ДУШАНБЕ, 6 июн — Sputnik. Кормандони ҳифзи ҳуқуқ 7 нафар муҳассили мактабро дастгир намуданд, иттилоъ медиҳад дафтари матбуотии Вазорати Корҳои Дохилии Ҷумҳурии Тоҷикистон.
Хонандагони синфҳои 9 ва 11-и яке аз мактабҳои пойтахт ва як нафари дигарро, ки дар ягон ҷой таҳсил намекард дар авбошӣ мутаҳҳам медонанд.
"Гумонбаршудагон тартиботи ҷамъиятиро вайрон намуда, якдигарро лату кӯб кардаанд"-омадааст дар иттилоия.
Бар асари занозанӣ чор хонанда бо ҷароҳатҳои гуногуни ҷисмонӣ дар бемористон бистарӣ гардиданд.
Феълан аз рӯи ҳодисаи ҳуқуқвайронкунӣ тафтишот идома дорад.
