Бинои додгоҳи Маскав. Акс аз бойгонӣ

Додгоҳ дар Русия 2 тоҷикро барои 7 сол равонаи зиндон кард

16
(Таҷдидшуда 18:02 19.05.2016)
Аввоили соли равон ин ду шаҳрванди Тоҷикистон аз ҷониби кормандони Хадамоти федералии назорат аз болои маводи мухаддири Русия боздошт ва аз онҳо ҳудуди беш аз 2,5 кило ҳероин мусодира гардида буд.

ДУШАНБЕ, 19 май — Sputnik. Додгоҳи шаҳри Дмитровскийи вилояти Маскав ду сокини Тоҷикистон-Насим Сатторов ва Баҳриддин Мирзоалиевро бо ҷурми интиқол ва фурӯши нашъа ба 7 соли зиндон маҳкум кард.

Тибқи иттилоъи расмӣ, тафтиши парванда собит кардааст, ки ин ду нафар бо шарикони худ дар шаҳри Дмитровский ва навоҳии дигари вилояти Маскав ба миқдори зиёд ҳероинро ба фурӯш расондаанд.

Манбаъ меафзояд, ҳанӯз моҳи январи соли равон Насим Сатторов ва Баҳриддин Мирзоалиев аз ҷониби кормандони Хадамоти федероли назорат бар маводи мухаддири Русия боздошт ва аз   онҳо 2,5 кило ҳероин мусодира шудааст.

"Муттаҳамон муддати адои ҷазоро маҳбаси низомаш шадид сипарӣ хоҳанд кард",- омадааст дар иттилоъияи додгоҳи Дмитровский.

Чанде қабл бо чунин иттиҳом ду сокини дигари Тоҷикистон Сайфиддин Бобоев ва Муҳибулло Қурбонов мутаносибан ба 16 ва 15 сол зиндон маҳкум шуда буданд.

16
Барчаспҳо:
7 соли зиндон, фурӯши нашъа, дастгир, Додгоҳи шаҳри Дмитровский, Баҳриддин Мирзоалиев, Насим Сатторов, Маскав
Мавзуъ
Шаҳрванди Қазоқистон дар додгоҳи Русия муҳокима мешавад
Опустевшие дороги в городе Душанбе

Раёсати ВКД дар Душанбе: "Баҳриддинро облава набурдааст, ӯ талбандагӣ мекард"

256
(Таҷдидшуда 14:15 08.10.2020)
Раёсати ВКД дар шаҳри Душанбе вокунише нашр карда аз мардум хоҳиш кардааст, ки ҳар амали кормандони мақомоти қудратиро ба "Облава" рабт надиҳанд

ДУШАНБЕ, 8 окт — Sputnik. Раёсати ВКД дар шаҳри Душанбе мегӯяд, рӯзи 6-уми октябри соли ҷорӣ дар як қатор сомонаҳои иҷтимоии интернетӣ ва расонаҳои хабарӣ наворе нашр гардид, ки дар он ҳолати аз роҳи мошингард баровардани 1 нафар ҷавонписар бо як нафар ҷавондухтар аз ҷониби ду нафар корманди милитсия инъикос ёфтааст.

Манбаъ афзудааст, ки муаллифи навор ҳодисаи мазкурро "ҳолати ба таври маҷбурӣ ба хизмати ҳарбӣ сафарбар кардани ҷавонписар (ба истилоҳ облава)" шарҳ дода, баъдан ба як қатор расонаҳо ва саҳифаҳои иҷтимоии интернетӣ паҳн намудааст.

Навори мазкур баъди паҳн гардидан дар шабакаҳои интернетӣ мавриди вокуниши шадиди корбарон қарор гирифта, зимнан аз Раёсати ВКД дар шаҳри Душанбе дархост намуданд, ки ҳодиса мавриди санҷиш қарор дода шавад.

Вобаста ба аз байн бурдани нофаҳмии бавуҷудомада ва муайян намудани ҳолати воқеӣ дар асоси супориши роҳбарияти Раёсати ВКД дар шаҳри Душанбе шахсияти ҳамаи иштирокдорони навор, аз ҷумла кормандони милитсия, ҷавонмарду ҷавонзани дар навор инъикосгардида ва муаллифи навор муайян ва ба Раёсати ВКД дар шаҳри Душанбе дастрас карда шудаанд.

"Зимни санҷиш муайян карда шуда, ки онҳо: Пардаев Бадриддин Искандарович санаи таваллудаш 11.09.1993, сокини шаҳри Ваҳдат, ҷамоати Тулдара, деҳаи Баҳор оиладор, соҳиби 3 фарзанд ва ҳамсараш Халосова Озода Шамсиддиновна санаи таваллудаш 26.09.1995 сокини суроғаи болозикргардида мебошанд", - омадаатс дар хабарнома.

Ба иттилои онҳо, рӯзи  30 сентябри соли ҷорӣ дар ҳудуди давродаври қисмати чапи пули Текстил, рӯ ба рӯи бинои Шарқи озод, дар роҳи мошингард ҳангоми машғул шуданашон ба талбандагӣ кормандони милитсия ҳозир шуда, хостанд аз роҳи мошингард ҷавони талбанда Бадриддин Пардаевро ба канори роҳ бароранд. Дар ин лаҳза ҳамсари ӯ Озода Халосова монеи амалкарди кормандони милитсия гардида, намегузорад ки кормандони милитсия ӯ ва шавҳарашро аз роҳи мошингард ба канори роҳ бароранд.

Ин ҳодисаро ронандаи автомашинаи тамғаи Лексус RX рақами қайди давлатиаш 9345 ЕМ01 шаҳрванд Латипов Насимҷон Ҳақдодович соли таваллудаш 11.01.1994 истиқоматкунандаи шаҳри Душанбе, кӯчаи А.Ҷомӣ тавассути телефони мобилиаш сабт намуда, бо гузашти 6-7 рӯз навори мазкурро носанҷида ба таври иғвоангезӣ ҳамчун "ҳодисаи маҷбурӣ ба хизмати ҳарбӣ бурдан (облава)" бозтобӣ намуда, тавассути сомонаҳои иҷтимоӣ ва ирсол намудан ба расонаҳои хабарӣ дар шабакаи Интернет паҳн намудааст.

ВКД мегӯяд, худи шаҳрванд Латипов Насимҷон ҳодиса санаи 30 сентбяр рух дода буд, ки ҳатто дар ин руз даъвати тирамоҳӣ ба сафи Қувваҳои мусаллаҳ оғоз нагардида, муаллифи навор дидаю дониста ин хабари бардуруғро ҳамчун ҳодисаи "облава" паҳн намудааст.

Раҳмон дар бораи "облава": қонуншикании ҷиддист, ҳатто беморонро мебаранд

"Ҷои нигаронист, ки як қатор расонаҳои хабарӣ ва сомонаҳои иттилоотӣ ҳолати корро ба таври пурра дарк ва дуруст ташхис накарда, якҷониба ба таври худ ин ҳодисаро низ ҳамчун ҳодисаи "облава" инъикос намуданд, ки ин амали рузноманигорон хилофи этика ва меъёрҳои журналистӣ аст".

Ин дар ҳолест, ки тибқи нишондодаш шаҳрванд Пардаев Бадриддин аз соли 2010 то 2012 дар яке аз қисмҳои ҳарбии Вазорати мудофиа воқеъ дар шаҳри Конибодом хизмати ҳарбиро ба ҷо оварда, бар замми ин соҳиби 3 фарзанд мебошад ва ҳодисаи мазкур ба "облава" ягон рабт надорад.

Вобаста ба ҳолати мазкур Раёсати ВКД дар шаҳри Душанбе иттилоъ медиҳад, ки кормандони милитсия ӯҳдадоранд ҳар як ҳолати вайроннамоии қоидаҳои ҳаркати роҳ аз ҷониби шаҳрвандон, аз ҷумла машғул шудан ба талбандагӣ дар роҳҳои мошингард, зери чароғакҳои роҳнамо дуд додани испанд, ба фурӯш баровардани ҳар гуна маводҳои кӯдакона дар роҳҳоро пешгирӣ ва нисбаташон чораандешӣ намоянд.

256
Барчаспҳо:
ВКД, ВКД, "облава", Душанбе
Прокуратураи вилояти Суғд

Прокурори Суғд гуфт, баъзе мансабдорон дар замони COVID-19 даст ба қонуншиканӣ задаанд

1074
(Таҷдидшуда 16:57 06.10.2020)
Прокурори вилояти Суғд - Ҳабибулло Воҳидов вазъи санҷиши соҳаи ҳифзи аҳолӣ дар замони ҳамагирии COVID-19 ро шаҳр дод

ДУШАНБЕ, 6 окт – Sputnik. Ӯ гуфт, ки дар ин давра ҳолатҳои ба муомилот баровардани дорувории пастсифати кӯҳнашуда, номатлуб иҷро намудани вазифаҳои касбӣ ва азонихудкунии маблағҳои буҷҷавӣ ошкор карда шудааст.

Ҳабибулло Воҳидов, прокурори вилояти Суғд дар ҷаласаи ҳайати мушовараи ин ниҳод гуфт, дар пайи санҷишҳои прокурорӣ давоми нӯҳ моҳи соли ҷорӣ 1600 дорувории кӯҳнашуда ва беш аз 2760 номгӯи маводи тиббӣ бе доштани сертификат аз дорухонаҳо боз дошта шуда, нисбати 138 нафар қонунвайронкунандаҳо парвандаҳои маъмурӣ ва ҷиноӣ оғоз карда шудааст.

Прокурори вилоят дар ҷараёни ҷаласае, ки дирӯз вазъи риояи қонунгузорӣ дар бораи ҳифзи саломатии аҳолӣ баррасӣ мешуд, таъкид намуд, ки дар ин самт як қатор қонунвайронкуниҳо аз ҷониби ашхоси мансабдор ба қайд гирифта шудааст.

"Дар рафти санҷишҳои риояи вазъи қонунгузории соҳаи беҳдоштӣ, ҳолатҳои аз тарафи шахсони мансабдор риоя нагардидани меъёр ва қоидаҳои ҳифзи саломатии аҳолӣ, санитарию эпидемиологӣ, ба муомилот баровардани дорувории пастсифат, бе иҷозатнома ба қайдгирии давлатии маводи доруворӣ, номатлуб иҷро намудани вазифаҳои касбӣ, азонихудкунии маблағҳои буҷҷавӣ ва дигар қонунвайронкуниҳо ошкор карда шудаанд", - иттилоъ дод Воҳидов.

Прокурори Суғд иброз намуд, ки дар натиҷаи ошкоршавии инчунин ҳолатҳо 163 адад санадҳои беэътиноӣ бароварда шуда, 230 нафар ба ҷавобгарии интизомӣ ва маъмурӣ кашида шуда, нисбати 33 нафар парвандаҳои ҷиноӣ оғоз карда шудааст.

Дар нӯҳ моҳи соли ҷорӣ дар умум ба мақомоти прокуратураи вилояти Суғд 8215 муроҷиати шаҳрвандон ворид шудааст.

1074
Барчаспҳо:
мансабдорон, прокурор, Суғд
Мавзуҳо:
Пайомадҳои COVID-19 дар Тоҷикистон ва ҷаҳон
Автомобиль опрокинулся в реку Фондарё

Садамаи маргбор дар шоҳроҳи "Душанбе-Хоруғ-Қулма": худрав ба дарёи "Ғунд" чаппа шуд

0
(Таҷдидшуда 15:51 28.10.2020)
Вазорати умури дохилаи Тоҷикистон аз садмаи маргбор дар шоҳроҳи "Душанбе - Хоруғ - Қулма" хабар медиҳад

ДУШАНБЕ, 28 окт — Sputnik. Бино ба гузориши Вазорати корҳои дохилӣ, садама бегоҳи 27-уми октябррух додааст.

Тибқи иттилои ВКД, ронандаи худрави тамғаи "Чанху", Мардонов Ховар Навбаҳорович, соли таваллудаш 1972, сокини ноҳияи Шуғнон, ҳангоми ҳаракат дар шоҳроҳи "Душанбе-Хоруғ-Қулма", аз уҳдаи идораи воситаи нақлиёт набаромада, ба дарёи "Ғунд" чаппа шудааст.

Марги ду сокини Чорсӯ дар садамаи мудҳиши нақлиётӣ: яке ронанда буду дигараш мусофир

Гуфта мешавад, ки садама дар ҳудуди деҳаи Боғев ба вуқӯъ пайвастааст.

"Дар натиҷа, ронанда Мардонов Х.Н. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд

Манбаъ афзуда, ки аз рӯи ин ҳодисаи мазкур таҳқиқот идома дорад.

0
Барчаспҳо:
ҳалокат, садама, Тоҷикистон