Биринҷ. Акс аз бойгонӣ

Дар Душанбе фурӯшандаҳои макарон ва биринҷи пастсифат ошкор шуданд

198
(Таҷдидшуда 13:33 31.12.2017)
Дар паи баргузории чорабиниҳои оперативӣ-ҷустуҷӯӣ дар корхонаи истеҳсоли маҳсулотҳои хӯроквории ҶДДМ “Шириниҳои Пойтахт”, камбудиҳои ҷиддии хати барқ ва ҳолати бади санитарӣ-гигиенӣ муайян карда шудааст

ДУШАНБЕ, 31 дек — Sputnik. Дар Тоҷикистон дар натиҷаи баргузории чорабиниҳои ҷустуҷӯӣ аз ҷониби кормандони Раёсати мубориза бар зидди ҷиноятҳои муташаккили ВКД, Сарраёсати Хадамоти давлатии оташнишонии ВКД, Хадамоти давлатӣ оид ба назорат дар соҳаи энергетикаи "Тоҷикстандарт", Нозироти андоз ва Хадамоти давлатии санитарии эпидемиологии шаҳри Душанбе, камбудиҳои ҷиддии корхонаи истеҳсоли маҳсулотҳои хӯроквории ҶДДМ "Шириниҳои Пойтахт" ошкор шудааст.

Дар ин бора равобити умумии Вазорати корҳои дохилӣ хабар медиҳад.

Рӯзи 29-уми декабри соли 2017, ҳангоми доир намудани чорабиниҳои оперативӣ-ҷустуҷӯӣ  дар корхонаи истеҳсоли маҳсулотҳои хӯроквории ҶДДМ "Шириниҳои Пойтахт", воқеъ дар кӯчаи Лучоб, ки ба шаҳрванд М.Х., соли таваллудаш 1966, сокини пойтахт, сардори ҶДДМ "Шириниҳои Пойтахт" ва бо шарики тиҷоратии ӯ шаҳрванд Ш.С., соли таваллудаш 1981, сокини шаҳри Ҳисор тааллуқ доранд, камбудиҳои ҷиддии хати барқ ва ҳолати бади санитарӣ-гигиенӣ муайян карда шуд.

"Мувофиқи маълумотномаи Агентии стандартизатсия таҳти №5760 аз 27 —уми декабри соли 2017, макарони навъи "вермишел" 3036-кг ба маблағи 11025-сомонӣ, макарони навъи "крупние рожки" 7957-кг ба маблағи 27853-сомонӣ ва биринҷи "Асман" 750 кг ба маблағи 6000-сомонӣ, ҷамъ ба маблағи 44878-сомонӣ, ба талаботи ГОСТ ҷавобгӯй нестанд",-омадааст дар хабарнома.

Манбаъ меафзояд, ки аз рӯи ин қазия парвандаи ҷиноӣ боз шудаву тафтишот идома дорад. 

198
Барчаспҳо:
маҳсулоти пастсифат, ВКД-и Тоҷикистон, Душанбе, Тоҷикистон
Преступник за решеткой

Боздошти сокини ноҳияи Вахш: занеро фиреб додаву 12 ҳазор долларашро гирифтааст

256
(Таҷдидшуда 16:00 05.05.2020)
Вазорати умури дохилаи Тоҷикистон аз боздошти марде хабар медиҳад, ки дар кирдори қаллобӣ муттаҳам мешавад

ДУШАНБЕ, 5 май — Sputnik. Тибқи иттилои Вазорати корҳои дохилӣ, марди гунаҳкор дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия боздошт шудааст.

Ҳамин тавр, марди 41-солаи сокини ҷамоати деҳоти Ваҳдати ноҳияи Вахш ҳамчун гумонбар дар содир намудани кирдори қаллобӣ дастгир карда шуд. 

Номбурда, моҳи декабри соли 2015, бо роҳи фиреб ба боварии зани 49-солаи сокини ҷамоати деҳоти Россияи ноҳияи Рӯдакӣ даромада, аз ӯ 12 ҳазор доллари амрикоӣ гирифта, то ҳол маблағашро барнагардонидааст.

Манбаъ афзуда, ки нисбати гумонбаршаванда парвандаи ҷиноятӣ бо моддаи 247 қисми 4 оғоз карда шуда, тафтишот идома дорад.

256
Барчаспҳо:
боздошт, қаллобӣ, Тоҷикистон

Истеъмол накунед: олимон доруе, ки коронавирусро бештар афзоиш медиҳад муайян карданд

4977
Бархе озмоишҳо нишон додааст, ки яке аз шарбатҳои зидди сурфа ба зиёдшавии коронавирус дар бадан кумак мекунад

ДУШАНБЕ, 3 мая — Sputnik. Ба нақл аз пойгоҳи хабарии шабакаи Ал-Олам, дар озмоишҳое, ки донишмандон барои баррасии таъсири анвои намуди доруҳо бар коронавирус анҷом додаанд мушаххас шуд, ки шарбати "Декстрометорфан", ки барои дармони сурфа истифода мешавад, метавонад сабаби зиёдшавии ин маризӣдар бадани фарди мубтало шавад.

Ин шарбат ҳамон фарояндеро фаъол мекунад, ки вируси корона барои зиёдшавии худ мавриди истифода қарор медиҳад.

Тасмими раису тобеин: маоши якмоҳа алайҳи коронавирус ва 500 сомонӣ кумакпулӣ ба табибон

Яке аз устодони Донишкадаи дорусозии Сан-Франсиско дар бораи истифода аз ин дору гуфтааст, ки он ҳоли беморони коронавирусро бадтар мекунад.

Донишмандони Донишкадаи дорусозии Сан-Франсиско тавсия кардаанд беҳтар аст ҳама дар замони шуйюи вируси корона ва то замони эъломи натиҷаи ниҳоии таҳқиқот, дар истеъмоли ин дору ва доруҳои дигаре, ки боиси афзоиши зиёдшавии вирус мешаванд эҳтиёт кунанд.

4977
Мавзуҳо:
Пайомадҳои COVID-19 дар Тоҷикистон ва ҷаҳон
Милисаҳо, акс аз бойгонӣ

“Занма рӯз намедиҳад”: чаро Холалӣ падарашро кушт-видео

0
(Таҷдидшуда 12:58 04.06.2020)
Вазорати умури дохилии Тоҷикистон бо нашри гузориши видеоӣ тафсилоти бештари марги падар аз ҷониби писарро дар ноҳияи Вахш ироа кард

ДУШАНБЕ, 4 июн — Sputnik. Тибқи гузориши ВУД, маъмурини милиса Тӯхтаев Холалӣ, сокини 35 - солаи ноҳияи Вахшро барои даст доштан дар марги падараш, Тӯхтаев Холбобои 58 – сола боздошт кардаанд.

Манбаъ афзуд, Холалӣ ба далели он, ки падараш қаблан зани 30-солаашро латукӯб кардааст,  шаби 28-уми майи соли 2020, тахминан соати 23:30-дақиқа ӯро бо офтоба чанд бор задааст. Дар натиҷа падари маҷруҳ дар беморхона ҷон додааст.

Писари муттаҳам дар гузориши видеоӣ изҳор медорад, “занма рӯз намедиҳад. Задай, кӯдаки майдаакима тарсондай. Боз занам ҳаштмоҳа ҳомиладорай. Ғам медиҳад, аз хона буро мегӯяд”. Ӯ илова намуд, ки бо офтоба чанд бор ба сари падараш зад.

Дар натиҷа ҷабрдида ҷароҳатҳои вазнини ҷисмонӣ бардошта, дар беморхона  ба ҳалокат расидааст.

ВУД Тоҷикистон мегӯяд, нисбати гумонбаршаванда парвандаи ҷиноятӣ бо моддаи 110 қисми 3 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

0
Барчаспҳо:
писар, падар, ҷиноят, Тоҷикистон