Садамаи нақлиётии ду автобус дар кишвари Хабаровск

Додситонии кулл сабаби садамаи маргбор дар Хабаровскро шарҳ дод

6
Муфаттишон сабаби сар задани садамаро дар Хабаровск муайян карданд, маълум шуд, ки яке аз автобусҳо аснои аз паҳлӯи мошини таъмиркунада гузаштан ба тарафи муқобили ҷодда баромада бо автобуси дигар бархӯрдааст.

ДУШАНБЕ, 5 авг — Sputnik. Ба самти муқобил баромадани як автобус боис ба садама гардида, дар пайи он 16 мусофир ба ҳалокат расиданд.

Ба иттилоъи Додситонии кулл, автобус  таҳти рақами 301, ки аз Комсомолскийи лаби Амур ба тарафи Хабаровск  ҳаракат мекард, сабабгори ҳодиса шудааст.

"Аснои таҳқиқи ҳодиса маълум гашт, ки ронандаи автобуси № 301 вақте аз паҳлӯи мошини таъмиркунандаи роҳ убур мекардааст, идораи мусофиркашро аз даст дода, ба самти муқобили ҷодда баромада бо автобуси дигар бархӯрдааст ",- омадааст дар иттилоъия.

Дар Шарқи Дури Русия ду автобуси мусофирбар ба ҳам бархӯрда, дар ин ҳодиса дастикам 16 нафар ба ҳалокат расидаанд. Дар хабари вазорати ҳолатҳои фавқулоддаи Русия омадааст, ки ин ду автобуси мусофирбари байнишаҳрӣ дар минтақаи Хабаровск ба садама дучор шудаанд.

 

6
Барчаспҳо:
сабабҳои сар задани садама эълом шуд, садамаи нақлиётӣ, ҳалокати 16 нафар, Додситонии кулли ФР, Комсомолски лаби Амур, Хабаровск, Русия
Певица Наргиз Закирова

Наргиз дар бораи Ефремов: ӯ бояд паси панҷара равад

627
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

627
Барчаспҳо:
ҳукм, Русия
Сомони и доллары, архивное фото

Мардумфиребӣ: 96 ҳазор сомонӣ гирифту, хоҷагии "Маҳмуд" - ро ҳуҷҷатгузорӣ накард

424
(Таҷдидшуда 18:17 01.09.2020)
Вазорати умури дохилаи Тоҷикистон аз ду ҳолати қаллобӣ яке дар шаҳри Душанбе ва дигаре дар Ваҳдат, хабар медиҳад

ДУШАНБЕ, 1 сен - Sputnik. Тибқи иттилои Вазорати умури дохилӣ, ба ШВКД-1 дар ноҳияи Сино бо ариза марди 36-солаи сокини пойтахт муроҷиат намудааст.

Ӯ шикоят кардааст, ки рӯзи 6-уми августи соли 2020, ҳангоми дар кӯчаи Абдуллобекови ҳамин ноҳия қарор доштанаш, марди 40-солаи сокини ҷамоати деҳоти Хераварзи ноҳияи Ҷ. Балхӣ бо роҳи фиреб ба бовариаш даромада, аз ӯ 30-тонна ордро ҷамъ ба маблағи 55 ҳазору 503 доллари амрикоӣ барои фурӯхтан гирифта, маблағашро ба манфати шахсиаш сарф намудааст. 

Мардумфиреб ба даст афтод: 10 000 гирифту дар озод шудани боздоштшудаҳо мусоидат накард

Инчунин ба ШВКД дар шаҳри Ваҳдат бо ариза марди 66-солаи сокини шаҳри Душанбе, муроҷиат намудааст.

Ин мард гуфтааст, ки соли 2016, ду ҷавони 26-солаи сокинони ҷамоати деҳоти Гулистони шаҳри Ваҳдат бо роҳи фиреб ба бовариаш даромада, аз ӯ 96 ҳазор сомонӣ гирифта, ваъда додаанд, ки хоҷагии деҳқонии фермерии ба номи “Маҳмуд” бо бинои ёрирасон, дар ҷамоати деҳоти Гулистонро ба номаш ҳуҷҷатгузорӣ карда медиҳанд.

Аммо маблағи гирифтаашонро ба манфиати шахсиашон сарф намудаанд.

Вазорати умури дохилаи Тоҷикистон мегӯяд, аз рӯи ин ҳодисаҳо тафтишот идома дорад.

424
Барчаспҳо:
Тоҷикистон, ВКД, қаллобӣ

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0