Киштии нафткаш дар баҳр. Акс аз бойгонӣ

Киштии нафткаши Русия ба Мисрота интиқол ёфт

7
(Таҷдидшуда 11:45 18.09.2015)
Неруҳоии дарёии Либия аз боздошти киштии нафткаши Русия хабар доданд. Танкери"Механик Чеботарев" шоми чаҳоршанбе дар ҳудуди Либия ба иттиҳоми қочоқи нафт боздошт шуда, сарнишинони киштӣ ҳанӯз мавриди бозпурсӣ қарор нагирифтаанд.

ДУШАНБЕ, 18 сен — Sputnik. Киштии нафткаши Русия "Механик Чеботарев" аз сӯи мақомоти Либия ба иттиҳоми қочоқи нафт боздошт шуда, ба пойгоҳи низомии дарёии Троблус дар бандари Мисрота интиқол дода шудааст, мегӯяд намояндаи Ситоди кулли неруҳои дарёии Либия, сарҳанг Айюб Қосим.

"Азбаски дар бандари Троблус киштиҳои зиёд қарор доштанду ҷой набуд, танкери Русия ба бандари Мисрота интиқол дода шуд", —гуфт ӯ. Ба гуфтаи ин сарҳанги либӣ, то ҳол сарнишинони танкер мавриди бозпурсӣ қарор нагирифтаанд.

"Вале бар асоси тартиботи муқарраршуда онҳо ҳатман бозпурсӣ мешаванд", — илова кард Қосим.

Сарҳанг либӣ афзуд, дар робита ба ин ҳодиса иқдомҳои лозимӣ дар Мисрота аз сӯи хадамоти гумрук, бозрасии дарёӣ ва горди соҳилӣ анҷом дода мешаваду баъдан парванда ба Додситонии кулли Либия барои тафтиши ин қазия тибқи қонунгузории ин кишвар фиристода хоҳад шуд.

Намояндаи Ситоди кулли неруҳои дарёии Либия таъкид кард, ки танкери нафткаши Русия то анҷоми раванди тафтишот ва қарори мақомоти ин кишвар дар ҳабс боқӣ хоҳад монд.

"Дар пойгоҳи низомии дарёии Троблус киштиҳои дигаре ҳам ҳастанд, ки қаблан аз сӯи мақомоти Либия боздошт шудаанду қарори додгоҳро мунтазиранд. Албатта, соҳибони онҳо дастрасӣ ба киштиҳои худро дар ҳоли ҳозир надоранд ва ин танкери Русия ҳам аз онҳо ҳеч фарқияте надорад ва онро тақдири киштиҳои дигар интизор аст", — афзуд ӯ.

Қосим изҳор доштааст, ки танкери Русия дар маконе боздошт шудааст, ки ҳамчун минтақаи қочоқи маводи нафт маъруф аст.

7
Барчаспҳо:
қочоқи нафт, киштӣ, боздошт, "Механик Чеботарев", Ситоди кулли неруҳои дарёӣ, Айюб Қосим, Троблус, Либия, Русия
Нож в руке, архивное фото

Марди 59 - сола писарони амакашро корд зад

347
(Таҷдидшуда 15:57 21.11.2020)
Вазорати умури дохилаи Тоҷикистон аз боздошти сокини 59 - солаи пойтахт хабар медиҳад, ки сӯи писарони амакаш корд кашида захмӣ кард

ДУШАНБЕ, 21 ноя — Sputnik. Вазорати корҳои дохилаи Тоҷикистон аз ҳодисаи кордкашӣ миёни писарони амак хабар медиҳад.

Тибқи иттилои ВУД, дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 59-солаи сокини шаҳри Душанбе бо гумони авбошӣ дастгир карда шуд. 

Гуфта мешавад, ки ӯ рӯзи 22-юми октябр, дар кӯчаи А. Назарии пойтахт бо маслиҳати пешакӣ бо ҳамсояаш марди 46-сола, бе ягон асос аз ҳиссиёти авбошӣ бо писарамаконаш: 3 нафар мардони 57, 50 ва 48-солаи сокинони шаҳри Душанбе ҷангу ҷанҷол кардааст.

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

"Дар натиҷа, номбурда бо корди дар дасташ буда, 1-маротиба ба таги чашми рости як писараамак ва 1-маротиба ба дасти рости писарамаки дигараш задааст, ки онҳо ҷароҳати ҷисмонӣ бардоштаанд", - омадааст дар хабарнома.

Манбаъ афзуда, ки нисбат ба номбурда аз тарафи Прокуратураи генералии Тоҷикистон парванлаи ҷиноятӣ бо моддаи 237 КҶ ҶТ оғоз карда шуда, тафтишот идома дорад.

347
Барчаспҳо:
ВКД ҶТ, боздошт, кордкашӣ, Тоҷикистон
Руки в наручниках, архивное фото

Боздошти сокини шаҳри Ваҳдат: боркашҳои "Дулан" ва "Мерседес"- ро оташ зад

416
(Таҷдидшуда 19:13 30.10.2020)
Вазорати умури дохилаи Тоҷикистон, аз боздошти Раҷабов Ҳамроҳиддин, сокини шаҳри Ваҳдат хабар медиҳад

ДУШАНБЕ, 30 окт — Sputnik. Вазорати корҳои дохилии Тоҷикистон хабар медиҳад, ки сокини шаҳри Ваҳдат ду худрави марди қарздорро оташ задааст.

Бино ба гузориши манбаъ, ҳодисаи мазкур рӯзи 29 октябр ба вуқӯъ пайвастааст.

Гуфта мешавад, ки шаҳрванд Раҷабов Ҳамроҳиддин Ҷалолович, сокини 50-солаи шаҳри Ваҳат, посбони таваққуфгоҳи ҶСК "Пахта", дар ҳолати мастӣ ду адад автомашинаи боркаши тамғаи "Дулан" ва "Мерседес"- ро оташ задааст.

Сокини Истаравшан зани 28 - солаашро кушту гардани худро бурид

Ин боркашҳо ба шаҳрванд Зеваров Илҳом тааллуқ доштаанд ва ӯ 9 моҳ ҳаққи таваққуфгоҳро пардохт накардааст.

Дар пайи ин ҳодиса ба нақлиёти номбурда зарари техникӣ расидаст.

Манбаъ афзудааст, ки Раҷабов Ҳамроҳиддин, аз тарафи кормандони милитсия дастгир гардида, маводи пешакӣ тартиб ва тафтиш идома дорад.

416
Барчаспҳо:
оташ, Ваҳдат, боркаш, Тоҷикистон, ВКД
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

0
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон