Боздошт. Акс аз бойгонӣ

ВКД: латту кӯби марди афғон ва ҳалокати духтарчаи 3 сола

57
(Таҷдидшуда 11:03 30.11.2015)
Зимни гузаронидани чорабиниҳои оперативӣ-ҷустуҷӯӣ бо гумони авбошӣ ва ғоратгарӣ ду сокини шаҳри Ваҳдат боздошт шуданд.

ДУШАНБЕ, 30 ноя — Sputnik. Вазорати корҳои дохилии Тоҷикистон мегӯяд, бо иттиҳоми авбошӣ ва ғоратгарӣ ду марди 21 ва 35-солаи сокинони шаҳри Ваҳдат боздошт шудаанд.

Тибқи иттилои манбаъ, дар пайи шикояти як марди 45-солаи афғон, истиқоматкунандаи кӯчаи Рӯдакии шаҳри Ваҳдат ду нафар сокинони шаҳри мазкур бо иттиҳоми авбошӣ ва ғоратгарӣ дастгир шуданд.

"Рӯзи 19 ноябр тахминан соати 20:30 шахсони номаълум дар назди хонаи истиқоматиаш марди афғонро бе ягон асос латту кӯб намуда, бо роҳи зӯроварӣ аз дасташ 3000 сомонӣ ва 2 телефони мобилиашро тасарруф намуда, аз ҷойи ҳодиса ғайб задаанд", — иттилоъ медиҳад манбаъ.

Ба иттилои ВКД-и Тоҷикистон рӯзи шанбеи гузашта марди 27-солаи ноҳияи Ёвон, ронандаи автомашинаи тамғаи "Мерседес-Бенс" аз уҳдаи идораи автомашина набаромада дар қаламрави деҳаи "Ҷавонӣ"-и ноҳияи мазкур духтарчаи 3- соларо пахш намудааст.

Дар натиҷа, пиёдагарди хурдсол ҷароҳати вазнини ҷисмонӣ бардошта, дар беморхона ба ҳалокат мерасад.

Аз рӯи ин ду ҳодиса парвандаи ҷиноӣ боз шуда, тафтишот идома дорад.

57
Барчаспҳо:
беморхона, ҳалокат, садама, тафтишот, ғоратгарӣ, авбошӣ, боздошт, ВКД-и Тоҷикистон, Ёвон, Душанбе, Ваҳдат, Тоҷикистон
Арест, архивное фото

Боздошти марди 35 -сола: сокини Восеъро фиреб дода 25 ҳазор сомониашро гирифт

826
(Таҷдидшуда 12:14 06.02.2021)
Вазорати умури дохилаи Тоҷикистон аз боздошти марди 35 -сола бо ҷурми қаллобӣ хабар медиҳад, ки 25 ҳазор сомонии ҷавони 24 - соларо аз худ кардааст

ДУШАНБЕ, 6 феврал - Sputnik. Марде аз ноҳияи Файзобод ба боварии ҷавони 24 -сола даромада маблағи ӯро аз худ кардааст.

Бино ба гузориши Вазорати корҳои дохилӣ, ин мард дар паи баргузорииимни чорабиниҳои оперативӣ-ҷустуҷӯӣ дастгир шудааст.

Тибқи иттилои манбаъ, марди 35-солаи сокини ҷамоати деҳоти Мискинободи ноҳияи Файзобод бо гумони содир намудани кирдори қаллобӣ дастгир карда шуд.

Зани рус 11 шавҳарашро "зери хок" кард

Гуфта мешавад, ки ӯ, моҳи январи соли 2021, дар ҳудуди шаҳри Ваҳдат бо роҳи фиреб ба боварии ҷавони 24-солаи сокини ҷамоати деҳоти М.Вайсови ноҳияи Восеъ даромада, аз ӯ 25 ҳазор сомонӣ гирифта, то ҳол маблағашро барнагардонидааст.

Душанбе: ду ҷавон худро маъюб вонамуд карда, талбандагӣ мекарданд - акс

Манбаъ афзуда, ки аз рӯи ин ҳодиса тафтишот идома дорад.

826
Барчаспҳо:
ВКДҶТ, қаллобӣ, Файзобод, боздошт
Похороны в Таджикистане, архивное фото

Ҷасади падару духтар, ки дар Перм кушта шуданд, ба Тоҷикистон интиқол дода мешавад

3191
(Таҷдидшуда 11:09 06.02.2021)
Бо қарори хешовандон ҷасади духтар ва падараш, ки аз ҷониби домод кушта шуданд, ба Тоҷикистон интиқол дода мешавад

ДУШАНБЕ, 6 феврал - Sputnik. Ҷасади падар ва духтар бо қарори хонавода, рӯзи шанбе тариқи ҳавопаймо барои ба хок супоридан ба Тоҷикистон интиқол дода мешавад, хабар медиҳад РИА Новости бо такя ба раиси ташкилоти ҷамъиятии "Иттиҳоди тоҷикони Перм" Хуршед Саидов.

"Қарор дар бораи равон кардани ҷасадҳо ба Тоҷикистон аз ҷониби хонавода буд. Ҳамаи корҳо мувофиқи қавонини дини ислом анҷом дода шудаанд. Фардо тариқи хатсайри Домодедово - Душанбе ҷасадҳо интиқол дода мешаванд. Имрӯз хешовандони Расуловҳо парвоз карданд ва соати 4 (соати 2 бо вақти Маскав) бояд ҷасадҳоро аз Перм ба Маскав интиқол медоданд", - шарҳ дод Саидов.

Ба гуфтаи ӯ, тамоми чораҳои тафтишотие, ки ба фиристодани ҷасадҳо халаловар буд, аллакай ба анҷом расонида шуданд.

Саидов қайд кард, ки хонаводаи Расуловҳо дар диаспораи тоҷикони Перм аз иззату эҳтироми хосса бархӯрдор аст.

Дар қатли зан шавҳараш айбдор мешавад ва даст доштани ӯ дар куштори хусураш низ таҳқиқ мешавад. Рӯзи ҷумъа Додгоҳи ноҳияи Дзержинский ҳамчун чораи пешгирикунанда мардро ба муддати ду моҳ маҳбас кард.

Аввал сари зани ҳомилаашро гирифту сипас хусурашро кушт: боздошти тоҷик дар Перм - навор

Тибқи иттилои кумитаи тафтишотӣ, рӯзи 3 феврал дар кӯчаи Заостровкаи Перм ҷасади як мард ва дар яке аз ҳуҷраҳои бинои бисёрошёна ҷасади зани ҳомила дарёфт шуд. Гумонбаршуда дарҳол аз ҷониби мақомот боздошт шуд.

3191
Барчаспҳо:
интиқол, Тоҷикистон, Русия, ҷасад
Хабаргириии Раҷаббой Аҳмадзода, раиси вилояти Суғд аз ҳоли сарбозон дар Конибодом

Раиси Суғд аз ҳоли сарбозону собиқадорон ва сохтмонҳо хабар гирифт

0
Раҷаббой Аҳмадзода, раиси вилояти Суғд, зимни сафари корӣ дар шаҳри Конибодом аз ҳоли сарбозону собиқадорони меҳнат хабар гирифт

ДУШАНБЕ, 28 фев – Sputnik. Тибқи иттилои котиботи ҳукумати Суғд, Аҳмадзода нахуст аз комендатураи мустақар дар Ҷамоати деҳоти ба номи Лоҳутӣ боздид намуда, бо шароити буду боши сарбозону афсарон шинос гардид. Раҷаббой Аҳмадзода афсарону сарбозонро бо иди гузашта шодбош гуфта, барои иҷрои вазифаҳои хизматӣ барору комёбиҳо таманно кардааст.

Инчунин Раҷаббой Аҳмадзода собиқадори меҳнат Меҳриҷон Ориповаи 90-сола ва маъюби гуруҳи якум Исмон Раҳмоновро аёдат намуда, ба онҳо кӯмакҳои моддӣ расондаст.

Манбаъ афзуд, ки раиси вилоят аз ҷумла бо сохтмони Минтақаи истироҳатӣ барои кӯдакону наврасони болаёқат дар деҳаи Ҷаҳонзеб, бинои нави боғчаи бачагонаи №10 дар деҳаи Лоҳутӣ, маркази савдо ва сехи дӯзандагӣ дар деҳаи Ниёзбек, майдони Парчами давлатӣ дар деҳаи Ниёзбек шинос шудааст.

Аҳмадзода инчунин бо ҷараёни сохтмони бинои муассисаи таҳсилоти миёнаи умумии рақами 7, гулгашти ба номи Камоли Хуҷандӣ ва таҷдиду навсозии Боғи фарҳангию фароғатии шаҳр шинос шуда, ҷиҳати бо сифати баланд ба итмом расонидани корҳо ва густариши корҳои ободониву хуррамгардонӣ ба роҳбарияти шаҳр супоришҳо дод.

Раиси Суғд таъкид кардааст, ки сокинони шаҳри Конибодом аҳлона меҳнат намуда, ҷашни бузурги миллӣ – 30-солагии Истиқлоли давлатиро бо дастовардҳои арзанда истиқбол хоҳанд гирифт.

0
Барчаспҳо:
хабаргирӣ, Суғд, Тоҷикистон