Намояндаи расмии Вазорати корҳои хориҷии Русия Мария Захарова. Акс аз бойгонӣ

ВКХ-и Русия: марги Умар бо диққат таҳқиқ мешавад

26
Таҳқиқи омилҳои марги тифли як хонаводаи Тоҷикистон ва санҷишҳои дахлдор ҳар чи зудтар ва ошкору бо диққат гузаронида хоҳад шуд, гуфтааст, намояндаи расмии Вазорати корҳои хориҷии Русия Мария Захарова.

ДУШАНБЕ, 23 окт — Sputnik. Намояндаи расмии Вазорати корҳои хориҷии Русия Мария Захарова дар шарҳи марги тифли навзоди хонаводаи тоҷик дар шаҳри Санкт-Петербург ваъда додааст, ки таҳқиқи ин ҳодиса ба таври ошкорову бодиққат анҷом дода мешавад.

Қаблан Вазорати корҳои хориҷии Тоҷикистон хабар дода буд, ки кормандони Хадамоти федеролии муҳоҷирати Адмиралтейскийи Санкт-Петербург ду шаҳрванди кишварро ҳамроҳ бо кӯдаки 5-моҳа боздошт карда, ба шуъбаи пулис бурдаанд. Ба иттилои мақомоти тоҷик, дар шуъбаи пулис модарро аз фарзанд ҷудо кардаанд. Баъд аз содир шудани қарори хуруҷи ин зани тоҷик аз қаламрави Русия ӯ барои гирифтани фарзанди худ ба шуъбаи пулис меояд, ки кормандони шуъба ба ӯ намегӯянд, фарзанди ширхорааш дар куҷо аст. Танҳо субҳи 14 октябр маълум мешавад, ки тифл фавтидааст.

"Инҷо сухан дар бораи омилҳои марг дар натиҷаи беэҳтиётӣ ва иҷро нашудани вазифаҳои касбӣ ба таври матлуб меравад. Раванд ва натоиҷи ин ҳодиса таҳти назорати додситонии шаҳри Санкт-Петербург қарор дорад. Инчунин фаъолияти кормандони худро Вазорати корҳои дохилӣ, Хадамоти федеролии муҳоҷират ва Вазорати тандурустии Русия бо диққат назорат мекунанд", — гуфтааст, Захарова дар суҳбат бо хабарнигорон.

"Дар навбати худ ба Шумо гуфтаниам, ки мо пайваста бо тамоми ниҳодҳои ҷалбшуда ба таҳқиқи ин ҳодиса дар тамосем ва ба Шумо ваъда медиҳам, ки ин тафтишот ва санҷишҳои дахлдор ҳар чи зудтар ба таври ошкорову бодиққат анҷом дода мешавад", — афзудааст, ӯ.

Марги ин тифли тоҷик дар Русия бо вокуниши шадиди ҷомеа рӯбарӯ шуд. Вазорати корҳои хориҷии Русия ҳам аз ВКД, ХФМ ва Вазорати тандурустии ин кишвар хостори таҳқиқи ин ҳодиса шудааст. Инчунин Ваколатдори ҳуқуқи кӯдак дар назди раисҷумҳури Русия Павел Астахов ҳам ба ин ҳодиса таваҷҷуҳ зоҳир кардааст.

26
Барчаспҳо:
шуъба, пулис, тифл, кӯдак, Санкт-Петербург, ВКХ, таҳқиқ, Русия, Тоҷикистон, таҳқиқи марги Умар, ВКХ Тоҷикистон, ВКХ ФР, Мария Захарова, Санкт-Петербург, Тоҷикистон, Русия
Мавзуҳо:
Вокуниши шадиди ҷомеъа ба марги Умаралии панҷмоҳа дар Санкт-Петербург (15)
Арест, архивное фото

Миёнарави фиребгар: боркаши "Рено"-ро фурӯхт ва 160 ҳазор сомониро ба соҳибаш надод

129
(Таҷдидшуда 15:09 02.07.2020)
Вазорати корҳои дохилии Тоҷикистон аз боздошти марди 38-солаи шаҳри Хуҷанд ба гумони қаллобӣ хабар медиҳад

ДУШАНБЕ, 2 июл — Sputnik. Вазорати корҳои дохилии Тоҷикистон мегӯяд, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Ёваи шаҳри Хуҷанд ҳамчун гумонбар дар содир намудани кирдори қаллобӣ дастгир карда шуд.

Гуфта мешавад, ки ӯ рӯзи 6-уми сентиябри соли 2019, бо роҳи фиреб ба боварии марди 33-солаи сокини ҷамоати деҳоти Сомониёни ноҳияи Ҷаббор Расулов даромада, аз ӯ 1-адад автомашинаи боркашии тамғаи “Рено”-ро ба маблағи 160 ҳазор сомонӣ барои фурӯш гирифтааст.

Ожонси зидди фасод раиси хоҷагии деҳқониеро барои заминфурӯшӣ боздошт кард

ВКД дар идома ин қазия мегӯяд, марди қаллоб маблағҳои бадастовардаашро ба манфитаи шахсиаш сарф намудааст.

Манбаъ афзуда, кинНисбати гумонбаршаванда парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

129
Барчаспҳо:
ВКД, қаллоб, боздошт, Тоҷикистон
Руки в наручниках, архивное фото

Боздошти марде, ки духтари ҷавонро таҳқир кард - акс

690
(Таҷдидшуда 16:32 14.06.2020)
Раёсати Вазорати корҳои дохилии шаҳри Душанбе аз боздошти марди бадрафтор ва ҳақорачтӣ хабар додааст, ки чанд рӯз боз навори бадгӯияш дар интернет паҳн шудааст

ДУШАНБЕ, 14 июн – Sputnik. Вазорати корҳои дохилӣ мегӯяд, ин мард дар паи шикояти духтари ҷавоне боздошт шудааст.

Бино ба гузориши манбаъ, ҷавонзани сокини ноҳияи Синои пойтахт бо ирсоли навори дағалгуфтории марди тақрибан 45-50 сола аз Раёсати ВКД дар шаҳри Душанбе хоҳиш намудааст, ки нисбати номбурда чораҳои дахлдори қонунӣ андешида шавад. Навори мазкур дар сомонаҳои иҷтимоӣ мавриди вокуниши шадиди шаҳрвандон қарор гирифтааст.

Пеши роҳашро гирифту ишораи таҳқиромез кард: шикояти духтари ҷавон ва муҷозоти ронанда

Муроҷиати мазкур таҳти баррасии фаврии милитсияи пойтахт қарор гирифта, шахсият ва сабаби сар задани ҳодисаи мазкур муайяну ошкор карда шуд.

"Зимни баргузории як қатор чорабиниҳои оперативӣ-санҷишӣ муайян карда шуд, ки ин нафар шаҳрванд Шарипов Абдуғаффор Абдумаҷидович соли таваллудаш 16.10.1975. сокини шаҳри Душанбе кӯчаи Клара Сеткина бинои 12 мебошад", - омадааст дар хабарнома.

Тибқи иттилои РВКД, дар натиҷаи пурсиши гумонбар ва ҷабрдида муайян карда шуд, ки ҷавонзани муроҷиаткунанда зимни партофтани партов воқеъ дар кӯчаи К. Сеткина, партови худро дар ҷойи муқарарнагардида гузоштааст, ки боиси эрод ва дашному ҳақорати ин мард гардидааст.

Шарипов Абдуғаффор Абдумаҷидович
Шарипов Абдуғаффор Абдумаҷидович

 

Ҳамзамон маълум карда шуд, ки марди дастгиршуда, дар ҳолати мастӣ қарор дошта, масъул ва назораткунандаи партовгоҳи кӯчаи мазкур будааст.

Манбаъ афзуда, ки феълан нисбати номбурда барои содир намудани кирдорҳои майдаавбошона протоколи ҳуқуқвайронкунии маъмурӣ бо моддаи 460 Кодекси ҳуқуқвайронкунии маъмурии Ҷумҳурии Тоҷикистон оғоз карда шуда, барои баррасӣ ба Суди ноҳияи Синои шаҳри Душанбе ирсол карда шудааст.

690
Барчаспҳо:
таҳқиромез, таҳқир, боздошт, Душанбе
Сотрудники санитарных служб проводят обработку улиц

Кӯчаву хиёбонҳои шаҳри Хуҷанд дубора безарар гардонида мешаванд

0
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавад

ДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.

Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.

"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.

Манбаъ афзуда, ки корҳои безараргардонӣ дар вилояти Суғд идома доранд.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

0
Барчаспҳо:
пешгирӣ, поксозӣ, вируси нав, Суғд
Мавзуҳо:
Пайомадҳои COVID-19 дар Тоҷикистон ва ҷаҳон