Занозанӣ. Акс аз бойгонӣ

Дар Шуғнон бозии футбол ба задухӯрди шадид бадал шуд

12
Афроде, ки дар ин задухурд даст доштаанд, ҳоло боздошт шуда, тафтиши қазия аз сӯи шӯъбаи корҳои дохилӣ идома дорад.

ДУШАНБЕ, 20 авг — Sputnik. Баъди як сабқати футбол дар ноҳияи Шуғнон, чор нафар боздошт шуда, як нафар бо ҳолати сангин ба бемористон интиқол ёфт, хабар медиҳад Радиои Озодӣ.

Дар миёни сокинони деҳаҳои Пиш ва Гожаки ноҳияи Шуғнони вилояти Бадахшон баъди як бозии футболи шоми 19 август моҷаро бархост ва тарафдорони дастаҳо ба якдигар дарафтоданд. Дар натиҷа, чанд нафар бар асари зарби санг захм бардошта ва як корманди зиддисӯхтори ноҳия — Анваршоҳ Шоҳлангаров бистарӣ шудааст. Ҳолати ӯ сангин арзёбӣ мешавад. Шоҳлангаров ҳамчунин раиси деҳаи Ғожаки ҷамоати Дарморахти ноҳияи Шуғнон будааст.

Сокинони маҳаллӣ ба Озодӣ гуфтаанд, Шоҳлангарон дар гузашта ҳам дар як чунин задухӯрди ҷавонҳои маҳаллӣ миёнаравӣ карда, шадидан лат хӯрдааст. Ҳоло Шоҳлангарон дар бемористони вилоятии Хоруғ бистарӣ шудааст.

Дар бораи сар задани моҷаро дар миёни мухлис ва бозигарони футбол дар Шуғнон 20 август ба Озодӣ капитан Назрибек Раҷаббеков, корманди Шӯъбаи корҳои дохилии ин ноҳия хабар додааст. Вай афзудааст, занозанӣ тақрибан соатҳои 16:00 рӯзи чоршанбе рух дод ва сабаби аслии он ноқаноатмандӣ аз натиҷаи бозӣ будааст. Вақте як даста ғолиб омада, дигараш мағлуб шудааст, ҷониби бохта ба нафарони пирӯз дарафтоданд.

Ҷавонони 19 то 23-солаи сокини деҳоти Пиш ва Гожак, ки дар бозӣ иштирок мекарданд, ба занозанӣ пардохта, баъдан ба онҳо мухлисону тамошобинон ҳам ҳамроҳ шуданд. Ҳарду ҷониб аз сангу чӯб истифода кардаанд.

Шӯъбаи корҳои дохилии Шуғнон мегӯяд, додситонии ноҳия аз рӯи ин моҷаро парванда боз карда тафтиши муқаддамотиро шурӯъ кардааст. Чаҳор ҷавоне, ки сабаби аслии муноқиша шуданд, боздошт шуда дар ШКД нигоҳдорӣ мешаванд.

12
Барчаспҳо:
таҳқиқ, боздошт, мухтисон, занозанӣ, футбол, Анваршоҳ Шоҳлангаров, Бадахшон, Шуғнон
ДТП, архивное фото

Садамаи маргбор: ронандаи "Опел-Зафира" марди 59 -соларо пахш кард

425
(Таҷдидшуда 13:44 04.03.2021)
Вазорати умури дохилаи Тоҷикистон аз садамаи маргборе дар ноҳияи Данғара хабар медиҳад, ки дар паи он марди 59 - сола ба ҳалокат расид

ДУШАНБЕ, 4 мар — Sputnik. Тибқи иттилои Вазортаи корҳои дохилӣ ин садамаи маргбор рӯзи 2-юми март, шабонгоҳ тахминан соати 23:00 ба вуқӯъ пайвастааст.

Гуфта мешавад, ки ронандаи худрави тамғаи "Опел-Зафира", Зарифов Сафармад Самадович, сокини 38 - солаи шаҳри Кӯлоб, ҳангоми ҳаракат аз шаҳри Душанбе ба самти шаҳри Кӯлоб, дар ҳудуди ҷамоати деҳоти И.Шарифи ноҳияи Данғара, аз уҳдаи идораи воситаи нақлиёт набаромадааст.

Садамаи маргбор: ҳалокати пирамарди 76-сола зери чархи мошини Камолиддин

Ӯ дар ҳамин ҳол, пиёдагард Шукуров Файзалӣ Эмомович, сокини 59 - солаи ҷамоати деҳоти Корези ноҳияи мазкурро пахш намудааст.

"Дар натиҷа, Шукуров Ф.Э. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзудааст, ки аз рӯи ин ҳодиса таҳқиқот идома дорад.

425
Барчаспҳо:
садамаи маргбор, маргбор, Тоҷикистон, садама
Арест, архивное фото

Боздошти марди 35 -сола: сокини Восеъро фиреб дода 25 ҳазор сомониашро гирифт

839
(Таҷдидшуда 12:14 06.02.2021)
Вазорати умури дохилаи Тоҷикистон аз боздошти марди 35 -сола бо ҷурми қаллобӣ хабар медиҳад, ки 25 ҳазор сомонии ҷавони 24 - соларо аз худ кардааст

ДУШАНБЕ, 6 феврал - Sputnik. Марде аз ноҳияи Файзобод ба боварии ҷавони 24 -сола даромада маблағи ӯро аз худ кардааст.

Бино ба гузориши Вазорати корҳои дохилӣ, ин мард дар паи баргузорииимни чорабиниҳои оперативӣ-ҷустуҷӯӣ дастгир шудааст.

Тибқи иттилои манбаъ, марди 35-солаи сокини ҷамоати деҳоти Мискинободи ноҳияи Файзобод бо гумони содир намудани кирдори қаллобӣ дастгир карда шуд.

Зани рус 11 шавҳарашро "зери хок" кард

Гуфта мешавад, ки ӯ, моҳи январи соли 2021, дар ҳудуди шаҳри Ваҳдат бо роҳи фиреб ба боварии ҷавони 24-солаи сокини ҷамоати деҳоти М.Вайсови ноҳияи Восеъ даромада, аз ӯ 25 ҳазор сомонӣ гирифта, то ҳол маблағашро барнагардонидааст.

Душанбе: ду ҷавон худро маъюб вонамуд карда, талбандагӣ мекарданд - акс

Манбаъ афзуда, ки аз рӯи ин ҳодиса тафтишот идома дорад.

839
Барчаспҳо:
ВКДҶТ, қаллобӣ, Файзобод, боздошт
Добыча угля, архивное фото

Шералӣ Кабир: истихроҷи ангишт дар як сол ба беш аз ду миллион тонна расид

0
(Таҷдидшуда 13:42 08.03.2021)
Вазири саноат ва технологияҳои нави Тоҷикистон, хабар додааст, ки дар як соли ахир дар кишвар беш аз ду миллион тонна ангишт истихроҷ шудааст

ДУШАНБЕ, 8 мар — Sputnik.  Шералӣ Кабир, дар суҳбат бо рӯзномаи ҷумҳурият таъкид доштаааст, ки истихроҷи ангишт дар Тоҷикистон дар як сол ба беш аз ду миллион тонна расидааст.

Вай афзуд, ки дар соли гузашта нуҳ корхона дар ҳафт кон фаъолият карда, як корхона бо сабаби ба охир расидани муҳлати амали иҷозатномаи ҳуқуқи истифодабарии сарватҳои зеризаминӣ фаъолиятро қатъ кард.

Вай қайд кард, ки истихроҷи ангишт дар ин давра беш аз ду миллион тоннаро ташкил дод.

Гуфта шудааст, ки аз ҷониби корхонаҳои соҳа 2,7 ҳазор тонна ангишт ба ҷумҳуриҳои Ӯзбекистон, Покистон ва Афғонистон содирот шуд.

Аз тарафи корхонаҳои ангишти кишвар ба маблағи беш аз 17 миллион сомонӣ 31 техникаву таҷҳизоти нави кӯҳкорӣ ворид шуд.

Ёдрас мешавем, ки чанде пеш мудири Агентии содироти назди Ҳукумати Тоҷикистон Шавкат Бобозода зимни нишасти матбуотӣ хабар дода буд, ки соли 2020 аз ҷониби корхонаи воҳиди давлатии "Тоҷагропромэкспорт" якҷо бо ширкатҳои ватании "Данғара" ва ширкатҳои "Айнӣ транзит ЛТД"-и Покистон ва ширкати "Брокинг стонер"-и  Ӯзбекистон созишномаҳои ҳамкорӣ ба имзо расонид.

"Ҳамчунин соли сипаришуда  аз ҷумҳурӣ ба Русия, Қазоқистон, Қирғизистон 274,7 тонна лимӯ содирот карда шудааст, ки нисбат ба ҳамин давраи соли гузашта 152 тонна зиёд мебошад", - тавзеҳ додааст Бобозода.

Соли 2020 содироти маҳсулоти ватанӣ 1 миллиард 406,9 миллион долларро ташкил дод, ки нисбат ба соли 2019  232,5 миллион  зиёд мебошад. Дар ин давра содироти маҳсулоти саноатӣ 1 миллиарду 330,4 миллион долларро ташкил дод, ки нисбат ба соли 2019  268,7 миллион зиёд мебошад.

Тибқи маълумоти оморӣ, соли сипаригашта аз қаламрави ҷумҳурӣ ба хориҷи кишвар 129,8 ҳазор тонна маҳсулоти кишоварзӣ ба маблағи 20 млн 13 ҳазор доллар содирот карда шудааст, ки нисбат ба соли 2019  10,9 ҳазор тонна зиёд мебошад.

0
Барчаспҳо:
саноат, истихроҷ, ангишт, Тоҷикистон