Зарина Юнусова бо ҷасади беҷони Умаралӣ Назаров дар фурудгоҳи Душанбе

Шӯрои ФР қазияи Умаралиро таҳти назорат мегирад

28
(Таҷдидшуда 15:46 19.11.2015)
Сенаторҳои рус тасмим гирифтанд дар қазияи Умаралӣ Назаров, тифли панҷмоҳаи тоҷик, ки дар беморхонаи ба номи Тсимбалинаи шаҳри Санкт- Петербург фавтида буд, таҳти назорат бигиранд.

ДУШАНБЕ, 19 ноя — Sputnik. Бо дастури муовини раиси Шӯрои федератсияи Русия Елена Мизулина Кумитаи қонунгузорӣ бояд раванди тафтишоти марги кӯдакро таҳти назорат қарор дода, аз натоиҷи он ба ҳамкорон хабар диҳад.

"Комилан норавшан аст, чӣ хел ин ҳодиса рух додааст",-гуфтааст Мизулина.

Қаблан муовини раиси Кумитаи қонунгузории конситутсионии Шӯрои федератсия Елена Мизулина дар робита ба марги Умаралӣ ба раҳбарияти Кумитаи тафтишотӣ ва Додситонии кулли Русия муроҷиат кард. Ба гуфтаи сенатор, ин ҳодиса бояд ба мансабдорони давлатии рус дарс шавад.

Дирӯз ҳам масъалаи марги кӯдаки ширхораи Зарина Юнусова дар ҷаласаи Шӯрои федератсияи Русия аз сӯи хонум Мизулина ба миён гузошта шуд.

"Ин шеваи кор метавонад, дӯстони моро ба душаман табдил диҳад",-афзудааст ӯ.

Ӯ таъкид кард, ки худ шахсан раванди тафтишоти марги тифли тоҷик дар беморхонаи Русияро таҳти назорат қарор хоҳад дод ва ба ҳамкорони худ хронологияи ҳодисаро нақл кард.

Боздошт ва ихроҷ

"14 октябри соли равон ба таври мармуз дар шаҳри Санкт-Петербург кӯдаки 5-моҳаи тоҷик Умаралӣ Назаров ҷон дод. Дар рӯзи равшан ин тифлро аз модараш, ки гӯиё муҳлати будубоши қонунии ӯ ба итмом расидааст, ҷудо мекунанд. Ба эътирози волидайн нигоҳ накарда, Умаралӣ Назаровро ҳамчун кӯдаки бесарпаноҳ ба қайд мегиранду дар Маркази тавонбахшии кӯдакон дур аз муроқибати волидайн ҳамчун солим бистарӣ менамоянд",-изҳор доштааст сенатор.

Ин ҳодиса замоне рух дод, ки шоми 13 ба 14 октябр соли равон кормандони Хадамоти федеролии муҳоҷирати Русия дар вилояти Санкт-Петербург модари ӯ Заррина Юнусоваро бо сабаби риоя накардани қавонини муҳоҷират ва нақзи қоидаи будубош дар қаламрави кишвари худ боздошт мекунанд ва ба шӯъбаи пулис интиқол медиҳанд.

Дар шӯъбаи пулис модарро аз фарзанди 5-моҳаи ширхора ҷудо карда, барои иҷрои расмиёти нақзи қавонини будубош ба додгоҳ мебаранд ва тифлашро дар ихтиёри кормандони пулис мегузоранд, ки баъдан ба беморхона интиқол меёбад.

Вақте Заррина Назарова ба идораи пулис барои гирифтани фарзандаш меояд, ба ӯ иттилои дақиқе дар бораи маҳалли нигаҳдории тифлаш дода натавонистаанд ва танҳо як рӯз баъд 14 октябр ба ӯ ҷасади беҷони Умари 5-моҳаро супоридаанд.

Дар баробари муроҷиати сенатори рус ваколатдори ҳуқуқи кӯдак дар назди раисҷумҳури Русия Павел Астахов ҳам ба вазири корҳои дохилӣ Владимир Колоколтсев ва додситонии кулли ин кишвар Юрий Чайке муроҷиат карда, хостори таҳқиқи барои таҳқиқи марги Умари 5-моҳа шуда буд.

Қазияи марги Умаралӣ таҳқиқ мехоҳад

Вале то ҳол ҳеч ниҳод расман сабаби марги ин тифли тоҷикро шарҳ надодааст ва танҳо Вазорати корҳои дохилии Тоҷикистон дар пайи вокуниши шадиди ҷомеаи маданӣ дар робита ба қазияи Умаралӣ иттилоия пахш карда, гуфт, сабаби марги ин кӯдак бар пояи ташхиси табибони рус "вируси шадиди респираторӣ" мебошад.

Ҳоло бо қарори додгоҳ модари Умаралӣ аз Русия ихроҷ шуда, ӯ ҳамроҳ бо ҷасади беҷони фарзандаш субҳи 16 ноябр ба Ватан боз гашт. Худи ин рӯз ҷасади кӯдак бидуни ташхиси дубора дар зодгоҳаш ноҳияи Файзобод ба хок супорида шуд.

© Sputnik
Наздикони Умар бар инанд, ки узвҳои ӯ ҳамчун донор истифода шудааст

Яке аз наздикони Умаралӣ Назаров, оқои Мирзо Шарипов дар суҳбат бо Sputnik гуфт, ки ба ғайр аз хабарнигорон ва чанд фаъоли ҷомеаи шаҳрвандӣ то ҳол ба онҳо ягон нафар аз мақомоти Тоҷикистон тамос нагирифтааст ва аз аҳволашон напурсидааст.

Кулли матолиби марбут ба қазияи тифли панҷмоҳаи тоҷик, Умаралӣ Назаров, ки дар шаҳри Санкт- Петербург ба таври мармуз ҷон ин ҷо маҳфуз аст>>

28
Барчаспҳо:
федеролӣ, фавтида, шӯро, кӯдак, ҷасад, марги кӯдаки панҷмоҳаи тоҷик дар Питер, қазияи Умаралӣ, Мирзо Шарипов, Юрий Чайке, Елена Мизулина, Зарина Юсупова, Павел Астахов, Умаралӣ Назаров, Файзобод, Санкт-Петербург, Тоҷикистон, Русия
Мавзуҳо:
Вокуниши шадиди ҷомеъа ба марги Умаралии панҷмоҳа дар Санкт-Петербург (15)
Мавзуъ
Ҷасади Умаралӣ бе ташхиси мустақилона ба хок супорида шуд
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2221
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2221
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

0
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

0