Табиби дармонгоҳ. Акс аз бойгонӣ

Сабаби марги Умаралии 5-моҳаро 14 ноябр эълон мекунанд

22
(Таҷдидшуда 10:36 09.11.2015)
Бар асоси фарзияи муфаттишон, табибон вазифаи касбии худро пурра барои наҷоти муҳоҷири 5-моҳаи тоҷик сарф накардаанд.

ДУШАНБЕ, 30 окт — Sputnik. Омилҳои марги кӯдаки 5-моҳа аз Тоҷикистон Умаралӣ Назаров, ки дар беморхонаи шаҳри Санкт-Петербург ба ҳалокат расид, бояд то 14 ноябр, замони эълони натоиҷи ташхис муайян шавад, мегӯяд, ваколатдори ҳуқуқи кӯдак дар ин шаҳр Светлана Агапитова.

"Ҳоло раванди таҳқиқи Кумитаи тафтишот ба анҷом нарасидааст ва сухан гуфтан дар бораи омилҳои марги Умаралӣ ҳам ҳанӯз зуд аст. Натоиҷи ташхис то 14 ноябр эълон мешавад ва он замон сабаби фавти ин кӯдак ҳам муайян хоҳад шуд",-меафзояд хонум Агапитова.

Ба қавли ӯ, дар робита ба ин қазия парвандаи ҷиноӣ тибқи "моддаи вазнин барои табибон" боз шудааст.

Агатипова илова кард, ки муфаттишон бар ин фарзия ҳастанд, ки гӯиё табибон вазифаи касбии худро барои наҷоти кӯдак пурра анҷом надодаанд.

Ин ваколадори ҳуқуқи кӯдак мегӯяд, ҳоло онҳо дар робита ба ин қазия бо ҷамъияти тоҷикони Санкт-Петербург ҳамкорӣ доранд ва дархостеро низ дар ин бора аз ҳамтои тоҷикистонии худ дарёфт кардаанд.

"Барои мо ин бисёр як ҳодисаи даҳшатовар аст. Вале мо бояд ҳоло муайян кунем, ки чи рӯх додааст, то дар оянда аз такрори он ҷилавгирӣ намоем",- мегӯяд ӯ.

Рӯзи 13-уми октябри соли равон кормандони Хадамоти федеролии муҳоҷирати Русия дар вилояти Санкт-Петербург шаҳрвандони Тоҷикистон Далер Назаров ва Заррина Юнусоваро бо сабаби риоя накардани қавонини муҳоҷират ва нақзи қоидаи будубош дар Русия боздошт карда, тифли панҷмоҳаи онҳо Назаров Умаралиро, ки ба парасторӣ ниёз дошт, аз модар ҷудо карда, ба дигар ҷо интиқол медиҳанд.

Ҳамон рӯз Назаров ва Юнусова ба додгоҳи ҷиноятҳои маъмурӣ интиқол ёфта, баъди панҷ соат қарори додгоҳ дар мавриди ихтиёран тарк кардани ин хонаводаи тоҷик қаламрави Русияро содир шудааст.

Вақте Заррина Назарова ба идораи пулис барои гирифтани фарзандаш меояд, ба ӯ иттилои дақиқе дар бораи маҳалли нигаҳдории тифлаш дода натавонистаанд ва танҳо як рӯз баъд 14 октябр ба ӯ ҷасади беҷони Умари 5-моҳаро супоридаанд.

Дар робита ба марги Умаралии 5-моҳа ҳамоишҳои эътирозӣ дар шаҳрҳои Маскав ва Ню-Йорк баргузор карда шуд, ки иштирокдорон таҳқиқоти ошкоро ва мунсифонаи ҳодисаро аз мақомоти рус талаб карданд.

22
Барчаспҳо:
Агатипова, натоиҷ, ташхис, ҳуқуқ, ваколатдор, омил, Умаралӣ, Назаров, кӯдак, Умар, Санкт-Петербург, марг, фавт, муҳоҷир, сабаб, Ваколатдори ҳуқуқи кӯдак, Светлана Агапитова, Умаралӣ Назаров, Санкт-Петербург, Ню-Йорк, Тоҷикистон, Русия, Маскав
Мавзуҳо:
Вокуниши шадиди ҷомеъа ба марги Умаралии панҷмоҳа дар Санкт-Петербург (15)
Арест. Архивное фото

Пули "Бонки Эсхата" -ро зада, терминалҳоро шикастанд: боздошти ду бародар ва рафиқашон

556
(Таҷдидшуда 13:13 13.01.2021)
Бародарон Сайҳун ва Абдумаҷид Абдуманоновҳо ва ҳамаслаки онҳо Суҳроб Ҷӯраев баъди дуздии пайдарпайи терминалҳои пулгузаронӣ дар маҳаллаҳои Хуҷанд, оқибат ба дасти милитсия афтоданд

ДУШАНБЕ, 13 янв – Sputnik. Идораи Раёсати вазорати корҳои дохилӣ дар вилояти Суғд бо ироаи ин иттилоъ гуфт, нафарони боздоштшуда, ҳама сокинони шаҳри Хуҷанд буда, аз моҳи декабри соли гузашта то аввалҳои моҳи январи соли ҷорӣ ба ғорати терминалҳои пулгузаронӣ машғул шудаанд, ки дар ҳафт ҳолат аз 2760 то 12 000 сомониро дуздидаанд.

Акбар Шарифӣ, сухангӯи РВКД дар Суғд дар суҳбат ба Sputnik Тоҷикистон гуфт, ҷавонон ин ҷиноятро шабона содир намудаанд.

"Гумонбарон дар ҳайати гурӯҳ бо маслиҳати пешакӣ ва бо асбоби оҳании мехкашӣ сарпуши теминалҳоро кушода, дастгоҳи пулқабулкунӣ ё кешкодро тасарруф намуда, баъди ба дасти овардани маблағи ҷамъшуда, таҷҳизоти пулқабулкунакро ҳамчун ашёи нолозим партофтаанд", - гуфт Шарифӣ.

Ба иттилои манбаъ, ин гурӯҳи ҷавонон ба ҷуз дуздии маблағи терминалҳои мавҷудбуда дар маҳаллаҳои 13, 18, 20 ва 28 - уми Хуҷанд ба соҳибмулкон "Бонки Эсхата" ва "Душанбе Ситӣ" зарари молумулкӣ расонидаанд.

Гумонбарон аз ҷумла санаи 14 декабри соли гузашта аз терминали назди мағозаи "Доро" воқеъ дар маҳаллаи 20 - уми Хуҷанд 7518 сомониро тасарруф намуда, дастгоҳи ҳисоб ва қабули пул, ки маҷмӯан 4950 сомонӣ арзиш дошт, шикаста корношоям кардаанд.

Боздошти келини 21-солаи хона, ки хусурро ғорат карду ду “Лексус” ва як “Киа” харид-видео

Мақомоти милитсияи шаҳри Хуҷанд ҳоло нисбати "иттифоқи сегона" бародарон Сайҳуни 28 - сола, бародараш Абдумаҷид Абдуманнонови 22 - сола ва шарики онҳо Сӯҳроб Ҷӯраеви19 - сола, бар асоси моддаи 244 (дуздӣ ) - и Кодекси ҷиноятӣ парванда оғоз намудааст.

556
Барчаспҳо:
Суғд, боздошти гумонбарон, боздошт, ғорат, Бонк
Машина скорой помощи

Бистарӣ шудани ҷавони 20-сола аз зарби корд дар Душанбе

403
(Таҷдидшуда 17:34 14.01.2021)
Вазорати корҳои дохилии Тоҷикистон аз боздошти ҷавони 24-сола хабар медиҳад, ки ҷавони 20-соларо бо зарби корд захмӣ кардааст

ДУШАНБЕ, 8 янв – Sputnik. Бино ба гузориши Вазорати корҳои дохилӣ, ба ШВКД-2 дар ноҳияи Сино бо ариза марди 48-солаи сокини ноҳияи мазкур муроҷиат намудааст.

Ӯ шикоят кардааст, ки рӯзи 5-уми январ, тахминан соати 17:30, дар кӯчаи Н.Махсуми пойтахт шахсони номаълум аз ҳиссиёти авбошӣ, бе ягон асос писараш ҷавони 20-соларо лату кӯб намудаанд.

Ҳамчунин авбошон бо корди дар дасташон буда, 1 маротиба ба пой ва шикамаш задаанд.

"Дар натиҷа, номбурда ҷароҳати ҷисмонӣ бардошта, дар беморхона бистарӣ мегардад", - омадааст дар хабарнома.

Дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини пойтахт бо гумони содир намудани ҷинояти авбошӣ дастгир карда шуд.

Кордкашии ноболиғон дар Душанбе дар шаби Соли нав

Манбаъ афзуда, ки аз рӯи ин ҳодиса тафтишот идома дорад.

403
Барчаспҳо:
бистарӣ шудан, кордкашӣ, ВКД
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон