Такси. Акс аз бойгонӣ

Пулиси Маскав: таксирони дастгиршуда шаҳрванди Тоҷикистон аст

62
(Таҷдидшуда 10:12 20.04.2016)
Зодаи Тоҷикистон, ки дар пайгарди байналмиллалӣ барои ҷалби ҷавонон ба ширкат дар амалиётҳои террористӣ гумонбар мешуд, дар натиҷаи корҳои фаврӣ ҷустуҷӯии “Такси” дастгир гардид.

ДУШАНБЕ, 19 апр — Sputnik. Пулиси Маскав дар пайи баргузории як амалиёти вижаи ҷустуҷӯии "Такси" шаҳрванди Тоҷикистонро, ки барои ҷалб намудани одамон ба амалиётҳои террористӣ дар сафи ҷангиёни "Давлати исломӣ" дар феҳрасти кофтукоби байналмиллалӣ қарор дошт дастгир намуданд, иттилоъ медиҳад РИА Новости бо истинод ба сардори Раёсати ВКД-и Маскав Анатолий Якунин.

Бо мақсади пешгирии фаъолияти ғайриқонунии ронандаҳои нақлиёт ва таъмини бехатарии мусофирон аз 5 апрел амалиёти "Такси", ки дар он кормандони БДА, шӯъбаҳои корҳои дохилии ноҳиявӣ, масъулини мақомоти интизомӣ ва кормандони Раёсати тафтишоти ҷиноӣ ширкат доштанд, шурӯъ шуд.

Дар оғози амалиёт тибқи маълумоти раёсати марказии ВКД дар пойтахт 65 ҳазор такси ба қайд гирифта шуд, аммо мувофиқи маълумоти дар дастдоштаи мақомоти ҳифзи ҳуқуқ панҷ ҳазор такси бе иҷозатнома фаъолият мекардаанд.

"Дар округи марказӣ рӯзи 14 апрел шаҳрванди Тоҷикистон, ки барои ҷалб намудани одамон ба амалиётҳои террористӣ дар сафи ҷангиёни "Давлати исломӣ" дар феҳрасти ковтукоби байналмиллалӣ  қарор дошт, дастгир гардид",- гуфт Якунин.

Дар қатори ронандаҳои таксӣ 902 нафарашон қаблан ба ҷавобгарии ҷиноӣ кашида шуда, аз онҳо 14 тояшон бо ҷурми ҷиноятҳои вазнин (куштор, таҷовуз, гаравгон гирфтан) дастгир гардидаанд. Дар умум 29 ронанда, ки дар пайгарди байналмиллалӣ бо ҷурми ҷиноятҳои вазнин қарор доштанд, дастгир гардиданд.

Ҳамчунин, дар ҷараёни амалиёт 304 ронанда бидуни иҷозатномаи ронандагӣ ба қайд гирифта шуда, зиёда аз саду панҷоҳ нафар бо асноди тақаллубӣ боздошт гардиданд.

Роҳбари пулиси шаҳри Маскав Анатолий Якунин қайд намуд, ки дар пойтахт амалиёти дуюми "Такси" эълон гардид. Ин амалиёт то рафъи интиҳоии камбудиҳои ҷойдошта дар пойтахт идома хоҳад кард.

62
Барчаспҳо:
боздошт, амалиёт, таксӣ, ҷалб, пулиси Маскав, Раёсати ВКД-и Маскав, Давлати Исломӣ, ВКД, Анатолий Якунин, Душанбе, Русия, Тоҷикистон, Маскав
Мавзуъ
Сӯҳбати президент бо донишҷӯён: дар бораи ваҳдат ва “Давлати исломӣ”
Озодӣ: аз ҷамоати Язгуломи Ванҷ 18 тан ба “Давлати исломӣ” пайвастааст
Преступник за решеткой

Боздошти сокини ноҳияи Вахш: занеро фиреб додаву 12 ҳазор долларашро гирифтааст

256
(Таҷдидшуда 16:00 05.05.2020)
Вазорати умури дохилаи Тоҷикистон аз боздошти марде хабар медиҳад, ки дар кирдори қаллобӣ муттаҳам мешавад

ДУШАНБЕ, 5 май — Sputnik. Тибқи иттилои Вазорати корҳои дохилӣ, марди гунаҳкор дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия боздошт шудааст.

Ҳамин тавр, марди 41-солаи сокини ҷамоати деҳоти Ваҳдати ноҳияи Вахш ҳамчун гумонбар дар содир намудани кирдори қаллобӣ дастгир карда шуд. 

Номбурда, моҳи декабри соли 2015, бо роҳи фиреб ба боварии зани 49-солаи сокини ҷамоати деҳоти Россияи ноҳияи Рӯдакӣ даромада, аз ӯ 12 ҳазор доллари амрикоӣ гирифта, то ҳол маблағашро барнагардонидааст.

Манбаъ афзуда, ки нисбати гумонбаршаванда парвандаи ҷиноятӣ бо моддаи 247 қисми 4 оғоз карда шуда, тафтишот идома дорад.

256
Барчаспҳо:
боздошт, қаллобӣ, Тоҷикистон

Истеъмол накунед: олимон доруе, ки коронавирусро бештар афзоиш медиҳад муайян карданд

4977
Бархе озмоишҳо нишон додааст, ки яке аз шарбатҳои зидди сурфа ба зиёдшавии коронавирус дар бадан кумак мекунад

ДУШАНБЕ, 3 мая — Sputnik. Ба нақл аз пойгоҳи хабарии шабакаи Ал-Олам, дар озмоишҳое, ки донишмандон барои баррасии таъсири анвои намуди доруҳо бар коронавирус анҷом додаанд мушаххас шуд, ки шарбати "Декстрометорфан", ки барои дармони сурфа истифода мешавад, метавонад сабаби зиёдшавии ин маризӣдар бадани фарди мубтало шавад.

Ин шарбат ҳамон фарояндеро фаъол мекунад, ки вируси корона барои зиёдшавии худ мавриди истифода қарор медиҳад.

Тасмими раису тобеин: маоши якмоҳа алайҳи коронавирус ва 500 сомонӣ кумакпулӣ ба табибон

Яке аз устодони Донишкадаи дорусозии Сан-Франсиско дар бораи истифода аз ин дору гуфтааст, ки он ҳоли беморони коронавирусро бадтар мекунад.

Донишмандони Донишкадаи дорусозии Сан-Франсиско тавсия кардаанд беҳтар аст ҳама дар замони шуйюи вируси корона ва то замони эъломи натиҷаи ниҳоии таҳқиқот, дар истеъмоли ин дору ва доруҳои дигаре, ки боиси афзоиши зиёдшавии вирус мешаванд эҳтиёт кунанд.

4977
Мавзуҳо:
Пайомадҳои COVID-19 дар Тоҷикистон ва ҷаҳон

Омори 7 рӯзи охири баҳор дар Хуҷанд: тасфу “илтиҳоби шуш” кам шудааст

0
(Таҷдидшуда 00:51 03.06.2020)
Маркази ёрии таъҷилии тиббии шаҳри Хуҷанд, омори табъи баланду хуруҷи бемории “илтиҳоби шуш” дар охирин рӯзҳои фасли баҳорро ироа кард

ДУШАНБЕ, 2 июн – Sputnik. Мирзонабӣ Мирзоҳошимов, сартабиби Маркази ёрии таъҷилии тиббӣ дар шаҳри Хуҷанд дар суҳбат ба Sputnik Тоҷикистон гуфт, рӯзҳои охири фасли баҳор, мавридҳои баландшавии ҳарорати бадан ва хуруҷи "илтиҳоби шуш" дар миёни сокинон коҳиш ёфтааст.

"Давоми як ҳафта, яъне аз рӯзи 25 то 31 - уми май дар умум ба сатансияҳои Маркази ёрии таъҷилии тиббии шаҳри Хуҷанд 52 муроҷиати сокинон бо аломатҳои бемории "илтиҳоби шуш" ба қайд гирифта шудааст. Дар ин шумор занону мардон қариб, ки баробар буда, ҳамаи онҳо барои табобат ба беморхонаи клиникавии Суғд интиқол дода шудаанд", - гуфт Мирзоҳошимов.

Бино ба иттилои сартабиб, давоми ҳафт рӯзи охири баҳори имсол ҷамъан 746 сокин аз ду тарфи соҳили дарёи Сир дар Хуҷанд бо аломатҳои мухталифи беморӣ аз ҷумла фишорбаландӣ, шамолхӯрдагӣ ва бемориҳои қанду қалбӣ барои расонидани ёри фаврии тиббӣ ба онҳо муроҷиат кардаанд, ки аз ин шумор бештар аз 120 ҳолати нотобшавиҳо аз баландшавии табъ будааст.

Мирзонабӣ Мирзоҳошимов зикр намуд, ки аз рӯи муроҷиати сокинон, мушоҳида мешавад, ки дар рӯзҳои нахустини фасли тобистон суръати сироятёбӣ ба "илтиҳоби шуш" назар ба моҳҳои фасли баҳор хеле поён поён рафтааст.

"Рӯзҳои аввали моҳи май то 70 – 80 нафар муроҷиати сокинон танҳо бо ҳолати баландшавии тасф ва гирифторӣ ба бемории "илтиҳоби шуш" дар як шабонарӯз ба қайд гирифта мешуд. Хушбахтона дар оғози фасли тобистон сабти ин қабил маризӣ дар миёни сокинони шаҳр то ба 8 – 10 ҳолатӣ кам шудааст", - иброз намуд сартабиб.

Сартабиби Маркази ёрии таъҷилии тиббӣ мегӯяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ  ба коҳишёбии шиддати авҷи ин маризӣ таъсири амиқ расонидааст. Аммо табибон таъкид меварзанд, ки ки барои пурра нобуд шудани "илтиҳоби шуш" боз ҳам нақши сокинон муҳим ва  минбаъд ҳам набояд риояи гигиенаи тиббӣ сарфи назар шавад.

Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

0
Барчаспҳо:
мошин, ёрии таъҷилӣ, Тоҷикистон