Сарҳади Тоҷикистону Афғонистон. Акс аз бойгонӣ

Марзбонони раҳошуда ба хизмат баргаштанд

12
(Таҷдидшуда 15:26 22.06.2015)
Аз чаҳор сарбози неруҳои марзбонии Тоҷикистон, ки ҳафтаи гузашта аз асорати Толибон раҳо шуданд, се нафар ба хизмат идома медиҳанд ва як нафари онҳо ба назди волидонаш бармегардад.

ДУШАНБЕ, 22 июн — Sputnik. Аз чаҳор сарбози нерӯҳои марзбонии Тоҷикистон, ки аз асорати гуруҳи Толибон ҳафтаи гузашта раҳо шуданд, се нафар ба идомаи хизмат шурӯъ карданд ва як нафари эшон ба назди волидонаш баргаштааст, менависад "Радиои Озодӣ".

Як мақоми Сарраёсати марзбонии Тоҷикистон 22 июн ба "Озодӣ" гуфтааст, дар нимаи аввали рӯзи ҷумъаи гузашта, ин чаҳор сарбоз ба ихтиёри волидонашон дода шудаанд.

"Вале азбаски се нафари онҳо хизмати худро ба поён нарасонидаанд, дар қисми ҳарбии Сарраёсат воқеъ дар пойтахт ба идомаи хизмати худ ҷалб карда шуданд ва як нафари онҳо чун муҳлати хизмати худро ба охир расонида буд, ба хонаашон баргашт", — гуфтааст манбаи "Озодӣ".

Ба ин тартиб Фарҳод Калонов, истиқоматкунандаи шаҳри Душанбе ба назди волидонаш баргашт ва Меҳроҷ Шодиев, сокини ноҳияи Рӯдакӣ, Тӯйчибой Норбоев, бошандаи ноҳияи Панҷакент ва Сироҷ Давлатов, истиқоматкунандаи ноҳияи Қумсангир ба хизмат идома медиҳанд.

Фатҳулло Шодиев, падари Меҳроҷ Шодиев ба "Озодӣ" гуфтааст, фарзандаш як соли дигар барои анҷоми пурраи хизмати аскарӣ ҷалб шудааст ва дар яке аз қисмҳои ҳарбии шаҳри Душанбе адои хизмат мекунад. Мухтор Калонов, падари Фарҳод гуфтааст, писараш аз се рӯз ба ин тараф дар назди бародарону хоҳаронаш аст ва вазъи саломатиаш хуб мебошад ва ҳеҷ шикояте надорад.

"Ақаллан як ҳафта — ду ҳафта ҳамроҳи мо бошад, аз дидораш сер шавем, баъд масъалаи кору фаъолияташро мебинем", — гуфтааст Мухтор Калонов.

Волидони чаҳор марзбони тоҷик, ки тоза аз асорати гуруҳи "Толибон" раҳо шудаанд, зӯҳри 17 июн дар Душанбе бори аввал ба дидори фарзандони худ расиданд. Мақомоти давлатии Тоҷикистон рӯзи 16 июн хабар доданд, чаҳор сарбози тоҷик, ки аз моҳи декабри соли 2014 дар асорати гуруҳи "Толибон" буданд, озод ва рӯзи 11 июни соли ҷорӣ ба Тоҷикистон оварда шудаанд.

Ин сарбозони тоҷик 19 декабри соли гузашта ҳангоми ҷамъоварии ҳезум дар соҳили рӯдхонаи Панҷ аз ҷониби гуруҳе аз Толибон рабуда шуданд. Гуфтушунидҳои ибтидоӣ барои раҳоии онҳо натиҷа надод ва ошӯбгарон дар охирҳои моҳи феврали соли равон гаравгонҳои худро ба дарунтари вилояти Кундузи Афғонистон интиқол доданд.

Вазорати умури хориҷии Қатар рӯзи 14 июн иттилоъ дод, ки чаҳор марзбони тоҷик, ки моҳи декабри соли гузашта дар шимоли Афғонистон аз сӯи гуруҳи Толибон рабуда шуданд, бо мусоидати амири он кишвар Шайх Тамим Бин Ҳаммад Ал-Сонӣ раҳо шудаанд. Дар баёнияи Вазорати умури хориҷии Қатар гуфта мешуд, ки раҳоии ин чаҳор марзбони тоҷик аз асорати Толибон "бар асоси арзишҳои инсондӯстӣ аз ҷониби кишвари Қатар" сурат гирифта ва "Доҳа ҳама талошҳои дипломатиро анҷом дод, то ин сарбозон наҷот ёбанд".

Ба дунбол, Толибон бо нашри як баёния эълон карданд, ки "бо ҳадафи ҳамкориҳои хуб бо мардуми Тоҷикистон ва тақвияти муносибот дар оянда", чаҳор марзбони ба асоратуфтодаи тоҷикро озод кардааст.

Хабаргузории расмии Тоҷикистон — "Ховар" низ шоми 16 июн хабаре дар ин робита нашр кард, аммо дар он, дар бораи шарту шароити раҳоии сарбозон чизе гуфта нашуда буд. Дар ин хабар танҳо омада буд, ки "дар натиҷаи гуфтушуниди расмӣ ва дидани чораҳои махсус, сарбозони қисми низомии 2610-ро, ки 17 декабри соли 2014 дар минтақаи сарҳадии 128/2-и Тоҷикистон, ки силоҳбадастони номаълум ба қаламрави Афғонистон бурданд, аз асорат озод карда, ба ватан баргардонданд."

12
Барчаспҳо:
рухсат, асорат, хизмат, раҳоӣ, Сарраёсати марзбонии КДАМ, Толибон, Тӯйчибой Норбоев, Меҳроҷ Шодиев, Фарҳод Калонов, Афғонистон, Тоҷикистон
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

1851
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

1851
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон