Ҳашиш. Акс аз бойгонӣ

Кашфу мусодираи 11 кило ҳашиш дар Тоҷикистон

12
(Таҷдидшуда 10:24 01.06.2015)
Тафтишоти пешакӣ дақиқ кардааст, ки ин ду нафар бо истифода аз масири Хуҷанд мехостаанд ин миқдор маводи мухаддирро ба Русия интиқол диҳанд.

ДУШАНБЕ, 1июн — Sputnik. Агентии назорати маводи нашъаовар аз кашф ва мусодираи 11 кило ҳашиш хабар дод, ки дар махфигоҳи як мошини тамғаи "Мерседес-Бенс" пинҳон карда шуда буд, омадааст дар хабари сомонаи АНМН.

"Кормандони фаврӣ бар асари роҳандозии амалиётӣ ҷустуҷӯӣ мошини "Мерседес-Бенс"-ро, ки аз ҷониби як сокини пойтахт идора мешуд, ба гумони интиқоли маводи мухаддир мавриди кофтуков қарор доданд. Дар натиҷа аз махфигоҳи махсус сохташуда чор бастаи селофании пур аз маводи сабзранг бо бӯйи хос кашф ва мусодира гардид. Ташхис 10 кило мухаддироти навъи ҳашиш будани онро тайид намуд",- менависад манбаъ.

 

Баъди роҳандозии амалиёти дигар шарики ҷиноии гурӯҳ, ки як сокини шаҳри Кундузи Афғонистон будааст, боздошт шуд. Ҳангоми кофтукови манзили иҷоравии ӯ боз 1 килои дигар маводи мухаддирои навъи ҳашиш мусодира гардид.

Тафтишоти пешакӣ дақиқ кардааст, ки ин ду тан бо истифода аз масири Хуҷанд мехостаанд ин миқдор маводи мухаддирро ба Федератсияи Русия интиқол диҳанд.  

Манбаъ мегӯяд, барои ошкор ва боздошти аъзои дигари ин гурӯҳи муташаккили ҷиноӣ дар дохил ва хориҷ аз кишвар тадбирҳои амалӣ ва ҳамоҳанг андешида мешаванд.  

Аз рӯйи ин ҳодиса парвандаи ҷиноятӣ боз шуда, тафтишот идома дорад ва дастгиршудагон дар боздоштгоҳи муваққатии Агентӣ нигаҳдорӣ мешаванд.  

12
Барчаспҳо:
қочоқчиён, 11 кило ҳашиш забту мусодира шуд, бозёфти нашъа, АНМН, Тоҷикистон
Мавзуъ
ВКД: беш аз 4 кило нашъа кашфу мусодира гардид
Кашфу мусодираи беш аз 47 кило нашъа дар Тоҷикистон. Тайи як шабонарӯз
Кашфу мусодираи беш аз 18 кило нашъа дар ноҳияи Ҳамадонӣ
Боздошти қочоқчиёни нашъа аз ҷониби кормандони АНМН
Дар Душанбе беш аз 600 кило нашъа сӯзонида шуд
Сокини Фархор бо миқдори зиёди нашъа дастгир гардид
Дар Кӯлоб 64 нуқтаи фурӯши нашъа ошкор гардид
Опустевшие дороги в городе Душанбе

Раёсати ВКД дар Душанбе: "Баҳриддинро облава набурдааст, ӯ талбандагӣ мекард"

254
(Таҷдидшуда 14:15 08.10.2020)
Раёсати ВКД дар шаҳри Душанбе вокунише нашр карда аз мардум хоҳиш кардааст, ки ҳар амали кормандони мақомоти қудратиро ба "Облава" рабт надиҳанд

ДУШАНБЕ, 8 окт — Sputnik. Раёсати ВКД дар шаҳри Душанбе мегӯяд, рӯзи 6-уми октябри соли ҷорӣ дар як қатор сомонаҳои иҷтимоии интернетӣ ва расонаҳои хабарӣ наворе нашр гардид, ки дар он ҳолати аз роҳи мошингард баровардани 1 нафар ҷавонписар бо як нафар ҷавондухтар аз ҷониби ду нафар корманди милитсия инъикос ёфтааст.

Манбаъ афзудааст, ки муаллифи навор ҳодисаи мазкурро "ҳолати ба таври маҷбурӣ ба хизмати ҳарбӣ сафарбар кардани ҷавонписар (ба истилоҳ облава)" шарҳ дода, баъдан ба як қатор расонаҳо ва саҳифаҳои иҷтимоии интернетӣ паҳн намудааст.

Навори мазкур баъди паҳн гардидан дар шабакаҳои интернетӣ мавриди вокуниши шадиди корбарон қарор гирифта, зимнан аз Раёсати ВКД дар шаҳри Душанбе дархост намуданд, ки ҳодиса мавриди санҷиш қарор дода шавад.

Вобаста ба аз байн бурдани нофаҳмии бавуҷудомада ва муайян намудани ҳолати воқеӣ дар асоси супориши роҳбарияти Раёсати ВКД дар шаҳри Душанбе шахсияти ҳамаи иштирокдорони навор, аз ҷумла кормандони милитсия, ҷавонмарду ҷавонзани дар навор инъикосгардида ва муаллифи навор муайян ва ба Раёсати ВКД дар шаҳри Душанбе дастрас карда шудаанд.

"Зимни санҷиш муайян карда шуда, ки онҳо: Пардаев Бадриддин Искандарович санаи таваллудаш 11.09.1993, сокини шаҳри Ваҳдат, ҷамоати Тулдара, деҳаи Баҳор оиладор, соҳиби 3 фарзанд ва ҳамсараш Халосова Озода Шамсиддиновна санаи таваллудаш 26.09.1995 сокини суроғаи болозикргардида мебошанд", - омадаатс дар хабарнома.

Ба иттилои онҳо, рӯзи  30 сентябри соли ҷорӣ дар ҳудуди давродаври қисмати чапи пули Текстил, рӯ ба рӯи бинои Шарқи озод, дар роҳи мошингард ҳангоми машғул шуданашон ба талбандагӣ кормандони милитсия ҳозир шуда, хостанд аз роҳи мошингард ҷавони талбанда Бадриддин Пардаевро ба канори роҳ бароранд. Дар ин лаҳза ҳамсари ӯ Озода Халосова монеи амалкарди кормандони милитсия гардида, намегузорад ки кормандони милитсия ӯ ва шавҳарашро аз роҳи мошингард ба канори роҳ бароранд.

Ин ҳодисаро ронандаи автомашинаи тамғаи Лексус RX рақами қайди давлатиаш 9345 ЕМ01 шаҳрванд Латипов Насимҷон Ҳақдодович соли таваллудаш 11.01.1994 истиқоматкунандаи шаҳри Душанбе, кӯчаи А.Ҷомӣ тавассути телефони мобилиаш сабт намуда, бо гузашти 6-7 рӯз навори мазкурро носанҷида ба таври иғвоангезӣ ҳамчун "ҳодисаи маҷбурӣ ба хизмати ҳарбӣ бурдан (облава)" бозтобӣ намуда, тавассути сомонаҳои иҷтимоӣ ва ирсол намудан ба расонаҳои хабарӣ дар шабакаи Интернет паҳн намудааст.

ВКД мегӯяд, худи шаҳрванд Латипов Насимҷон ҳодиса санаи 30 сентбяр рух дода буд, ки ҳатто дар ин руз даъвати тирамоҳӣ ба сафи Қувваҳои мусаллаҳ оғоз нагардида, муаллифи навор дидаю дониста ин хабари бардуруғро ҳамчун ҳодисаи "облава" паҳн намудааст.

Раҳмон дар бораи "облава": қонуншикании ҷиддист, ҳатто беморонро мебаранд

"Ҷои нигаронист, ки як қатор расонаҳои хабарӣ ва сомонаҳои иттилоотӣ ҳолати корро ба таври пурра дарк ва дуруст ташхис накарда, якҷониба ба таври худ ин ҳодисаро низ ҳамчун ҳодисаи "облава" инъикос намуданд, ки ин амали рузноманигорон хилофи этика ва меъёрҳои журналистӣ аст".

Ин дар ҳолест, ки тибқи нишондодаш шаҳрванд Пардаев Бадриддин аз соли 2010 то 2012 дар яке аз қисмҳои ҳарбии Вазорати мудофиа воқеъ дар шаҳри Конибодом хизмати ҳарбиро ба ҷо оварда, бар замми ин соҳиби 3 фарзанд мебошад ва ҳодисаи мазкур ба "облава" ягон рабт надорад.

Вобаста ба ҳолати мазкур Раёсати ВКД дар шаҳри Душанбе иттилоъ медиҳад, ки кормандони милитсия ӯҳдадоранд ҳар як ҳолати вайроннамоии қоидаҳои ҳаркати роҳ аз ҷониби шаҳрвандон, аз ҷумла машғул шудан ба талбандагӣ дар роҳҳои мошингард, зери чароғакҳои роҳнамо дуд додани испанд, ба фурӯш баровардани ҳар гуна маводҳои кӯдакона дар роҳҳоро пешгирӣ ва нисбаташон чораандешӣ намоянд.

254
Барчаспҳо:
ВКД, ВКД, "облава", Душанбе
Прокуратураи вилояти Суғд

Прокурори Суғд гуфт, баъзе мансабдорон дар замони COVID-19 даст ба қонуншиканӣ задаанд

1073
(Таҷдидшуда 16:57 06.10.2020)
Прокурори вилояти Суғд - Ҳабибулло Воҳидов вазъи санҷиши соҳаи ҳифзи аҳолӣ дар замони ҳамагирии COVID-19 ро шаҳр дод

ДУШАНБЕ, 6 окт – Sputnik. Ӯ гуфт, ки дар ин давра ҳолатҳои ба муомилот баровардани дорувории пастсифати кӯҳнашуда, номатлуб иҷро намудани вазифаҳои касбӣ ва азонихудкунии маблағҳои буҷҷавӣ ошкор карда шудааст.

Ҳабибулло Воҳидов, прокурори вилояти Суғд дар ҷаласаи ҳайати мушовараи ин ниҳод гуфт, дар пайи санҷишҳои прокурорӣ давоми нӯҳ моҳи соли ҷорӣ 1600 дорувории кӯҳнашуда ва беш аз 2760 номгӯи маводи тиббӣ бе доштани сертификат аз дорухонаҳо боз дошта шуда, нисбати 138 нафар қонунвайронкунандаҳо парвандаҳои маъмурӣ ва ҷиноӣ оғоз карда шудааст.

Прокурори вилоят дар ҷараёни ҷаласае, ки дирӯз вазъи риояи қонунгузорӣ дар бораи ҳифзи саломатии аҳолӣ баррасӣ мешуд, таъкид намуд, ки дар ин самт як қатор қонунвайронкуниҳо аз ҷониби ашхоси мансабдор ба қайд гирифта шудааст.

"Дар рафти санҷишҳои риояи вазъи қонунгузории соҳаи беҳдоштӣ, ҳолатҳои аз тарафи шахсони мансабдор риоя нагардидани меъёр ва қоидаҳои ҳифзи саломатии аҳолӣ, санитарию эпидемиологӣ, ба муомилот баровардани дорувории пастсифат, бе иҷозатнома ба қайдгирии давлатии маводи доруворӣ, номатлуб иҷро намудани вазифаҳои касбӣ, азонихудкунии маблағҳои буҷҷавӣ ва дигар қонунвайронкуниҳо ошкор карда шудаанд", - иттилоъ дод Воҳидов.

Прокурори Суғд иброз намуд, ки дар натиҷаи ошкоршавии инчунин ҳолатҳо 163 адад санадҳои беэътиноӣ бароварда шуда, 230 нафар ба ҷавобгарии интизомӣ ва маъмурӣ кашида шуда, нисбати 33 нафар парвандаҳои ҷиноӣ оғоз карда шудааст.

Дар нӯҳ моҳи соли ҷорӣ дар умум ба мақомоти прокуратураи вилояти Суғд 8215 муроҷиати шаҳрвандон ворид шудааст.

1073
Барчаспҳо:
мансабдорон, прокурор, Суғд
Мавзуҳо:
Пайомадҳои COVID-19 дар Тоҷикистон ва ҷаҳон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

495
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

495
Барчаспҳо:
тирпаронӣ, марз, Тоҷикистон