Завлона

ВКД: боздошти табиби 54 сола ва дарёфти нашъа

33
(Таҷдидшуда 12:06 18.11.2015)
Кормандони мақомоти умури дохила дар ноҳияи Исфараи вилояти Суғд аснои як амалиёти вижа дандонпизишкеро бо иттиҳоми пораҷӯӣ дастгир намуданд.

ДУШАНБЕ, 18 ноя — Sputnik. Дар шаҳри Исфараи вилояти Суғд пизишки дандон бо гумони тамаъҷӯӣ бо маблағи 16 ҳазор рубли русӣ боздошт шудааст.

Ба иттилои Вазорати умури дохилаи Тоҷикистон рӯзи сешанбеи гузашта пизишки дардон бо роҳи тамаъҷӯӣ аз бемор ҷавони 26-сола барои ҷарроҳии илтиҳоби устухони ҷоғи поён, 16000 рубли русӣ талаб кардааст, ки дар натиҷа аз ҷониби кормандони ҳифзи ҳуқуқ дастгир шудааст.


Ҳамзамон, дар ҷануби кишвар ду шаҳрванди кишвар, ки ба хариду фурӯши маводи нашъадор сару кор доштанд, боздошт шуданд.

"Зимни гузаронидани чорабиниҳои оперативӣ-ҷустуҷӯӣ бо гумони мумилоти ғайриқонунии маводи мухаддир марди 32-сола ва 49-солаи сокинони ноҳияи Панҷ дастгир гардиданд, ки дар вақти кофтукови шахсӣ аз онҳо 990 грамм ҳашиш дарёфт ва мусодира карда шуд", —менависад сомонаи ВКД.

Нисбат ба далелҳои мазкур парвандаи ҷиноятӣ оғоз гардида, тафтишот идома дорад.

33
Барчаспҳо:
далел, мард, нашъа, парванда, тафтишот, боздошт, ҷиноят, ВКД-и Тоҷикистон, Панҷ, Исфара, Суғд, Тоҷикистон
Мавзуъ
ВКД: як сокини Хуҷанд ба иттиҳоми қаллобӣ боздошт шуд
Арест, архивное фото

Миёнарави фиребгар: боркаши "Рено"-ро фурӯхт ва 160 ҳазор сомониро ба соҳибаш надод

122
(Таҷдидшуда 15:09 02.07.2020)
Вазорати корҳои дохилии Тоҷикистон аз боздошти марди 38-солаи шаҳри Хуҷанд ба гумони қаллобӣ хабар медиҳад

ДУШАНБЕ, 2 июл — Sputnik. Вазорати корҳои дохилии Тоҷикистон мегӯяд, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Ёваи шаҳри Хуҷанд ҳамчун гумонбар дар содир намудани кирдори қаллобӣ дастгир карда шуд.

Гуфта мешавад, ки ӯ рӯзи 6-уми сентиябри соли 2019, бо роҳи фиреб ба боварии марди 33-солаи сокини ҷамоати деҳоти Сомониёни ноҳияи Ҷаббор Расулов даромада, аз ӯ 1-адад автомашинаи боркашии тамғаи “Рено”-ро ба маблағи 160 ҳазор сомонӣ барои фурӯш гирифтааст.

Ожонси зидди фасод раиси хоҷагии деҳқониеро барои заминфурӯшӣ боздошт кард

ВКД дар идома ин қазия мегӯяд, марди қаллоб маблағҳои бадастовардаашро ба манфитаи шахсиаш сарф намудааст.

Манбаъ афзуда, кинНисбати гумонбаршаванда парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

122
Барчаспҳо:
ВКД, қаллоб, боздошт, Тоҷикистон
Руки в наручниках, архивное фото

Боздошти марде, ки духтари ҷавонро таҳқир кард - акс

685
(Таҷдидшуда 16:32 14.06.2020)
Раёсати Вазорати корҳои дохилии шаҳри Душанбе аз боздошти марди бадрафтор ва ҳақорачтӣ хабар додааст, ки чанд рӯз боз навори бадгӯияш дар интернет паҳн шудааст

ДУШАНБЕ, 14 июн – Sputnik. Вазорати корҳои дохилӣ мегӯяд, ин мард дар паи шикояти духтари ҷавоне боздошт шудааст.

Бино ба гузориши манбаъ, ҷавонзани сокини ноҳияи Синои пойтахт бо ирсоли навори дағалгуфтории марди тақрибан 45-50 сола аз Раёсати ВКД дар шаҳри Душанбе хоҳиш намудааст, ки нисбати номбурда чораҳои дахлдори қонунӣ андешида шавад. Навори мазкур дар сомонаҳои иҷтимоӣ мавриди вокуниши шадиди шаҳрвандон қарор гирифтааст.

Пеши роҳашро гирифту ишораи таҳқиромез кард: шикояти духтари ҷавон ва муҷозоти ронанда

Муроҷиати мазкур таҳти баррасии фаврии милитсияи пойтахт қарор гирифта, шахсият ва сабаби сар задани ҳодисаи мазкур муайяну ошкор карда шуд.

"Зимни баргузории як қатор чорабиниҳои оперативӣ-санҷишӣ муайян карда шуд, ки ин нафар шаҳрванд Шарипов Абдуғаффор Абдумаҷидович соли таваллудаш 16.10.1975. сокини шаҳри Душанбе кӯчаи Клара Сеткина бинои 12 мебошад", - омадааст дар хабарнома.

Тибқи иттилои РВКД, дар натиҷаи пурсиши гумонбар ва ҷабрдида муайян карда шуд, ки ҷавонзани муроҷиаткунанда зимни партофтани партов воқеъ дар кӯчаи К. Сеткина, партови худро дар ҷойи муқарарнагардида гузоштааст, ки боиси эрод ва дашному ҳақорати ин мард гардидааст.

Шарипов Абдуғаффор Абдумаҷидович
Шарипов Абдуғаффор Абдумаҷидович

 

Ҳамзамон маълум карда шуд, ки марди дастгиршуда, дар ҳолати мастӣ қарор дошта, масъул ва назораткунандаи партовгоҳи кӯчаи мазкур будааст.

Манбаъ афзуда, ки феълан нисбати номбурда барои содир намудани кирдорҳои майдаавбошона протоколи ҳуқуқвайронкунии маъмурӣ бо моддаи 460 Кодекси ҳуқуқвайронкунии маъмурии Ҷумҳурии Тоҷикистон оғоз карда шуда, барои баррасӣ ба Суди ноҳияи Синои шаҳри Душанбе ирсол карда шудааст.

685
Барчаспҳо:
таҳқиромез, таҳқир, боздошт, Душанбе
Раскопки древнего городища Пенджакент в Таджикистане

Оғози тадқиқот дар мавзеи таърихии Қалъаи Лағмон

0
(Таҷдидшуда 11:31 06.07.2020)
Қалъаи Лағмон дар соҳилҳои шарқии дарёи Вахш, дар наздикии деҳаи Иттифоқи ҷамоати деҳоти Узун ҷойгир шудааст

ДУШАНБЕ, 6 июл — Sputnik. Шуъбаи бостоншиносии Институти таърих бостоншиносӣ ва мардумшиносии Академияи миллии илмҳои Тоҷикистон дар мавзеи таърихии Қалъаи Лағмони ноҳияи Ҷалолиддини Балхӣ ба тадқиқоти бостоншиносӣ оғоз кардааст.

Дар ин бора АМИТ «Ховар» бо такя ба Академияи миллии илмҳои Тоҷикистон иттилоъ медиҳад.

Бино ба иттилоӣ манбаъ, аввалин маротиба ин мавзеи таърихӣ соли 1875 кашф гардида буд. Дар харитае, ки ҳамон солҳо олимон тартиб доданд, дар соҳилҳои дарёи Вахш ду нуқта дар масофаи 2 км дуртар аз якдигар ҷойгир буда, яке Лехма ва дигаре Лехмаи ҷанубӣ номгир шудаанд.

Бояд тазаккур дод, ки Қалъаи Лағмон дар масофаи 12 км аз ёдгории таърихии Ҳалевард дар соҳилҳои шарқии дарёи Вахш, дар наздикии деҳаи Иттифоқи ҷамоати деҳоти Узун ҷойгир шуда, 42,5 гектарро ташкил медиҳад.

Ба гуфти бостоншиносон, шаҳрак аз чор дарвоза иборат буда, дарвозаҳо дар маркази деворҳои шимолӣ ва кунҷи ҷанубу шарқии шаҳрак мавҷуданд.

Шаҳрак низоми муҳофизатии устувор дошт ва соҳаи кишоварзияш хеле тараққикарда ба ҳисоб мерафт. Зеро аз натиҷаи тадқиқоте, ки то имрӯз ба даст омадааст, ин мавзеи таърихии Қалъаи Лағмон маркази минтақаи азими кишоварзӣ дар замони худ будааст.

0
Барчаспҳо:
Академияи илмҳои Тоҷикистон, Тоҷикистон, бостоншиносӣ