Прокуратураи генералии Тоҷикистон. Акс аз бойгонӣ

Алайҳи “иҷозатнома”-и ришу ҳиҷоб парванда боз шуд

178
(Таҷдидшуда 20:14 11.02.2016)
Додситонии кулли Тоҷикистон алайҳи омода ва паҳн кардани иҷозатномаи қалбакӣ аз номи Кумитаи дин, танзими анъана ва ҷашну маросимҳои миллӣ дар бораи доштани ришу ҳиҷоб парванда боз кардааст.

ДУШАНБЕ, 19 май — Sputnik. Додситонии кулли Тоҷикистон алайҳи таҳия ва паҳн кардани иҷозатномаи қалбакӣ дар бораи доштани ришу ҳиҷоб аз номи Кумитаи дин, танзими анъана ва ҷашну маросимҳои миллӣ парванда боз кардааст, менависад "Радиои Озодӣ".

Дафтари матбуоти Додситонии кулл рӯзи 18 май бо тасдиқи хабар ба радио гуфтааст, ҳодиса аз рӯи моддаҳои 189, қисми 1 ва 340 қисми 2, банди "в"-и Кодекси ҷиноии Тоҷикистон пайгирӣ мешавад.

Моҳи апрели соли ҷорӣ дар шабакаҳои иҷтимоӣ, аз ҷумла Фейсбук, ду акс бо номи Бойматов Иномҷон Шаҳобович ва Ахмедова Нигора Рустамовна пайдо шуд ва муаллифонашон гуфтанд, ки гӯё барои ришгузорӣ ва ҳиҷоб пӯшидан иҷозатномаи Кумитаи дин зарур аст ва қимати ин санад баробари 250 сомонист.

Масъулони Додситонии кулли Тоҷикистон мегӯянд, ин аксҳо аз сӯи афроди номаълум бо истифода аз техникаи компютерӣ сохта шуда, "муаллифон"-аш ба барангехтани кинаю адовати динӣ ва паст задани шаъну эътибори миллии Тоҷикистон муттаҳам мешаванд. Парвандаи ҷиноӣ дар робита ба ин иҷозатномаи қалбакӣ рӯзи 18 май боз шудааст ва мақомот гуфтанд, ки таҳқиқ идома дорад.

Дар охирҳои моҳи апрели соли ҷорӣ Кумитаи дин, танзими анъана ва ҷашну маросимҳои миллии Тоҷикистон низ овозаҳо дар бораи "ситондани андоз барои риш ва ҳиҷоб"-ро дурӯғ ва фитна донист. Ин ниҳод бо пахши изҳорот гуфт, ҳаргиз ба чунин иқдом даст назадаанд ва, ба қавли онҳо, "афроде мехоҳанд миёни мардум фазои нобовариро эҷод кунанд".

Ҳатто онҳо бо зикри суроғаи ин ниҳод ва телефонҳои боварӣ аз шаҳрвандони кишвар хоста буданд, агар ба чунин ҳолат дучор оянд, ба Кумитаи оид ба корҳои дин, танзими анъана ва ҷашну маросимҳои миллии назди ҳукумати Тоҷикистон муроҷиат намоянд.

Ин аксҳо ба дунболи иҷборӣ тарошидани риши бархе аз мардон дар навоҳии кишвар ва маъракаи аз ҳиҷоб ба либоси миллӣ гардонани занони тоҷик пайдо шуд. Вале мақомот гуфтанд, ин маъракаҳо бо дастури онҳо роҳандозӣ нашудааст ва Вазорати умури дохилӣ ҳам аз муҷозоти ду маъмури пулис дар вилояти Суғд ва ноҳияҳои тобеи марказ дар робита ба риштарошии иҷбории мардон хабар дод. Икром Умарзода, муовини вазири умури дохилии Тоҷикистон гуфт буд, вазорат ба тарошидани риши сокинон супориш надодааст ва агар касе ҳам ин корро карда худсарона кардааст.

178
Барчаспҳо:
шаъну эътибор, 250 сомонӣ, ҳиҷоб, риш, сохтакорӣ, тақаллуб, дурӯғ, фитна, ҷиноӣ, иҷозатнома, таъсис, парванда, Кумитаи дин, танзими анъана ва расму оини ҶТ, Додситонии кулли Тоҷикистон, Ахмедова Нигора Рустамовна, Бойматов Иномҷон Шаҳобович, Душанбе
Преступник за решеткой

Боздошти сокини ноҳияи Вахш: занеро фиреб додаву 12 ҳазор долларашро гирифтааст

255
(Таҷдидшуда 16:00 05.05.2020)
Вазорати умури дохилаи Тоҷикистон аз боздошти марде хабар медиҳад, ки дар кирдори қаллобӣ муттаҳам мешавад

ДУШАНБЕ, 5 май — Sputnik. Тибқи иттилои Вазорати корҳои дохилӣ, марди гунаҳкор дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия боздошт шудааст.

Ҳамин тавр, марди 41-солаи сокини ҷамоати деҳоти Ваҳдати ноҳияи Вахш ҳамчун гумонбар дар содир намудани кирдори қаллобӣ дастгир карда шуд. 

Номбурда, моҳи декабри соли 2015, бо роҳи фиреб ба боварии зани 49-солаи сокини ҷамоати деҳоти Россияи ноҳияи Рӯдакӣ даромада, аз ӯ 12 ҳазор доллари амрикоӣ гирифта, то ҳол маблағашро барнагардонидааст.

Манбаъ афзуда, ки нисбати гумонбаршаванда парвандаи ҷиноятӣ бо моддаи 247 қисми 4 оғоз карда шуда, тафтишот идома дорад.

255
Барчаспҳо:
боздошт, қаллобӣ, Тоҷикистон

Истеъмол накунед: олимон доруе, ки коронавирусро бештар афзоиш медиҳад муайян карданд

4974
Бархе озмоишҳо нишон додааст, ки яке аз шарбатҳои зидди сурфа ба зиёдшавии коронавирус дар бадан кумак мекунад

ДУШАНБЕ, 3 мая — Sputnik. Ба нақл аз пойгоҳи хабарии шабакаи Ал-Олам, дар озмоишҳое, ки донишмандон барои баррасии таъсири анвои намуди доруҳо бар коронавирус анҷом додаанд мушаххас шуд, ки шарбати "Декстрометорфан", ки барои дармони сурфа истифода мешавад, метавонад сабаби зиёдшавии ин маризӣдар бадани фарди мубтало шавад.

Ин шарбат ҳамон фарояндеро фаъол мекунад, ки вируси корона барои зиёдшавии худ мавриди истифода қарор медиҳад.

Тасмими раису тобеин: маоши якмоҳа алайҳи коронавирус ва 500 сомонӣ кумакпулӣ ба табибон

Яке аз устодони Донишкадаи дорусозии Сан-Франсиско дар бораи истифода аз ин дору гуфтааст, ки он ҳоли беморони коронавирусро бадтар мекунад.

Донишмандони Донишкадаи дорусозии Сан-Франсиско тавсия кардаанд беҳтар аст ҳама дар замони шуйюи вируси корона ва то замони эъломи натиҷаи ниҳоии таҳқиқот, дар истеъмоли ин дору ва доруҳои дигаре, ки боиси афзоиши зиёдшавии вирус мешаванд эҳтиёт кунанд.

4974
Мавзуҳо:
Пайомадҳои COVID-19 дар Тоҷикистон ва ҷаҳон
День 27 мая

Ҷашнҳои рӯзи 27 май дар Тоҷикистон ва ҷаҳон

0
(Таҷдидшуда 20:52 26.05.2020)
Рӯзи бисту ҳафтуми май дар Нигерия — Рӯзи кӯдакон буда дар Қирғизистон – Рӯзи китобхона мебошад. Дар ин рӯз Душанбе Паллаев - ҳофизи халқии Тоҷикистон, Корманди шоистаи маданияти ҷумҳурӣ ба дунё омадааст

Рӯзи 27 май дар ҷаҳон чӣ рух дод

Соли 1997 дар Порис санади асосии муносиботи дуҷонибаи Русия ва Созмони Шартномаи Атлантикаи Шимолӣ ба имзо расид.

День 26 мая
© Sputnik / Стас Этвеш / Вишнякова Мария

Соли 1999 Додгоҳи Гаага Президенти Югославия Слободан Милошевичро гунаҳкори ҳарбӣ эълон кард.

Рӯзи 27 май дар Тоҷикистон чӣ рух дод

Соли 2003 дар шаҳри Душанбе аввалин форуми намояндагони сохторҳои давлатӣ ва ғайридавлатӣ, истеҳсолкунандагон, воситаҳои ахбори омма ва  созмонҳои байналмилалӣ баргузор гардид ва дар он шартнома дар бораи ҳамкории иҷтимоӣ ба имзо расид.

Соли 2003 дар шаҳри Исфараи вилояти Суғд аввалин Фестивал-симпозиуми байналмилалии мусиқии классикии «Шашмақом» баргузор гардид.

Соли 2009 дар шаҳри Душанбе мактаби олии сарҳадбонони САҲА (ОБСЕ) ифтитоҳ гардид.

Соли 2010 аввалин ҳавопаймо аз самти Душанбе ба Бориспол (Фурудгоҳи  байналмилалии Бориспол, Украина) бо 15 мусофир парвоз кард.

Ҷашнҳои рӯзи 27 май

  • Дар Нигерия — Рӯзи кӯдакон.
  • Дар Қирғизистон – Рӯзи китобхона.

Рӯзи 27 май дар Тоҷикистон кӣ ба дунё омадааст

Бекназар Аҳмадов (1926) – китобшинос, нависанда, Корманди шоистаи Тоҷикистон.

Григорий Воробоев (1925 – 1986) – актёри театр, Ҳунарпешаи шоистаи Тоҷикистон.

Ғаффор Каримов (1938)- актёри театру кино, Ҳунарпешаи шоистаи Тоҷикистон.

Аҳмадбек Қушқоров (1936-1989)- педагог, профессор.

Бурҳон Маҳмадқулов (1945) – сароянда, Ҳунарпешаи мардумии Тоҷикистон.

Неъмат Мирсаидов (1955)- публисист.

Зайниддин Наҷмиддинов (1938) – Устои халқии Тоҷикистон.

Марина Некрасова (1954) –шоира.

Нурулло Оқилов (1965) – нависанда.

Душанбе Паллаев (1950 - 2017) –Ҳофизи халқии Тоҷикистон, Корманди шоистаи маданияти ҷумҳурӣ.

Ғуфрон Раҳимбоев (1949) – мутриб, Ҳунарпешаи мардумии Тоҷикистон.

Бурҳон Ризоев (1948) – доктори илми таърих, профессор.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 май дар Тоҷикистон ва ҷаҳон
Ҷашнҳои рӯзи 20 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 22 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 25 май дар Тоҷикистон ва ҷаҳон