Корманди пулис бо завлона. Акс аз бойгонӣ

Падару писар- гумонбарони куштор дар Суғд боздошт гардиданд

10
(Таҷдидшуда 09:41 10.08.2015)
Кормандони ВКД гумонбарони оилаи Бобоевҳо, ки панҷ нафарро ташкил медод, дар шимоли Тоҷикистон боздошт шудаанд, тафтиши қазия таҳти назорати масъулини баландпояи вазорат қарор дорад.

ДУШАНБЕ, 10 авг — Sputnik. Баъд аз ду соли куштори пурсарусадои Аҳмадхӯҷа Бобоев, ҳамсар ва духтару писаронаш дар ноҳияи Бобоҷон Ғафуров (дар моҳи июни соли 2013) раёсати умури дохилаи вилояти Суғд аз боздошти гумонбарон иттилоъ дод, менависад ОИ Авеста.

"Бо гумони даст доштан дар қатли хонаводаи Бобоевҳо падару писар, сокинони шаҳри Хуҷанд дастгир шудаанд",- иброз доштааст як манбаъ аз ВКД ба хабаргузорӣ.

Рӯзи шанбе гузашта, кормандони ВКД гумонбарон дар қатли оилаи Бобоевҳоро ба хонаи онҳо бурдаанд. Манзили Бобоевҳо аз замони ҳодисаи кушторашон қуфл буд.

Ба иттилоъи манбаъ, ҳамсар ва келини гумонбаршудагони қазия низ дар бозор ба монанди оилаи Бобоевҳо ба фурӯши тилловорӣ машғул будаанд.

Дар ҳамин ҳол, мақомоти расмӣ аз ироаи маълумоти бештар атрофи ин қазия худдорӣ варзида, ҷузъиёти дигари онро ифшо намекунанд.

Рӯзи 2 июни соли 2013 афроди ношиноси мусаллаҳ аз болои девор ба хонаи Аҳмадхӯҷа Бобоев, воқеъ дар канори шаҳраки Бобоҷон Ғафуров, ки ҳамроҳи ҳамсараш ба фурӯши ҷавоҳирот машғул буд, ворид шуда, бо истифода аз силоҳи "Калашников" ӯву ҳамсар ва фарзандонашро ба қатл расонданд.

Баъд аз як рӯзи ҳодиса ВКД иттилоъ дода буд, ки шахсони номаълум бо яроқи оташфишон мусаллаҳ гашта, бо мақсади роҳзанӣ ба хонаи истиқоматии шаҳрванд Бобоев Аҳмадхӯҷа Норхӯҷаевич (1973), соҳибкор, ворид шуда, ӯ ва ҳамсараш Бобоева Ҳаётхон Шукуровна, (1974), фарзандони ноболиғаш Бобоева Рухшона Аҳмадхӯҷаевна (1997), хонандаи синфи 9-уми гимназияи №1, Бобоев Сӯҳробҷон Аҳмадхӯҷаевич (1998), хонандаи синфи 8-уми гимназияи №1-ро бо истифода аз яроқи оташфишони тамғаи АКМ-5,45-мм ба қатл мерасонанд.

Баъдан, фарзанди дигари оила- Бобоев Санҷарбек Аҳмадхӯҷаевичи 8-соларо дар ҳаммоми ҳавлӣ маҳкам намуда, дари сандуқи оҳанини дар хонаи истиқоматӣ ҷойгиршударо мешикананд ва тахминан ба маблағи $30 000 ҷавоҳироти тилоиро тасарруф мекунанд.

Ин куштори пурсарусадои хонаводаи Бобоевҳо дар шимоли Тоҷикистон ва саросари кишвар аксариятро такон дода, таҳқиқи қазия зери назари шахсии вазири умури дохила қарор дорад.  

10
Барчаспҳо:
куштор, қатл, вазир қазияро таҳти назорати қатъӣ қарор додааст, куштори пурсарусадо, боздошти гумонбарони қатл дар Хуҷанд, Раёсати ВКД дар вилояти Суғд, ВКД ҶТ, Бобоев Санҷарбек, Бобоева Ҳаётхон, Бобоев Аҳмадхӯҷа, ноҳияи Бобоҷон Ғафуров, Суғд, Тоҷикистон
Нож в руке, архивное фото

Марди 59 - сола писарони амакашро корд зад

345
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

345
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД
Молния, архивное фото

Мудири ҳавошиносони Тоҷикистон гуфт, хизматрасониҳо беҳтар мешаванд

0
(Таҷдидшуда 19:55 23.11.2020)
Диловар Дӯстзода, мудири Ожонси обуҳавошиносии Кумитаи ҳифзи муҳити зисти назди Ҳукумати Тоҷикистон мегӯяд, хизматрасонии ин ниҳод беҳтар карда хоҳад шуд

ДУШАНБЕ, 23 ноя – Sputnik. Дӯстзода зимни як ҳамоиш дар Душанбе гуфт, вазъи феълии байналмилалӣ ва тағйироти иқлимии сайёра зарурати ба роҳ мондани хизматрасониҳои ба талаботи муосир ҷавобгӯйро ба миён овардааст.

“Бо дарназардошти ҳолати пешомада хизматрасониҳои навро таҳия намуда, ба ҷонибҳои ҳавасманд пешниҳод менамоем. Зимнан, Ҳукумати мамлакат ба рушди Агентии обуҳавошиносӣ таваҷҷуҳ намуда, сохторҳои марбутаи онро бо таҷҳизоти наву замонавӣ мунтазам таъмин менамояд. Ин ҷиҳат моро водор месозад, ки вобаста ба пешгӯйӣ ва дастрасии маълумоти обуҳавошиносӣ чорабиниҳои заруриро дар сатҳу сифати баланд амалӣ намоем”, - иттилоъ дод нашрияи “Садои мардум” аз қавли Дӯстзода.

Таъкид шудааст, ки дар ҷумҳурӣ гирифтани ҳосили баланди зироат, рушди чорводорӣ, таъмини аҳолӣ бо маҳсулоти ниёзи аввал, ҳамкориҳои дуҷониба бо сохторҳои сайёҳии кишвар, пеш аз ҳама, ба маълумоти саҳеҳ ва саривақтии обу ҳаво марбут мебошад.

Зикр гардидааст, ки таъмини саривақтии маълумоти дақиқи обуҳавошиносӣ сокинонро  аз хавфу хатар сари вақт огоҳ месозад.

0