Бинои додгоҳи ноҳияи Исмоили Сомонӣ. Акс аз бойгонӣ

Рӯзноманигор Аминҷон Гулмуродзода ду сол аз озодӣ маҳрум шуд

22
(Таҷдидшуда 16:03 18.08.2015)
Додгоҳи ноҳияи Исмоили Сомонӣ Аминҷон Гулмуродзода, корманди Маркази маҳқиқоти журналистии Тоҷикистон ва писари марҳум Пайванди Гулмуродро ба ҷурми сохтакории ҳуҷҷат 2 сол зиндонӣ кард.

ДУШАНБЕ, 18 авг — Sputnik. Аминҷон Гулмуродзода, корманди Маркази таҳқиқоти журналистии Тоҷикистон 18 август бо ҷурми сохтакроии ҳуҷҷат ду сол аз озодӣ маҳрум шуд, менависад Радиои Озодӣ.

Аминҷон фарзанди собиқ факултаи журналистикаи Донишгоҳии миллии Тоҷикистон Пайванд Гулмуродзода аст.

Аминҷон Гулмуродзода дарҳол баъд аз эълони ҳукмаш дар толори додгоҳ ба ҳабс гирфта шуд ва Хуршед Исозода, додраси парванда гуфт, ки вай муҳлати ҷазояшро дар зиндони низомаш умумӣ паси сар хоҳад кард. Оқои Исозода гуфт, Аминҷон Гулмуродзода бар асоси моддаи 340, қисми 2, банди "а"-и Кодекси ҷиноии Тоҷикистон, яъне "сохтакории ҳуҷҷатҳо бо мақсади истифода аз ҷониби худи сохтакор ё шахси дигар, такроран" гунаҳкор эътироф шудааст.

Қаблан Абдумӯъмин Каримзода, айбдоркунандаи давлатӣ аз додрас хоста буд, ӯро ба чор соли зиндон маҳкум кунад.

Аминҷон Гулмуродзода ба он айбдор мешавад, ки гӯё соли 1989 бо ёрии падараш Пайванди Гулмурод аз бахши Сабти асноди ҳолати шаҳрвандӣ ё ЗАГС-и ноҳияи Рӯдакӣ шаҳодатномаи таваллуд гирифтааст, ки ба бовари мақомоти тафтишот қалбакӣ мебошад. Ба иддаои мақомоти тафтишотӣ Аминҷон бо истифода аз ин шаҳодатнома аз мақомоти корҳои дохилии ноҳияи Рӯдакӣ соли 1998 соҳиби шиноснома шудааст. Мақомот дар ин ҷиноят, ҳатто марҳум Пайванди Гулмурод, падари Аминҷони Гулмуродзодаро низ шарик медонанд.

Тафтишоти муқаддамотӣ нисбат ба ин парвандаро раёсати Кумитаи давлатии амнияти миллӣ дар шаҳри Душанбе ҳанӯз моҳи апрел оғоз карда ва моҳи июл ба поён расонда ва барои баррасӣ ба додситонии шаҳри Душанбе фиристода буд. Додситонии шаҳри Душанбе пас аз омӯзиши парванда онро барои баррасӣ ба додгоҳи Исмоили Сомонӣ пешниҳод кардааст.

Аммо Аминҷон Гулмуродзода иддаои мақомотро рад карда ва гуфта буд, ҳеч гуна сохтакории ҳуҷҷатҳо аз ҷониби вай сурат нагирифта ва шаҳодатномаи таваллуд ва дигар ҳуҷҷатҳои марбут ба ҳуввияташро дар чорчӯби қонун гирифтааст.

Аминҷон Гулмуродзода 1 январи соли 1982 дар шаҳри Душанбе таваллуд шудааст. Соли 2003 факултаи рӯзноманигории Донишгоҳи Миллии Тоҷикистонро бо дипломи аъло хатм кардааст. Аз соли 2002, яъне замони донишҷӯӣ, муҳаррири адабии рӯзномаи донишҷӯёни факулатаи журналистикаи ДМТ — "Қалам" фаъолият карда ва баъдан дар нашрияҳои "Факти и комментарии", "Маърифати омӯзгор", Радиои Озодӣ кор кардааст. Солҳои охир корманди Маркази таҳқиқоти журналистии Тоҷикистон буд.

22
Барчаспҳо:
2 сол, ҳуҷҷатҳо, сохтакорӣ, рӯзноманигор, зиндон, ҳукм, суди Исмоили Сомонӣ, Пайванд Гулмуродзода, Аминҷон Гулмуродзода, Душанбе
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2228
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2228
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон

Табодули таҷрибаву дониш: пизишкони Русия ба хотири кумак озими Қазоқистон шуданд - навор

0
Пизишкони Русия ба хотири имдод расондан ба ҳамтоёни қазоқи худ озими Қазоқистон шуданд ва муддати як моҳ бо онҳо табодули таҷрибаву дониш мекунанд

Пизишкони Русия ба хотири мубориза бурдан алайҳи маризии коронавирус озими Қазоқистон шуданд ва бо ҳамтоёни худ аз ин кишвар табодули донишу таҷриба мекунанд.

Таъкид мегардад, ки пизишкони Русия давоми яе моҳ дар Қазоқистон мемонанд ва роҳи дурусти мубориза алайҳи ин маризиро ба табибони қазоқ нишон медиҳанд.

Русия ба Қирғизистон барои мубориза бо коронавирус кӯмаки навбатӣ расонид

Ба ҳайати табибони рус, ки озими ин кишвар шуданд, пизишкони кӯдакона, анестизологу реанимотолог ва табибони бемориҳои сироятӣ қарор доранд.

Русия дар баробари ирсол намудани пизишкони ботаҷриба ба Ҷумҳурии  Қазоқистон, инчунин маводи доруворӣ ва таҷҳизоти тиббиро низ кумак кард.

0
Барчаспҳо:
навор, Қазоқистон, кумак, Русия