранти Хазинаи Ҷопон оид ба технологияҳои иттилоотӣ ва коммуникатсионӣ ва 3,15 млн. доллар ҳамчун саҳми Ҳукумати Ҷумҳурии Тоҷикистон ба таври озодкунӣ аз андозҳо пешбинӣ гардидааст”, - изҳор дошт Маҷидӣ.

Ноиби вазири молия афзуд, мақсади лоиҳа беҳтарсозии малакаҳои касбӣ ва имконияти бакортаъминшавии ҷавонон, занон ва муҳоҷирони меҳнатӣ дар бозори меҳнати дохилӣ ва беруна мебошад.

“Аз ҷумла сохтмон ва муҷаҳҳазгардонии Маркази омӯзиши соҳаи туризм ва хизматрасонӣ дар шаҳри Душанбе, Маркази омӯзиши соҳаи энергетика дар шаҳри Роғун ва Маркази омӯзиши соҳаи агросаноатӣ дар ноҳияи Данғара, инчунин, се маркази хизматрасонии муҳоҷирон дар ноҳияи Восеъ, шаҳрҳои Бохтар ва Хуҷанд дар назар дошта шудаанд”, - иттилоъ дод Маҷидӣ.

Нашрияи парлумонии “Садои мардум” аз қавли ноиби вазири молия афзуд, дар доираи лоиҳа инчунин идрорпулӣ барои занҳои танҳо, аз оилаҳои камбизоат, хариди ҳашт адад микроавтобус дар марказҳои омӯзишӣ ва  чор воситаи нақлиёти хизматрасонии маъмурӣ дар назар аст.

Ташкили низоми нави иттилоотии бозори меҳнат тавассути таҷҳизоти иттилоотӣ ва коммуникатсионӣ, омӯзиши ҳайати коргарон ва баҳрагирандагони лоиҳа оид ба рушди технологияи иттилоотӣ ва коммуникатсион, ташкили курсҳои касбомӯзӣ ва тақвияти рушди касбии муҳоҷирони меҳнатӣ аз бандҳои дигари лоиҳаи мазкур арзёбӣ шудааст.

0
Барчаспҳо:
грант, Тоҷикистон