Акси Умаралӣ Назарови панҷмоҳа дар саҳифаҳои расонаҳои тоҷикӣ

ВАО: бозпурсии падару модари Умаралӣ Назаров дар шӯъбаи пулис

20
(Таҷдидшуда 09:35 29.10.2015)
Айни замон ҳуқуқшиносҳои Сафорати Тоҷикистон дар Маскав барои баррасии ҷузъиёти марги навзоди тоҷик, гирифтани ҷасади кӯдак аз сардхона ва ба хок супоридани он, ба шаҳри Санкт-Петербург омадаанд.

ДУШАНБЕ, 29 окт — Sputnik. Шоми рӯзи гузашта волидони Умаралӣ Назарови панҷмоҳа, ки рӯзи 13-котябр дар шаҳри Санкт- Петербург даргузашт, аз ҷониби муфаттишони шӯъбаи корҳои дохилии ноҳияи Адмиралтейски ин шаҳр мавриди бозпурсии чандсоата қарор гирифтанд.

Қаблан дар ВАО-и Русия иттилоъе пахш шуда буд, ки гӯйё барои канораҷӯӣ аз масъулияти марги Умаралии 5-моҳа, кормандони ниҳодҳои қудратии ин кишвар қасд доранд нисбати Заррина Юнусова ва Рустам Назаров, падару модари кӯдак бо моддаи "бемасъулиятӣ дар тарбияти фарзанд" парвандаи ҷиноӣ боз кунанд.

Ҳамзамон, вакили мудофеъи онҳо Сергей Голуб ба расонаҳо гуфтааст, интизор меравад тайи чанд рӯзи оянда додгоҳи шаҳри Санкт-Петербург шикояти хонум Юнусоваро дар мавриди қарори додгоҳи ноҳияи Октябр дар бораи ихроҷаш аз қаламрави Русия бозбинӣ кунад.

Бар асоси ҳукми ин додгоҳ дар 13 октябри соли ҷорӣ Зарина Юнусова барои "Нақзи муқаррароти будубош дар Русия" ба миқдори аз 5 то 7 ҳазор рубл ҷарима шуда ва иҷборан аз хоки ин кишвар ихроҷ хоҳад шуд.

Дар ҳамин ҳол, консули ифтихории Тоҷикистон дар Санкт- Петербург Муҳаммадназар Мирзода гуфтааст, дар қазияи марги кӯдаки навзоди тоҷик ҷанбаи сиёсӣ вуҷуд надорад.

"Бо дар назардошти ҳузури ҳазорон тан аз шаҳрвандони Тоҷикистон дар Русия ба ҳодисаи марги навзоди тоҷик тобиши сиёсӣ додан лозим нест, ҳарчанд ниҳодҳои Русия борҳо дар баробари шаҳрвандони мо чунин муносибати беэътиёнаро раво дидаанд",- илова кардааст ӯ.

Айни замон ҳуқуқшиносҳои Сафорати Тоҷикистон дар Маскав барои баррасии ҷузъиёти марги навзоди тоҷик, гирифтани ҷасади кӯдак аз сардхона ва ба хок супоридани он ба шаҳри Санкт-Петербург омадаанд.

Зимнан, рӯзи гузашта низ Вазорати умури дохилии Тоҷикистон эълом кард, ки дар робита ба тафтиши парвандаи ҷиноятии марги Умаралӣ Назаров, ки дар ҷомеа сару садоҳоеро ба бор овардааст, бо вазорати умури дохилии Русия ҳамкорӣ дорад.

"Аз ҷониби Сарраёсати тафтишотии Кумитаи тафтишотии Русия дар нисбати ин ҳодиса парвандаи ҷиноятӣ боз шуда ва тафтишот идома дорад. Намояндаи ВКД-и Тоҷикистон дар Русия генерал-майори милитсия Азизов А.К аз рафти ҷараёни тафтиши парвандаи ҷиноятӣ мунтазам огоҳ аст",- омадааст дар иттилоъияи вазорат.

Ёдрас менамоем, рӯзи 13 октябри соли равон мақомоти пулиси шаҳри Санкт-Петербурги Русия бо баҳонаи нақзи қонуни муҳоҷирати ин кишвар Рустам Назаров ва Заррина Юнусова, шаҳрвандони Тоҷикистонро бо писари панҷмоҳаашон Умаралӣ Назаров боздошт карданд. Сипас, пулис Умаралии 5-моҳаро аз волидайнаш ҷудо карда, баъди як рӯз хабари марги ӯро ба волидонаш расониданд. Ин ҳодиса дар маҳофили ҷомеъаи шаҳрвандии Тоҷикистону Русия вокуниши шадидро ба бор овард.

Кулли матолиби марбути ин мавзӯъро аз ин ҷо мутолиа намоед>>  

20
Барчаспҳо:
сару садо, тафтиш, бозпурсӣ, марги тифли панҷмоҳа, қазияи марги тифли панҷмоҳаи тоҷик дар Петербург, муҳоҷират, фавти кӯдаки панҷмоҳаи тоҷик, шӯъбаи пулиси Адмиралтейский, консулгарии ҶТ дар Санкт-Петербург, Сафорати ҶТ дар Маскав, Сергей Голуб, Рустам Назаров, Заррина Юнусова, Умар Назаров, Умаралӣ Назаров, Тоҷикистон, Душанбе, ноҳияи Октябр, Адмиралтейский, Санкт-Петербург, Русия
Певица Наргиз Закирова

Наргиз дар бораи Ефремов: ӯ бояд паси панҷара равад

627
(Таҷдидшуда 11:36 06.09.2020)
Ба гуфти Наргиз ӯ ҳунармандро то замоне дастгирӣ мекард, вале ӯ худро дар баррасии додгоҳӣ рафтори номуносиб кард

ДУШАНБЕ, 6 сен — Sputnik. Сарояндаи машҳури Русия, Наргиз Зокирова рафтори ҳунарманд Михаил Ефремовро дар додгоҳ, ки парвандаи садамаи марговар баррасӣ мешавад, шарҳ дод.

"Вақте ман мебинам, ки ин ба як сафсатае табдил меёбад...Вақте ман мебинам, ки Михаил Ефремов нисбати хешовандони қурбоншуда муносибати дағалона мекунад, вақте мебинам, чигуна ӯ дар додгоҳ мешинад", - изҳор дошт Наргиз дар мусоҳиба бо шабакаи НТВ.

Наргиз афзуд, ки Ефремов бояд барои куштори одам аз рӯи қонун ҷавоб гӯяд ва паси панҷара равад.

Ба гуфти ӯ барои вазъи саломатиаш худи ӯ ва наздиконаш масъул ҳастанд, на ҷомеъа.

"Оне, ки ӯ бемор аст, мушкили ҷомеъа нест, ин дар навбати аввал мушкили худи ӯст. Ва мушкили наздиконаш, ки ӯро иҳота мекунанд", - изҳор дошт сароянда.

Наргиз мегӯяд, рафти баррасии парвандаро мушоҳида дорад, гарчӣ наонқадар кори хушоянд аст.

Ёдрас мешавем, ки рӯзи 8 июн бо иштироки ҳунарманд Михаил Ефремов садамаи маргбор рух дод.

Ба гуфти мақомот, Ефремов сари чанбараки Jeep Grand Cherokee ба роҳи муқобил баромад ва бо худрави "Лада" бархӯрд. Ронандаи мошини истеҳсоли ватанӣ курери мағозаи интернетӣ - Сергей Захаров, аз ҷароҳатҳои бардошта дар бемористон ба ҳалокат расид.

Пас аз ин ҳодиса кашамакашиҳои зиёде сар шуд: аввал ҳунарманд ба кори кардааш иқрор шуд, вале баъдтар ҳимоятгарони ӯ парвандаро ба таври дигар бурда, аз иқрори гуноҳ саркашӣ карданд.

Феълан Ефремов дар бандии хонагӣ қарор дорад, ба ӯ аз 5 то 12 соли зиндон таҳдид мекунад.

Ҳукми ҳунарманд рӯзи 8 сентябр эълон хоҳад шуд.

627
Барчаспҳо:
ҳукм, Русия
Сомони и доллары, архивное фото

Мардумфиребӣ: 96 ҳазор сомонӣ гирифту, хоҷагии "Маҳмуд" - ро ҳуҷҷатгузорӣ накард

424
(Таҷдидшуда 18:17 01.09.2020)
Вазорати умури дохилаи Тоҷикистон аз ду ҳолати қаллобӣ яке дар шаҳри Душанбе ва дигаре дар Ваҳдат, хабар медиҳад

ДУШАНБЕ, 1 сен - Sputnik. Тибқи иттилои Вазорати умури дохилӣ, ба ШВКД-1 дар ноҳияи Сино бо ариза марди 36-солаи сокини пойтахт муроҷиат намудааст.

Ӯ шикоят кардааст, ки рӯзи 6-уми августи соли 2020, ҳангоми дар кӯчаи Абдуллобекови ҳамин ноҳия қарор доштанаш, марди 40-солаи сокини ҷамоати деҳоти Хераварзи ноҳияи Ҷ. Балхӣ бо роҳи фиреб ба бовариаш даромада, аз ӯ 30-тонна ордро ҷамъ ба маблағи 55 ҳазору 503 доллари амрикоӣ барои фурӯхтан гирифта, маблағашро ба манфати шахсиаш сарф намудааст. 

Мардумфиреб ба даст афтод: 10 000 гирифту дар озод шудани боздоштшудаҳо мусоидат накард

Инчунин ба ШВКД дар шаҳри Ваҳдат бо ариза марди 66-солаи сокини шаҳри Душанбе, муроҷиат намудааст.

Ин мард гуфтааст, ки соли 2016, ду ҷавони 26-солаи сокинони ҷамоати деҳоти Гулистони шаҳри Ваҳдат бо роҳи фиреб ба бовариаш даромада, аз ӯ 96 ҳазор сомонӣ гирифта, ваъда додаанд, ки хоҷагии деҳқонии фермерии ба номи “Маҳмуд” бо бинои ёрирасон, дар ҷамоати деҳоти Гулистонро ба номаш ҳуҷҷатгузорӣ карда медиҳанд.

Аммо маблағи гирифтаашонро ба манфиати шахсиашон сарф намудаанд.

Вазорати умури дохилаи Тоҷикистон мегӯяд, аз рӯи ин ҳодисаҳо тафтишот идома дорад.

424
Барчаспҳо:
Тоҷикистон, ВКД, қаллобӣ
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон