Силоҳи Калашников. Акс аз бойгонӣ

ВКД: гумонбарони куштор, роҳзанӣ ва ғоратгарӣ дар Суғд боздошт шуданд

28
(Таҷдидшуда 15:09 11.08.2015)
Қуштори хонаводаи Бобоевҳо, ки ба тиҷорати тилло дар вилояти Суғд машғул буданд, 2 июни соли 2013 сурат гирифт, аммо тӯли ду сол омилони ҷиноят дар ҷустуҷӯ қарор доштанд ва мақомоти интизомӣ низ барои ёрӣ дар ин кор 30 ҳазор доллар ҷоиза таъин карданд.

ДУШАНБЕ, 11 авг — Sputnik. Вазорати коррҳои дохилӣ расман эълон кард, ки падару писар — Муҳиддин ва Адҳам Раҳматовҳоро ба гумони куштори тоҷир Аҳмадхӯҷа Бобоев, ҳамсар ва се фарзандаш дар ноҳияи Бобоҷон Ғафурови вилояти Суғд боздошт намудааст, менависад сомонаи ВКД ҶТ.

"Баъд аз 2 соли кофтукоб, бо гумони даст доштан дар куштори оилаи Бобоевҳо, ки ҷомеаро таккон дод, падару писар, сокинони Хуҷанд — Муҳиддин Раҳматов (1966) ва Адҳам Раҳматов (1998) боздошт шуда, "шариконашон" — Олим Раҳматов ва Қиёмиддин Раҳматов таҳти пайгард қарор гирифтаанд. Сарвиноз Раҳматова, духтари ин хонадон низ барои "иштирок" дар ҷинояти дигар дастгир шудааст",- меафзояд манбаъ.

Қуштори  хонаводаи Бобоевҳо, ки ба тиҷорати тилло дар вилояти Суғд машғул буданд, 2 июни соли 2013 сурат гирифт, аммо тӯли ду сол омилони ҷиноят дар ҷустуҷӯ қарор доштанд ва мақомоти интизомӣ низ барои ёрӣ дар ин кор 30 ҳазор доллар ҷоиза таъин карданд.

Ба иттилоъи ВКД, Муҳиддин Раҳматов ва Олим Раҳматов бо силоҳи оташфишони тамғаи "Калашников" тавассути девори ҳавлии ҳамсоя вориди манзили зисти соҳибкори инфиродӣ Аҳмадхӯҷа Бобоев шуда, ӯ, ҳамсараш Ҳаётхон Бобоева ва фарзандони ноболиғи онҳо — Рухшона ва Сӯҳробро ба қатл расондаанд.

"Баъд, фарзанди хурдии оила Санҷарбек Бобоевро дар ҳаммоми ҳавлии истиқоматиаш маҳкам намуда, тамоми ҷавоҳироти тиллоиро тасарруф ва бо мақсади рӯйпӯш намудани амали ҷинояткоронаашон бо истифодаи бензин хонаро оташ мезананд. Бар асари сӯхтори баамаломада ноболиғ Санҷарбек Бобоев аз дуди оташ заҳролуд ва ба ҳалокат расидааст," — омадааст дар шарҳи расмии ВКД, ки дар торнамои он нашр шудааст.

Вазорати корҳои дохилии Тоҷикистон дар шарҳи боздошти Муҳиддин Раҳматов ва Адҳам Раҳматов  мегӯяд, дастгир гардидани ҷинояткорон баъд аз ҳамлаи 20 июли онҳо ба Зебӣ Қосимова — сокини шаҳри Хуҷанд ва тасарруфи ҷавоҳироти ӯ ба маблағи 33 ҳазор сомонӣ имконпазир шудааст. Ба қавли мақомоти милиса, дар ҷараёни тафтиши ҳодисаи ҳамла болои Зебӣ Қосимова мушаххас шудааст, ки "гурӯҳи Раҳматовҳо" дар чанде аз ҷиноятҳои дуздии ҷавоҳирот, пули зиёд ва куштори одамон низ гумонбаранд.

Ҳамзамон, мақомоти тафтишотӣ Муҳиддин Раҳматов ва Олим Раҳматовро дар куштори кормандони нуқтаи ивази асъор — падару писар — Юлдош Бурҳонов ва Фарҳод Бурҳонов, сокинони шаҳри Хуҷанд муттаҳам медонанд. Онҳо мегӯянд, Раҳматовҳо баъди ба ҳалокат расондани Юлдошевҳо сумкаи варзишиеро, ки дар дохилаш пули нақди 200 000 (дусад ҳазор) сомонӣ буд, тасарруф ва бо истифода аз автомашинаи тамғаи «Мерседес — Бенс»-и нуқраранг аз ҷойи ҳодиса ғайб задаанд.

Дар идомаи баёнияи расмии ВКД омадааст, Муҳиддин Раҳматов ва духтараш Сарвиноз Раҳматова дар тасарруфи 450 000 (чорсаду панҷоҳ ҳазор) сомонӣ Саодат Ваҳобова, фурӯшандаи маркази савдои «Ҳоҷӣ Абдулазиз»-и шаҳри Хуҷанд айбдор мешаванд. "Айни ҳол, гумонбаршудагон Раҳматов Муҳиддин Ваҳобович, фарзандони ӯ — Раҳматов Адҳам Муҳиддинович ва Раҳматова Сарвиноз Муҳиддиновна дастгир ва аз манзили зисти онҳо як қисми далелҳои шайъӣ — ҷавоҳироти тиллоии тасарруфгардида ва олоти ҷиноят — силоҳи оташфишони тамғаи "Калашников", бо 12 адад тири ҷангии қутраш 5,45 мм дарёфт ва мусодира карда шуд.

Ба иттилоъи дафтари матбуотии ВКД ҶТ, чораҳои фаврӣ-ҷустуҷӯӣ барои муайян ва дастгир кардани ҳамиштирокчиёни ҷиноятҳои содиршуда — Раҳматов Олим Ваҳобович, соли таваллудаш 1971 ва Раҳматов Қиёмиддин Олимович, соли таваллудаш 1995 — сокинони шаҳри Хуҷанд, кӯчаи Ҷӯра Зокир хонаи 303 идома доранд.  

28
Барчаспҳо:
дар Хуҷанд ду сол пеш як оиларо куштанд, қатл, силоҳи Калашников, баёнияи расмии ВКД, боздошти гумонбарони куштор дар Суғд, РВКД дар вилояти Суғд, ВКД ҶТ, Раҳматов Муҳиддин Адҳамович, Бобоев Санҷарбек, Бобоев Аҳмадхӯҷа, Сарвиноз Раҳматова, Муҳиддин Раҳматов, ноҳияи Бобоҷон Ғафуров, вилояти Суғд, Тоҷикистон, Хуҷанд
Нож в руке, архивное фото

Марди 59 - сола писарони амакашро корд зад

349
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

349
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД
День 26 ноября

Ҷашнҳои рӯзи 26 ноябр дар Тоҷикистон ва ҷаҳон

0
(Таҷдидшуда 18:50 25.11.2020)
Рӯзи бисту шашуми ноябр, Рӯзи байналмилалии мубориза алайҳи хушунати занон ва Рӯзи сулҳи низомии Русия таҷлил мешавад

Рӯзи 26 ноябр дар ҷаҳон чӣ рух дод

Соли 1667 бар асари заминларза дар шаҳри Шамахии Озарбойҷон 80 ҳазор нафар ба ҳалокат расиданд.

Соли 1867  Алфред Нобел моддаи тарканда- динамитро ихтироъ кард.

Портрет Альфреда Нобеля, выполненный шведским фотографом Гестом Флорманом
Портрет Альфреда Нобеля, выполненный шведским фотографом Гестом Флорманом

Соли 1918 Розике Швиммер аввалин зане шуд, ки дар тӯли таърихи дипломатияи ҷаҳонӣ сафир интихоб гардид.

Соли 1991 Ҳизби сотсиалистии Украина ба қайд гирифта шуд.

Флаг Украины на здании Правительства Украины в Киеве, архивное фото
© Sputnik / Стрингер
Флаг Украины на здании Правительства Украины в Киеве, архивное фото

Соли 1996 СММ ба Ироқ барои фурӯхтани нафт бар ивази маводи озуқаворӣ иҷозат дод.

Соли 2014 раисҷумҳури Чехия Милош Земан бо сафари расмии серӯза ба Душанбе омад.

День 25 ноября
© Sputnik/ Стас Этвеш/ Мария Вишнякова

Рӯзи 26 ноябр дар Тоҷикистон чӣ рух дод

Соли 2010 дар шаҳри Душанбе раисҷумҳури Тоҷикистон Эмомалӣ Раҳмон дар ҳамоиши сарони ҳукуматҳои кишварҳои аъзои Созмони Ҳамкории Шанхай, ки дар бӯстонсароии шаҳрии Ҳукумати  Тоҷикистон баргузор гардид, суханронӣ карданд.

Соли 2010 раисҷумҳури Тоҷикистон Эмомалӣ Раҳмон бо раиси вақти Ҳукумати Федератсияи Русия Владимир Путин масоили гуногунҷанбаи Тоҷикистону Россия ва ҳамгироии ду кишвар дар таҳкими амнияту субот дар минтақаи Осиёи Марказӣ, мусоидат ба барқарорсозии иқтисодиёт ва ҳаёти осоиштаи Афғонистонро баррасӣ намуданд.

Рабочий визит В.Путина в Белоруссию. Архивное фото
© Sputnik / Алексей Никольский
Рабочий визит В.Путина в Белоруссию. Архивное фото

Соли 2013 палатаи поёнии Парлумони Тоҷикистон Қонуни Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи милитсия""-ро муҳокима намуд.

Соли 2014 қонунҳои Тоҷикистон дар бораи ворид намудани тағйиру иловаҳо ба қонунҳои Ҷумҳурии Тоҷикистон "Дар бораи амният", "Дар бораи мубориза бар зидди терроризм", "Дар бораи мубориза бар зидди экстремизм" ба имзо расида буданд.

Ҷашнҳои рӯзи 26 ноябр

  • Рӯзи байналмилалии мубориза бо хушунат алайҳи занон.
  • Дар Ҷумҳурии Суринам-Рӯзи истиқлолият.
  • Рӯзи сулҳи низомии Русия

Рӯзи 26 ноябр дар Тоҷикистон кӣ ба дунё омадааст

Солҳои (1887-1943) – генетик, ботаник ва географи машҳури рус Николай Вавилов.

Солҳои (1934-1984) – оҳангсоз Дости Орзуев.

Солҳо (1938-2007) – ходими хизматнишондода Асрор Рашидов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон
Ҷашнҳои рӯзи 24 ноябр дар Тоҷикистон ва ҷаҳон
Ҷашнҳои рӯзи 25 ноябр дар Тоҷикистон ва ҷаҳон