Сайидумар Ҳусайнӣ. Акс аз бойгонӣ

Донишҷӯи тоҷик: “Бародарони мусалмон” ба Ҳусайнӣ хона тӯҳфа кардаанд

41
(Таҷдидшуда 22:10 12.10.2015)
Аз номи донишҷӯи тоҷик Муҳаммадазиз Саидназаров , ки алъон муҳассили Донишгоҳи Ал-Аҳзари Қоҳира аст, хабаре ба нашр расид, ки тибқи ин нома “гӯйё” созмони дар Тоҷикистон террористӣ эътирофшудаи “Бародарони мусалмон” ба муовини аввали раиси ҲНИТ Сайидумар Ҳусайнӣ дар маркази пойтахти Миср хонаи се ҳуҷрадор тақдим кардааст.

Душанбе, 9 окт — Sputnik. Ташкилоти мисрии "Бародарони мусалмон" (Ихвон-ал-муслимин)-и Миср, ки дар Тоҷикистон ҳамчун созмони ифротгароӣ эътироф шудааст, дар соли 2010 ба муовини аввали боздоштшудаи раиси ҲНИТ Сайидумар Ҳусайнӣ хонаи се ҳуҷрадор дар Қоҳира тақдим кардааст, менависад АМИТ "Ховар" бо такя ба номаи донишҷӯи тоҷик Муҳаммадазиз Саидназаров.

"Ман ҳамчун як толибилми азҳарӣ бисёр шунида будам, ки шайхони араб мунтазам ба роҳбарон ва аъзои ҲНИТ "кумакҳои бародарона" мерасонанд, аммо шоҳиди чунин ҳодиса нагардида будам. Вале ҳодисае, ки соли 2010 рух дод, мо донишҷӯёни тоҷикро ба ҳайрат гузошт, моҳи майи соли 2010 Саидумар Ҳусайнӣ муовини аввали ҲНИТ бо ҳамроҳии ҳамсараш Давлатова Сафармо ба Ҷумҳурии Миср сафар намуда, барои ба сар бурдани фарзандонашон Абдулло Умарӣ ва Ҳисайнов Тоҳир хонаи истиқоматии се ҳуҷрадор дар маҳалаи 7-ум, кучаи Ҳофиз Бадавӣ, иморати 21 хонаи 4, шаҳраки Насри Коҳира ба маблағи хеле гарон харидорӣ намуданд",- қайд мешавад дар номаи донишҷӯ, ки онро оҷонсии расмии Тоҷикистон нашр кардааст.

Ин донишҷӯ меафзояд, муовини аввали ҲНИТ дар суҳбат бо мо таъкид намуд, ки хонаи харидааш тақрибан 50 000 (панҷоҳ ҳазор) доллари амрикоӣ буда, барои таҳсили фарзадонаш дар Миср харидорӣ шудааст.

"Ҳамчунин писари ӯ Ҳисайнов Тоҳир дар назди мо борҳо таъкид намуд, ки хонаҳои дар Миср ва Туркия буда, умуман ба маблағҳои махсуси ҳизб дахл надорад. Ҳ.Тоҳир муътақид аст, ки он маблағҳо аз ҷониби "бародарони мусалмон" "тақдим" гардидааст",- қайд мешавад дар мактуби ӯ.

Дар интиҳои ин хабар навишта шудааст, ки ба  қавли Т. Ҳисайнов, падараш С. Ҳусайнӣ мақсад доштааст, ки санаи 16 сентябри соли 2015, аз тариқи хатсайри Душанбе-Алмаато-Қоҳира вориди Миср гардида, дар шаҳри Қоҳира дар хонаи мазкур паноҳ барад, ӯро ҳамон рӯз ҳангоми фирор, аз дохили ҳавопаймо кормандони ҳифзи ҳуқуқ дастгир намуданд.

Донишгоҳи Ал-Аҳзари Миср аз маъруфтарин донишгоҳҳои исломии дунё маҳсуб гардида, дар маркази Қоҳира ҷойгир аст.

 

41
Барчаспҳо:
номаи донишҷӯи тоҷик, муовини аввали раиси ҲНИТ, қазияи ҲНИТ, хонаи се ҳуҷрадор ба Ҳусайнӣ, донишгоҳи Ал-Аҳзар, ҲНИТ, Ихвон-ал-муслимин, Бародарони мусалмон, Муҳаммадазиз Саидназаров, Абдулло Умарӣ, Тоҳир Ҳисайнов, Сайидумар Ҳусайнӣ, Қоҳира, Миср, Душанбе, Тоҷикистон
Мавзуҳо:
ҲНИТ дар “гирдоб”-и сиёсат (31)
Задержание пранкеров в Душанбе

Боздошти "пранкерон": ҳабси Шаҳриёри Давлат ва 2 ҳаммаслаконаш - видео

1586
(Таҷдидшуда 17:07 07.08.2020)
Кормандони мақомоти милитсияи Душанбе дар асоси муроҷиати шаҳрвандон чорабиниҳои оперативӣ-ҷустуҷӯӣ роҳандозӣ карда шуда, пранкерон Шаҳриёри Давлат ва 2 ҳаммаслаконашро боздошт кард

ДУШАНБЕ, 7 авг — Sputnik. Чанде пеш дар ютуб-шабакаи шахсии сарояндаи ҷавон Шаҳриёр Давлатов навор ё ба истилоҳ «пранк»-е нашр гардид, ки дар он ҳолати вайрон намудани тартиботи ҷамъиятӣ ва тарғиби бадгуфториву алфози қабеҳ инъикос ёфтаанд.

Бино ба гузориши Раёсати ВКД дар шаҳри Душанбе навори мазкур мавриди вокуниши манфии шаҳрвандону истифодабарандагони шабакаҳои иҷтимоии интернетӣ қарор гирифта, корбарон аз Раёсати ВКД дар шаҳри Душанбе дархост намуданд, то нисбати чунин блогерон чораандешӣ карда шавад.

Дар паи санҷиши РВКД дар шаҳри Душанбе муайян гардидааст, ки навори мазкур қаблан бо маслиҳати пешакӣ бо соҳибмулки шабака, яъне Шаҳриёри Давлат гӯё ба хотири санҷиш ва мушоҳидаи вокуниши ӯ омода гаштааст.

Дар навори мазкур дида мешавад, ки ҷавонони ҳамкор ва ё шогирдони Шаҳриёр чархҳои автомашинаи ӯро кушода, ба истилоҳ ӯро «пранк» намуда, мехоҳанд вокуниш ва ҷавоби Шаҳриёрро дар чунин ҳолат мавриди санҷиш қарор диҳанд.

Дар натиҷа Шаҳриёр Давлатов чуноне дар навор дида мешавад бо мушоҳидаи ин ҳолат тартиботи ҷамъиятиро дағалона вайрон намуда, нисбати ҳамкорони худ суханони қабеҳ ва амалу рафтори ноҷо намуда, ҳамзамон дидаву дониста ин наворро, ки дорои саҳнаи хушунат ва алфози қабеҳ мебошад дар шабакаи худ нашр намудааст.

Аз ҷониби кормандони мақомоти милитсияи пойтахт дар асоси муроҷиати шаҳрвандон вобаста ба ҳолати мазкур як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, Давлатов Шаҳриёр Нусратович соли таваллудаш 07.09.1991, истиқоматкунандаи вилояти Хатлон, ноҳияи Вахш ҷамоати деҳоти Киров-1, деҳаи Қуштеппа, Мирзоев Дилшод Нодирович соли таваллудаш 25.06.1988, истиқоматкунандаи ноҳияи Рӯдакӣ, ҷамоати деҳотӣ Лоҳур, деҳаи Гулисой ва Солеҳзода Фарҳод Файзулло соли таваллудаш 12. 10.1992. истиқоматкунандаи вилояти Хатлон, ноҳияи Ёвон, ҷамоати деҳоти Ҳасан-Ҳусейн, деҳаи Тилло Солеҳ дастгир ва нисбаташон чораандешӣ карда шуд.

Задержание пранкеров в Душанбе
Задержание пранкеров в Душанбе

Бо назардошти ҳолати мазкур нисбат ба ҳамаи номбурдагон тибқи талаботи моддаи 460 Кодекси ҳуқуқвайронкунии маъмурии Ҷумҳурии Тоҷикистон протоколи ҳуқуқвайронкунии маъмурӣ тартиб дода шуда, бо қарори Суд нисбат ба ҳар кадоме ҷазо дар намуди ҳабси маъмурӣ ба муҳлати 10-шабонарӯзӣ таъин карда шуданд.

1586
Барчаспҳо:
боздошт, ВКД, Тоҷикистон
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2252
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2252
Барчаспҳо:
БДА, корманд, коррупсия, Тоҷикистон
Тонущий человек, архивное фото

Заврақи худсохти марговар: чор узви як хонавода дар Айнӣ ба дарё ғарқ шуданд

0
(Таҷдидшуда 12:36 15.08.2020)
Бахши Раёсати Кумитаи ҳолатҳои фавқулода дар ноҳияи Айнӣ ва Дастаи махсуси зудамали наҷот дар водии Зарафшон ба ҷои ҳодиса сафарбар шуда, ба ҷустуҷӯи ғарқшудагон оғоз карданд

ДУШАНБЕ, 15 авг — Sputnik. Чор узви як хонавода дар Айнӣ ба дарё ғарқ шуданд, гузориш медиҳад аз ҳодисаи нохуш Кумитаи ҳолатҳои фавқуллодаи Тоҷикистон. Он мехостанд савори заврақи худсохте дарёи Искандарро убур кунанд.

Гуфта мешавад,  ҳодиса 14 август, тахминан соати 09:50 рух додааст.

"4 нафар сокинони деҳаи Махшевади ноҳияи Айнӣ ҳангоми убур бо заврақи худсохт аз болои дарёи Искандар дар об ғарқ шудаанд. Ин 4 нафар узви як оила мебошанд", - тавзеҳ медиҳад КҲФ.

Бино ба иттилои Раёсати Кумитаи ҳолатҳои фавқулода ва мудифаи граждании назди Ҳукумати Ҷумҳурии Тоҷикистон дар вилояти Суғд,  заврақи худсохт аз беэҳтиётӣ чаппа шуда, чор узви як хонадон, ки падар 61-сола ва боқимонда аз 33 то 2-сола буданд, ба коми дарё рафтанд.

Баъд аз гирифтани ахбори фаврӣ сардори бахши Раёсати Кумитаи ҳолатҳои фавқулода дар ноҳияи Айнӣ ва  Дастаи махсуси зудамали  наҷот дар водии Зарафшон ба ҷои ҳодиса сафарбар шуда, ба ҷустуҷӯи ғарқшудагон оғоз карданд.

30 нафар даст ба даст гирифта зани ғарқшударо аз об берун оварданд - навор

0