Акс аз навори видеоии марбут ба Гулмурод Ҳалимов

Кохи сафед: алайҳи Гулмурод Ҳалимов таҳрим ҷорӣ шуд

92
(Таҷдидшуда 22:02 12.10.2015)
Гулмурод Ҳалимов, собиқ фармондеҳи дастаи таъйиноти махсуси Вазорати корҳои дохилии Тоҷикистон моҳи майи соли равон ба саффи ҷангиёни созмони террористии “Давлати исломӣ” пайвастааст. Ҳоло исми ӯ ба руйхати афроде ворид гардидааст, ки алайҳи онҳо аз сӯи Амрико таҳрим эълон шудааст.

ДУШАНБЕ, 30 сен — Sputnik. Номи собиқ фармондеҳи фирории дастаи таъйиноти махсуси Вазорати корҳои дохилии Тоҷикистон Гулмурод Ҳалимов ба хотири ҳамкорӣ бо "Давлати исломӣ" ба руйхати "сиёҳ"-и Кохи сафед ворид шудааст, хабар медиҳад Департаменти давлатии Амрико.

Шаҳрванди Тоҷикистон Гулмурод Ҳалимов дар гузашта фармондеҳи дастаи таъйиноти махсуси Вазорати корҳои дохилии кишвар буд. Охирҳои моҳи майи соли равон хабари пайвастани он ба саффи "Давлати исломӣ" расонаӣ шуд. Дар пайи ин хабари марги ӯ низ ба матбуот роҳ ёфт, ки ҷонибдоронаш бо нашри аксҳои ӯ гуфтанд, Ҳалимов маҷруҳ мебошад.

"Мақомоти Амрико алайҳи воҳидҳои созмони террористии "Давлати исломӣ" дар минтақаи Қафқоз ва бархе аз раҳбарони он, ки дар куштани шаҳрвандони Русия муттаҳаманд, таҳрим ҷорӣ кардаанд", афзудааст манбаъ.

Тибқи иттилои Департаменти давлатии Амрико, ба ин руйхати террористҳо номи Рустам Аселдеров, маъруф ба "Амири Қафқоз", ки моҳи декабри соли 2014 аз сӯи раҳбарияти созмони "Давлати исломӣ" дар Қафқози шимолӣ амир интихоб шуд, шомил аст. Дар иҷрои ҳамлае гумонбар аст, ки дар пайи он моҳи сентябри соли равон шаҳрвандони Русия кушта шудаанд. Тибқи санади нашрнамудаи Вазорати молияи Амрико Аселдеров бо номи Абӯмуҳаммад ал-Қодирӣ ҳам маъруф аст.

Инчунин ба ин руйхат номи Тарҳан Ғозиев, ки бо ҷангиёни Қафқози шимолӣ аз соли 2003 ба ин сӯ ҳамкорӣ дорад ва Шамил Измайлов, раҳбари ҷангиёни русзабони "Давлати исломӣ" ворид карда шудааст.

Ғозиев шаҳрванди Русия буда, дар ҷумҳурии Чеченистони ин кишвар соли 1965 ба дунё омадааст. Аз соли 2007 фармондеҳии фронти ҷанубу ғарби "Аморати Қафқоз"-ро бар уҳда дошт. Соли 2010 тавассути хоки Туркия ба Сурия рафта, фармондеҳии гуруҳи "Тарҳан Ҷамоат"-и "Давлати исломӣ"-ро бардӯш гирифт.

Шамил Измайлов соли 1980 ба дунё омада, бо номи Абӯ Халиф ҳам машҳур аст. Сокини вилояти Астрахани Русия мебошад. Тибқи иттилои мақомоти амрикоӣ, ӯ қабл аз рафтан ба Сурия дар соли 2012 тамриноти низомӣ дида, баъдан бахши тамрингоҳи шахсии худро дар Миср ташкил намудааст. Соли 2013 раҳбарии ҷангиёни русзабони "Давлати исломӣ"-ро бар уҳда гирифт.

92
Барчаспҳо:
Давлати исломӣ, ҷангӣ, террорист, ҳамла, Амрико, таҳрим ҷорӣ шуд, Давлати исломӣ, Гулмурод Ҳалимов, Ироқ, Сурия, Амрико, Тоҷикистон, Русия
Задержание пранкеров в Душанбе

Боздошти "пранкерон": ҳабси Шаҳриёри Давлат ва 2 ҳаммаслаконаш - видео

1586
(Таҷдидшуда 17:07 07.08.2020)
Кормандони мақомоти милитсияи Душанбе дар асоси муроҷиати шаҳрвандон чорабиниҳои оперативӣ-ҷустуҷӯӣ роҳандозӣ карда шуда, пранкерон Шаҳриёри Давлат ва 2 ҳаммаслаконашро боздошт кард

ДУШАНБЕ, 7 авг — Sputnik. Чанде пеш дар ютуб-шабакаи шахсии сарояндаи ҷавон Шаҳриёр Давлатов навор ё ба истилоҳ «пранк»-е нашр гардид, ки дар он ҳолати вайрон намудани тартиботи ҷамъиятӣ ва тарғиби бадгуфториву алфози қабеҳ инъикос ёфтаанд.

Бино ба гузориши Раёсати ВКД дар шаҳри Душанбе навори мазкур мавриди вокуниши манфии шаҳрвандону истифодабарандагони шабакаҳои иҷтимоии интернетӣ қарор гирифта, корбарон аз Раёсати ВКД дар шаҳри Душанбе дархост намуданд, то нисбати чунин блогерон чораандешӣ карда шавад.

Дар паи санҷиши РВКД дар шаҳри Душанбе муайян гардидааст, ки навори мазкур қаблан бо маслиҳати пешакӣ бо соҳибмулки шабака, яъне Шаҳриёри Давлат гӯё ба хотири санҷиш ва мушоҳидаи вокуниши ӯ омода гаштааст.

Дар навори мазкур дида мешавад, ки ҷавонони ҳамкор ва ё шогирдони Шаҳриёр чархҳои автомашинаи ӯро кушода, ба истилоҳ ӯро «пранк» намуда, мехоҳанд вокуниш ва ҷавоби Шаҳриёрро дар чунин ҳолат мавриди санҷиш қарор диҳанд.

Дар натиҷа Шаҳриёр Давлатов чуноне дар навор дида мешавад бо мушоҳидаи ин ҳолат тартиботи ҷамъиятиро дағалона вайрон намуда, нисбати ҳамкорони худ суханони қабеҳ ва амалу рафтори ноҷо намуда, ҳамзамон дидаву дониста ин наворро, ки дорои саҳнаи хушунат ва алфози қабеҳ мебошад дар шабакаи худ нашр намудааст.

Аз ҷониби кормандони мақомоти милитсияи пойтахт дар асоси муроҷиати шаҳрвандон вобаста ба ҳолати мазкур як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, Давлатов Шаҳриёр Нусратович соли таваллудаш 07.09.1991, истиқоматкунандаи вилояти Хатлон, ноҳияи Вахш ҷамоати деҳоти Киров-1, деҳаи Қуштеппа, Мирзоев Дилшод Нодирович соли таваллудаш 25.06.1988, истиқоматкунандаи ноҳияи Рӯдакӣ, ҷамоати деҳотӣ Лоҳур, деҳаи Гулисой ва Солеҳзода Фарҳод Файзулло соли таваллудаш 12. 10.1992. истиқоматкунандаи вилояти Хатлон, ноҳияи Ёвон, ҷамоати деҳоти Ҳасан-Ҳусейн, деҳаи Тилло Солеҳ дастгир ва нисбаташон чораандешӣ карда шуд.

Задержание пранкеров в Душанбе
Задержание пранкеров в Душанбе

Бо назардошти ҳолати мазкур нисбат ба ҳамаи номбурдагон тибқи талаботи моддаи 460 Кодекси ҳуқуқвайронкунии маъмурии Ҷумҳурии Тоҷикистон протоколи ҳуқуқвайронкунии маъмурӣ тартиб дода шуда, бо қарори Суд нисбат ба ҳар кадоме ҷазо дар намуди ҳабси маъмурӣ ба муҳлати 10-шабонарӯзӣ таъин карда шуданд.

1586
Барчаспҳо:
боздошт, ВКД, Тоҷикистон
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2252
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2252
Барчаспҳо:
БДА, корманд, коррупсия, Тоҷикистон
Здание парламента Республики Таджикистан

Баррасии ҳамкориҳои парлумонӣ: мулоқоти раиси Маҷлиси намояндагон бо сафири Ҳинд

0
(Таҷдидшуда 01:31 15.08.2020)
Раиси Маҷлиси намояндагони Тоҷикистон бо сафири Ҳинд дар Душанбе дидору мулоқот кард

ДУШАНБЕ, 15 авг — Sputnik.  Ба нақл дафтари матбуоти парлумони Тоҷикистон, Муҳаммадтоҳир Зокирзода, бо Вироҷ Синг сафири Ҳиндустон дар Душнбе дидор ва гуфтугӯ кард.

Муҳаммадато Султонов сухангӯи Маҷлиси намояндагони Тоҷикистон гуфт, дар мулоқот ду тараф дурнмои ҳамкориҳои байни парлумонии Тоҷикистон ва Ҳиндустон баҳс ва баррасӣ шуд. 

Вай афзуд, дар ин мулоқот таъкид шуд, ки Маҷлиси  намояндагони Маҷлиси Олии Тоҷикистон ба тавсеа ва густариши муносибот бо Ҳинд таваҷҷӯҳи  вижа кунад. 

Бояд қайд кард, ки мақомоти Тоҷикистон ва Ҳиндустон аз соли 1991 то кунун 70 тавофуқнома барои ҳамкорӣ дар бахшҳои мухталиф бо якдигар имзо карданд.

Ҳудуди 80 ширкати ҳиндӣ дар Тоҷикстон фаъолият мекунанд.

0
Барчаспҳо:
Душанбе, маҷлис, парлумон, ҳамкорӣ, Ҳинд, Тоҷикистон