Роҳ ба сӯи Қурғонтеппа. Акс аз бойгонӣ

Зану духтаре дар шаҳри Қӯрғонтеппа зери чархи худрав монданд

246
(Таҷдидшуда 16:05 13.07.2017)
Рӯзи 12 июл зану духтаре дар шаҳри Қӯрғонтеппа зери чархи худрав монданд

ДУШАНБЕ, 13 июл — Sputnik. Бино ба итттилоъи равобити умумии ВКД ҶТ, ронандае дар шаҳри Қӯрғонтеппа идораи худравашро аз даст дода зану духтареро пахш кардааст. Ин ҳодиса рӯзи 12 июл дар назди кӯдакистони №5 ҳамин шаҳр рух додааст.

Ронандаи худрави савории "Опел Астра", марди 27-солае аз ноҳияи Вахш, ҳангоми ҳаракат аз сӯи дарвозаи шаҳри Қӯрғонтеппа ба сӯи тандиси Исмоили Сомонӣ фармони василаи нақлияро аз даст дода, зани 41-сола ва духтари 12-солаашро пахш кардааст.

Зану духтар дар ин тасодуф сахт захмӣ шудаву ба бемористон бурда шудаанд. Духтарак дар бемористон ҷонашро аз даст додааст.

Ин зан ва духтар дар хиёбони Дӯстии халқҳо дар шаҳри Қӯрғонтеппа зиндагӣ мекардаанд.

Манбаъ меафзояд, ки чигунагии ин тасодуф баррасӣ мешавад.

246
Барчаспҳо:
садамаи нақлиётӣ, ВКД ҶТ, Қурғонтеппа
Мавзуъ
Сафари пурхатар: ҷавони 26-сола ба Хуҷанд нарасида ҳалок шуд
Дар пайи садамаи нақлиётӣ дар Русия 3 шаҳрванди Тоҷикистон кушта шуд
Ҳалокати писарбачаи 3-сола дар пайи садамаи нақлиётӣ
Дар пайи садамаи нақлиётӣ генерал-майор Зариф Бобокалонов даргузашт