Рамазон Раҳимзода зимни нишасти матбуотии ВКД ҶТ 24 июли соли 2015

Раҳимзода гуфт, Гулмурод аз рафтанаш пушаймон аст

93
(Таҷдидшуда 15:26 27.07.2015)
Дар як нишасти хабарӣ дар Душанбе рӯзи 25 июл вазири корҳои дохилии Тоҷикистон Рамазон Раҳимзода дар бораи полковники фирорӣ Гулмурод Ҳалимов гуфт, ки вай аз рафтанаш пушаймон аст.

 

ДУШАНБЕ, 27 июл — Sputnik. Рамазон Раҳимзода, вазири умури дохилии Тоҷикистон гуфт, Гулмурод Ҳалимов, фармондеҳи пешини Дастаи таъиноти махсус ё "ОМОН", ки ба гуруҳи террористии мавсум ба "Давлати исломӣ" пайвастааст, аз ин амалаш пушаймон аст.

Ҷаноби Раҳимзода ин нуктаро дар нишасти хабарии ВКД 25 июл изҳор дошт.

"Лекин ҷосус, ватанфурӯш, падарфурӯш, фарзандфурӯш пушаймонӣ надорад. Тақдири ӯ ба худаш маълум аст", — афзуд Раҳимзода.

Вазири дохилӣ гуфт, ҳанӯз замони ба ҳайси раҳбари ОМОН фаъолият намудани Ҳалимов онҳо муайян кардаанд, ки вай аз ҷиҳати равонӣ солим нест.

"Мо корҳои оперативӣ — профилактикӣ пеш мебурдем ва Ҳалимов он вақт аз ҷиҳати руҳӣ ва равонӣ ба мақомот дуруст наомад. Чандин маротиба санҷиш кардем, эрод гирифтем, ҳис мекард, ки оқибаташ ба хубӣ намеанҷомад, мо ӯро аз мақомот озод мекунем, барои ҳамин рафта, ба гуруҳи ифротӣ шомил шудааст", — илова кард вазир.

Раҳимзода гуфт, Гулмурод аз рафтанаш пушаймон аст

Генерали тоҷик Гулмурод Ҳалимовро шахси тасодуфие номид, ки дар авҷи бесарусомониҳои кишвар ба мақомот роҳ ёфтааст.

Раҳимзода: Ҳалимов бемории рӯҳӣ дошт

"Баъди солҳои 90-ум баъзан кормандони ҳайати шахсӣ бидуни санҷиши руҳӣ —равонӣ барои кор ба мақомот қабул шудаанд ва солҳои охир бисёре аз чунин ашхоси тасодуфиро аз ҳайати шахсӣ тоза кардем. Яке аз чунин шахсони тасодуфӣ, ки дар он солҳо ба кор қабул шудааст, фикр мекунам ҳамин кас буд. Мо нисбаташ гумонбар будем, санҷиш кардем, медонистем, ки аз ҷиҳатии солмии ақл ва руҳиву равонӣ дуруст нест", — гуфт вазир.

Хуршед Изатулло Мухаммадзода. Архивное фото
© Официальная страница пресс-службы президента РТ в Facebook.

Гулмурод Ҳалимов 27 май баъди як моҳи бедарак шуданаш тариқи навори видеоӣ дар интернет аз пайвастанаш ба ДИИШ иттилоъ дод. Дар ин навор ӯ аз иқдомҳои ба гуфтааш зидди исломии мақомоти тоҷик интиқод карда, дар бораи як ҷаласае бо ҳузури вазири корҳои дохилӣ дар ин ниҳод суҳбат карда изҳор дошт, онҷо таъкид шудааст, ки духтарони бероҳаро ҳиҷоб пӯшонида дар телевизион намоиш бидиҳанд.

"Агар мо нисбати ҳиҷобу сатр гуфта бошем, ки як расму ойини тоҷикӣ бояд ҷорӣ шавад, бояд расму ойини миллии мо, ки аз ҳама арзиши миллии мо ба ҳисоб меравад, бояд нигоҳ дошта шавад. Мо ҳаминро гуфта бошем ва ӯ агар аз ҳамин хафа шуда бошад, акнун худатон қазоват кунед. Ба як сатру ҳиҷоб гуфтан, агар одам худаш ифротгаро шаваду зану фарзанд, падару модару хешу таборро партофта ба дигар гуруҳ рафта ҷангад, чӣ маъно дорад? Худатон баҳо диҳед, ки то чи андоза ба ақл рост меояд", — гуфт вазир.

Гулмурод Ҳалимов, фармондеҳи собиқи ОМОН бар асоси 5 моддаи Кодекси ҷиноии Тоҷикистон мавриди кофтукоби байналмилалӣ қарор гирифтааст. Ба иттилои дафтари матбуоти Додситони кулли Тоҷикистон, ин ниҳод бар асоси се моддаи Кодекси ҷиноии Тоҷикистон, аз ҷумла моддаҳои 305 (хиёнат ба давлат), 187 қисми 2 (иштирок дар иттиҳоди ҷиноятӣ) ва 401 (иштирок дар задухӯрдҳои мусаллаҳона ё амалиёти ҷангӣ дар дигар давлатҳо) алайҳи Ҳалимов парвандаи ҷиноӣ боз кардааст. Манбаъ меафзояд, инчунин нисбати Ҳалимов бо иҷозаи додгоҳ "чораи пешгирӣ дар намуди ҳабс ба таври ғоибона" татбиқ гардида, ҳоло исми ӯ дар кофтукови байналмилалӣ қарор дорад.

Омори ВКД, ки аз онҳо дар нишаст ёд шуд

Рамазон Раҳимзода, вазири умури дохилии кишвар дар нишасти хабарӣ изҳор дошт, то имрӯз 519 шаҳрванди кишвар ба гуруҳҳои ифротӣ шомил шудаанд, ки 150 каси онҳо дар ҷангҳои Сурия кушта шудаанд. Ӯ гуфт, дар шаш моҳи соли равон 35 шаҳрванди Тоҷикистонро, ки қасди ба Сурия рафтан доштанд, ошкор кардаанд. Нуҳ нафар аз Сурия, нуҳ нафар аз Туркия, ду нафар аз Русия, як кас аз Қазоқистон ва 14 нафари дигарро дар худи Тоҷикистон муайян ва дастгир карда, пеши роҳашонро гирифтаанд, то ба ба гуруҳҳои террористӣ, экстремистӣ ба Сурия ва дигар кишварҳое, ки муноқишаҳои ҷангӣ идома доранд, нараванд.

"Ниҳоят мушкилоти зиёд аст барои баргардонидани ҷавононе, ки шомили гуруҳҳои ҷангҷӯй шудаанд. Рафти тафтиши парвандаҳои ҷиноятӣ ва шахсоне, ки ихтиёран баргашта омадаанд ва афроде, ки дастгир шудаанд, шаҳодати онро медиҳад, ки нафарони шомилшуда ҳама пушаймонанд ва мехоҳанд баргарданд", — илова кард Раҳимзода.

93
Барчаспҳо:
пушаймонӣ, тасодуфӣ, вазир, нишасти хабарӣ, ҷанг дар Сурия, пайвастан, фирор, ДИИШ, ВКД, Рамазон Раҳимзода, Гулмурод Ҳалимов, Ироқ, Сурия, Тоҷикистон
Певица Наргиз Закирова

Наргиз дар бораи Ефремов: ӯ бояд паси панҷара равад

627
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

627
Барчаспҳо:
ҳукм, Русия
Сомони и доллары, архивное фото

Мардумфиребӣ: 96 ҳазор сомонӣ гирифту, хоҷагии "Маҳмуд" - ро ҳуҷҷатгузорӣ накард

424
(Таҷдидшуда 18:17 01.09.2020)
Вазорати умури дохилаи Тоҷикистон аз ду ҳолати қаллобӣ яке дар шаҳри Душанбе ва дигаре дар Ваҳдат, хабар медиҳад

ДУШАНБЕ, 1 сен - Sputnik. Тибқи иттилои Вазорати умури дохилӣ, ба ШВКД-1 дар ноҳияи Сино бо ариза марди 36-солаи сокини пойтахт муроҷиат намудааст.

Ӯ шикоят кардааст, ки рӯзи 6-уми августи соли 2020, ҳангоми дар кӯчаи Абдуллобекови ҳамин ноҳия қарор доштанаш, марди 40-солаи сокини ҷамоати деҳоти Хераварзи ноҳияи Ҷ. Балхӣ бо роҳи фиреб ба бовариаш даромада, аз ӯ 30-тонна ордро ҷамъ ба маблағи 55 ҳазору 503 доллари амрикоӣ барои фурӯхтан гирифта, маблағашро ба манфати шахсиаш сарф намудааст. 

Мардумфиреб ба даст афтод: 10 000 гирифту дар озод шудани боздоштшудаҳо мусоидат накард

Инчунин ба ШВКД дар шаҳри Ваҳдат бо ариза марди 66-солаи сокини шаҳри Душанбе, муроҷиат намудааст.

Ин мард гуфтааст, ки соли 2016, ду ҷавони 26-солаи сокинони ҷамоати деҳоти Гулистони шаҳри Ваҳдат бо роҳи фиреб ба бовариаш даромада, аз ӯ 96 ҳазор сомонӣ гирифта, ваъда додаанд, ки хоҷагии деҳқонии фермерии ба номи “Маҳмуд” бо бинои ёрирасон, дар ҷамоати деҳоти Гулистонро ба номаш ҳуҷҷатгузорӣ карда медиҳанд.

Аммо маблағи гирифтаашонро ба манфиати шахсиашон сарф намудаанд.

Вазорати умури дохилаи Тоҷикистон мегӯяд, аз рӯи ин ҳодисаҳо тафтишот идома дорад.

424
Барчаспҳо:
Тоҷикистон, ВКД, қаллобӣ
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон