Дорожный знак, архивное фото

Фоҷиа дар ноҳияи Дӯстӣ: Рухшонаи 9-сола зери чархи худрав ҷон бохт

352
(Таҷдидшуда 11:23 30.05.2019)
Вазорати умури дохилаи Тоҷикистон мегӯяд, ки таҳқиқи ин ҳодиса идома дорад

ДУШАНБЕ, 30 май — Sputnik. Ба гузориши Вазорати умури дохилии Тоҷикистон, Рухшонаи 9-сола зери чархи худрав монду дар бемористон ҷон бохт. 

Ҳодиса рӯзи 28-уми майи соли 2019, тахминан соати 16:00 ба вуқӯъ пайваст.

Гуфта мешавад, ки ронандаи автомашинаи тамғаи “Опел-Астра”, Атоев Маҳмадалӣ Саидмуродович, соли таваллудаш 1994, сокини шаҳри Роғун, ҳангоми ҳаракат аз самти шаҳри Душанбе ба самти ноҳияи Шаҳритус, дар ҳудуди ноҳияи Дӯстӣ, аз ӯҳдаи идораи воситаи нақлиёт набаромадааст.

Дар натиҷа ронанда, пиёдагарди ноболиғ, Қосимова Рухшона Одиловна, соли таваллудаш 2010, хонандаи синфи 2-юми МТМУ, сокини ноҳияи Хуросонро, ки аз тарафи чапи роҳ ба тарафи рост мегузашт, пахш намудааст. 

Манбаъ афзуда, ки пиёдагарди ноболиғ, Қосимова Р.О. ҷароҳати вазнини ҷисмонӣ бардошта, дар беморхонаи марказии н.Дӯстӣ ба ҳалокат расидааст.

Вазорати умури дохила мегӯяд, аз рӯи ин ҳодиса таҳқиқ идома дорад.

352
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2021
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2021
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон
Чемодан с деньгами, архивное фото

Бонки ҷаҳонӣ ба Тоҷикистон барои рушди тиҷорат ва нақлиёт 132 миллион доллар медиҳад

0
Маҷмӯи сармоягузорӣ ба инфрасохтори нақлиёт ва муосиргардонии расмиёти гумрукӣ ба Тоҷикистон имкон медиҳад, ки бозорҳои содиротӣ созмон диҳад ва барои соҳибкории хусусӣ имкониятҳои иловагӣ фароҳам оварад, мегӯяд Бонки ҷаҳонӣ.

ДУШАНБЕ, 4 авг — Sputnik.  Бонки Ҷаҳонӣ ба Тоҷикистон барои густариши тиҷорати наздисарҳадӣ ва беҳтар кардани ҳамлу нақл 132 миллион доллар грант медиҳад, иттилоъи медиҳад, намояндагии ин ниҳоди молӣ.

Гуфта мешавад, Бонки ҷаҳонӣ маблағгузории грантии марҳилаи чоруми "Барномаи беҳбуд бахшидани роҳсозиро дар Осиёи Марказӣ" тасдиқ кардааст.

Тибқи иттилои Бонки ҷаҳонӣ, 131 миллион долларро Ассотсиатсияи байналмилалии рушд таъмин медиҳад ва як миллион долларро Фонди Трастии “Барномаи Савдо ва Алоқаи Осиё” илова мекунад.

"Дар мавзеи баландкӯҳ, ки баромад ба баҳр надорад ва алоқаи маҳдуд дорад, Тоҷикистон ба гаронтарин хароҷоти нақлиёт ва савдо дар Осиёи Марказӣ рӯбарӯ аст" гуфт Ян-Питер Олтерс, роҳбари намояндагии доимии Бонки ҷаҳонӣ дар Тоҷикистон.

Вай таъкид намуд, ки маҷмӯи сармоягузориҳо ба инфрасохтори нақлиёт ва осонгардонии расмиёти гумрукӣ ба Тоҷикистон имкон медиҳад, ки бозорҳои содиротиро роҳандозӣ кунад ва барои соҳибкории хусусӣ имкониятҳои иловагӣ фароҳам оварад.

Таъкид шудааст, маблағҳо барои баланд бардоштани устуворӣ ва бехатарии инфрасохтори роҳ дар вилояти Суғд ва ВМКБ равона карда мешаванд.

Ҳамзамон бо мақсади мусоидат ба тиҷорати наздисарҳадӣ, навсозии платформаи технологияҳои иттилоотӣ ва коммуникатсионии Хадамоти гумрук пешбинӣ шудааст.

0