Масҷид, акс аз бойгонӣ

Ҳукми ҷавони тоҷик барои дуздиҳо аз сандуқи хайрияи масҷид

219
Додгоҳи ноҳияи Орҷоникидзеи шаҳри Перм як муҳоҷири тоҷикро барои дуздиҳо аз масҷид ба 11 моҳи корҳои ислоҳӣ маҳкум кард

ДУШАНБЕ, 8 окт — Sputnik. Тибқи иттилоияи сомонаи расмии додгоҳ, муҳоҷири 20 – солаи тоҷик аз сандуқҳои хайрияи масҷид нимаи аввали моҳи июни соли равон якчанд бор маблағ дуздидааст.

Манбаъ мегӯяд, маҳкумшуда муҳофизро пайгирӣ карда, макони калидро дақиқ намудааст ва дар вақти муносиб калидро аз ҳуҷрааш гирифта,  бо “отвёртка” сандуқи хайрияро кушодасту маблағ дуздидаст.

“Бори нахуст 25 ҳазор рубл гирифтааст ва баъди чанд рӯз баргашта боз аз сандуқи хайрия 11 ҳазор рубли дигар гирифтааст. Бори сеюм 12 июни соли равон вориди масҷид шудааст, аммо дар пайи пайдо шудани кормандони масҷид аз ҷои ҳодиса фирор намудааст”, - омадааст дар иттилоияи додгоҳ.

Бо қарори додгоҳ аввали октябр муҳоҷири тоҷик ба 11 моҳи корҳои ислоҳӣ маҳкум гардида, қарор шудааст, ки 10 дарсади моҳонааш ба фоидаи давлат рӯёнда шавад.

219
Барчаспҳо:
муҳоҷир, дуздӣ, парванда, Тоҷикистон-Русия